(បាត់ដំបង)៖ បុរសពីរនាក់បងប្អូនបង្កើតនាំគ្នាផឹកស៊ី ហើយបានទាស់សម្តីគ្នាបន្តិចបន្តួចសោះ សម្រេចចិត្តទៅចង-ក សម្លាប់ខ្លួន នឹងដើមពុទ្រាចម្ងាយពីផ្ទះ១៥០ម៉ែត្រ ហើយត្រូវបានគេប្រទះឃើញ នៅព្រឹកថ្ងៃទី៣០ ខែធ្នូ ឆ្នាំ២០១៦នេះ នៅចំណុចក្រុមទី៧ ភូមិកំពង់ឆ្លង ឃុំឈើទាល ស្រុកបាណន់ ខេត្តបាត់ដំបង។
បើតាមរបាយការណ៍សមត្ថកិច្ចមូលដ្ឋាន បានបញ្ជាក់ថា កាលពីល្ងាចថ្ងៃម្សិលមិញ ពួកគេទាំង២នាក់បានផឹកស៊ីជាមួយគ្នា រហូតដល់ទាស់សម្តីជជែកគ្នាយ៉ាងខ្លាំងផ្អើលអ្នកផ្ទះទាំងយប់ ហើយក៏នាំគ្នាឈប់ផឹកទៅដេករៀងខ្លួនបាត់ទៅ។ លុះព្រឹកឡើងស្រាប់តែក្រុមគ្រួសារដើរទៅ ស្រាប់តែប្រទះឃើញមនុស្សស្លាប់បាត់ទៅហើយ ក៏មានការផ្អើលឆោឡោ រួចប្តឹងសមត្ថកិច្ចឲ្យមកត្រួតពិនិត្យ។
បន្ទាប់ពីសមត្ថកិច្ចជំនាញបានទទួលព័ត៌មាន បានចុះមកកន្លែងកើតហេតុភ្លាម ដើម្បីធ្វើកោសលវិច័យរួចបានសន្និដ្ឋានថា ជនរងគ្រោះពិតជាបានធ្វើអត្តឃាតចង-ក សម្លាប់ខ្លួនឯងពិតប្រាកដមែន ដោយពុំមានករណីឃាតកម្មអ្វីឡើយ។ សមត្ថកិច្ចថា ជនរងគ្រោះឈ្មោះ លាង ចន្ថា ហៅវ៉ិត អាយុ២១ឆ្នាំ មុខរបរជាងថតរូប។
ក្រោយពិនិត្យរួចរាល់ សមត្ថកិច្ចបានប្រគល់សពជនរងគ្រោះទៅឲ្យក្រុមគ្រួសារ យកទៅធ្វើបុណ្យតាមប្រពៃណី៕
ប្រភព៖ FRESH NEWS
កំណត់ត្រាខ្មែរឡូត៖
ក៏ដូចជាថ្ងៃម្សិលមិញទី ៣០ធ្នូ ក៏មានបុរសម្នាក់ចង.កសម្លាប់ខ្លួន បង្កការភ្ញាក់ផ្អើលវេលាម៉ោង០៥ព្រឹកថ្ងៃទី៣០ ធ្នូ នេះ ស្ថិតនៅភូមិទូលតាឯក សង្កាត់ទូលតាឯក ក្រុងបាត់ដំបង ។
ជនរងគ្រោះដែលស្លាប់ឈ្មោះស៊ូ សារិទ្ធ អាយុ៥០ឆ្នាំ រស់នៅចំណុចកើតហេតុខាងលើ ។ ជនរងគ្រោះបានយកខ្សែនីឡុងចង.កខ្លួនឯងភ្ជាប់នឹងបង្កាន់ដៃជណ្ដើរផ្ទះ បង្កឱ្យក្រុមគ្រួសារភ្ញាក់ផ្អើលទាំងព្រឹងតែម្ដង ។
បើតាមក្រុមគ្រួសារអះអាងថា ជនរងគ្រោះបានសម្រេចធ្វើអត្តឃាតខ្លួនឯងនេះ ដោយសារតែមានវិបត្តិ ។ សមត្ថកិច្ចក៏បានចុះទៅកាន់កន្លែងកើតហេតុ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]