ខេត្តបាត់ដំបង ៖ បុរសម្នាក់ចង.កសម្លាប់ខ្លួន បង្កការភ្ញាក់ផ្អើលវេលាម៉ោង០៥ព្រឹកថ្ងៃទី៣០ ធ្នូ នេះ ស្ថិតនៅភូមិទូលតាឯក សង្កាត់ទូលតាឯក ក្រុងបាត់ដំបង ។
ជនរងគ្រោះដែលស្លាប់ឈ្មោះស៊ូ សារិទ្ធ អាយុ៥០ឆ្នាំ រស់នៅចំណុចកើតហេតុខាងលើ ។ ជនរងគ្រោះបានយកខ្សែនីឡុងចង.កខ្លួនឯងភ្ជាប់នឹងបង្កាន់ដៃជណ្ដើរផ្ទះ បង្កឱ្យក្រុមគ្រួសារភ្ញាក់ផ្អើលទាំងព្រឹងតែម្ដង ។
បើតាមក្រុមគ្រួសារអះអាងថា ជនរងគ្រោះបានសម្រេចធ្វើអត្តឃាតខ្លួនឯងនេះ ដោយសារតែមានវិបត្តិ ។ សមត្ថកិច្ចក៏បានចុះទៅកាន់កន្លែងកើតហេតុ ។
ប្រភព៖ កោះសន្ដិភាព
ព័ត៌មានចាប់អារម្មណ៍ក្នុងថ្ងៃទី ៣០ធ្នូនេះ៖
ជានិស្សិតផ្នែក IT ម្នាក់ត្រូវបានមិត្តភក្តិចូលទៅកាប់ដល់ ក្នុងផ្ទះរហូតស្លាប់បង្កឲ្យមានការភ្ញាក់ផ្អើលកាលពីវេលាម៉ោង៨ និង៥០នាទីយប់ ថ្ងៃទី២៩ ខែធ្នូ ឆ្នាំ២០១៦ នៅចំណុចផ្ទះលេខ11Eoz តាមបណ្តោយផ្លូវឌឿងហែម ស្ថិតក្នុងភូមិ៦ សង្កាត់មនោរម្យ ខណ្ឌ៧មករា ។
ជនរងគ្រោះឈ្មោះ អៀង ម៉េងឃាង ភេទប្រុស អាយុ២០ឆ្នាំ Caនិស្សិតឆ្នាំទី៣ ផ្នែក IT នៅវិទ្យាស្ថានស៊ីតិច ស្នាក់នៅផ្ទះកើតហេតុខាងលើ មានស្រុកកំណើតនៅឃុំធ្លុកជ្រៅ ស្រុកកងមាស ខេត្តកំពង់ចាម ចំណែកជនបង្ករត់គេចខ្លួនបាត់ គ្រាន់តែដឹងថា មានឈ្មោះ បញ្ញា ត្រូវជាមិត្តភក្តិរបស់ជនរងគ្រោះដែរ ។
ប្រភពព័ត៌មានពីស្ត្រីម្នាក់ជាអ្នកជិតខាងសុំមិនបញ្ចេញឈ្មោះបានឲ្យដឹងថា មុនពេលកើតហេតុគាត់បានឮសំឡេងស្រែកចេញមកពីក្នុងផ្ទះជនរងគ្រោះយ៉ាងខ្លាំងថា អា បញ្ញា អញសងលុយឯងតើ កុំវ៉ៃអញអី បន្ទាប់មកឮសូរសំឡេងប្រតាយប្រតប់គ្នា មួយសន្ទុះក្រោយមកស្ងាត់ឈឹង ពេលនោះគាត់ក៏ទៅអើតមើលស្រាប់តែឃើញជនរងគ្រោះបានដេកផ្កាប់មុខហូរឈាមលើការ៉ូ និងលើពូក ព្រមទាំងមានកាំបិតបុ័ងតោនៅក្បែរនោះផងដែរ ចំណែករបស់របររាយប៉ាយពេញក្នុងផ្ទះ ភ្លាមៗនោះគាត់បានរាយការណ៍ទៅសមត្ថកិច្ច ។
តាមការបញ្ជាក់របស់ស្ត្រីជាអ្នកជិតខាងបានឲ្យដឹងថា ករណីខាងលើនេះបណ្តាលមកពីរឿង ជំពាក់លុយអត់សង ទើបជនដៃដល់តាមមកកាប់សម្លាប់ដល់ក្នុងផ្ទះតែម្តង ។
តាមសម្តីរបស់បងប្រុសបង្កើតជនរងគ្រោះមានឈ្មោះ ម៉េងសៀង អាយុ២៥ឆ្នាំ ជានិស្សិតពេទ្យឆ្នាំទី៦ ស្នាក់នៅជាមួយគ្នា បានឲ្យដឹងថា ផ្ទះនេះជាផ្ទះរបស់ពួកគេរស់នៅជាមួយឪពុកម្តាយជាង៣០ឆ្នាំមកហើយ ប៉ុន្តែបច្ចុប្បន្នឪពុកម្តាយបានទៅរស់នៅខេត្តកំពង់ចាមអស់ ហើយទុកឲ្យពួកគេ២នាក់បងប្អូនស្នាក់នៅ ។ កន្លងមកជនរងគ្រោះជាប្អូនប្រុសគាត់មិនដែលមានរឿងជាមួយនរណាម្នាក់ទេ ប៉ុន្តែប្អូនប្រុសគាត់ឧស្សាហ៍ហៅមិត្តភក្តិមានស្រីមានប្រុសមកផឹកស៊ីនៅលើផ្ទះជាញឹកញាប់ ។
ក្រោយពេលកើតហេតុសមត្ថកិច្ចមូលដ្ឋាន ព្រមទាំងលោកអធិការខណ្ឌ៧មករាបានចុះទៅដល់កន្លែងកើតហេតុ ហើយបានត្រួតពិនិត្យជុំវិញកន្លែងកើតហេតុ ក៏ឃើញស្នាមដំណក់ឈាមនៅលើកាំជណ្តើរតាំងពីជាន់ទី៣រហូតដល់ជាន់ផ្ទាល់ដី និងមានក្រណាត់រុំឈាមរបស់ជនបង្កទុកចោលនៅជាន់ទី២ទៀតផង ។ តាមការពិនិត្យរបស់សមត្ថកិច្ចជនដៃដល់ក៏រងរបួសដែរ ចំណែកជនរងគ្រោះពិនិត្យឃើញស្នាមកាប់ចំកញ្ចឹងកខាងក្រោយបានពាក់កណ្តាល និងកាប់ចំដៃឆ្វេង ។ ក្រោយពីពិនិត្យកន្លែងកើតហេតុរួច សពជនរងគ្រោះត្រូវបានប្រគល់ជូនសាច់ញាតិយកទៅធ្វើបុណ្យនៅឯស្រុកកំណើតតាមប្រពៃណី ។
ទាក់ទិនករណីឃាតកម្មសម្លាប់ដល់ក្នុងផ្ទះនេះ សមត្ថកិច្ចកំពុងធ្វើការស្រាវជ្រាវតាមចាប់ជនដៃដល់យកមកផ្តន្ទាទោសតាមច្បាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]