ភ្នំពេញ ៖ តារាសម្តែងសម្បុរ សស្រអែមស្រស់ កញ្ញ សុខ ស្រីម៉ុច មិនចង់ទទួលយក ស្នេហាជាមួយបុរសណា ដែលលាក់អាថ៌កំបាំងអត្តសញ្ញាណ បើស្រឡាញ់នាងពិតនោះ ។ ប្រការចៀសរឿងរ៉ាវបែបនេះ ក៏ព្រោះតែមិនចង់ប៉ះពាល់ស្នេហ៍លាក់មុខ រស់នៅភ័យខ្លាច ឬធ្វើជានារីប្រពន្ធទីពីរ ទោះជាដេកលើគំនរទ្រព្យ តែមិនល្ហើយចិត្តទេ ។
តារាសម្តែងសម្បុរសស្រអែមស្រស់ កញ្ញ សុខ ស្រីម៉ុច បានបញ្ជាក់ថា សារភាពថា មានគេស្រឡាញ់ច្រើន តែមកខុសចិត្ត ដែលនាងមិនចង់បាន ស្នេហាប្តីគេនោះទេ។ ម្ល៉ោះហើយ ទើបនាងចង់បានអ្នកស្មោះល្អម្នាក់ បើគ្មានគឺរំពឹងលើវាសនា ។ ពេលនេះ គិតគូតែរឿងសិល្ប:សិនចុះ ខណៈដែលការងារ បានហក់មកជាប់គ្នារហូត ដែលនេះជាលទ្ធផលមួយល្អសម្រាប់នាង ។
នៅក្នុងជំនួបជាមួយស្រីម៉ុច នាងបានទទួលស្គាល់ថា ខណៈដែលអាជីពសិល្បៈរបស់នាង កំពុងស្ទុះឡើង ពិតជាមានបុរសសំបូរទ្រព្យមួយចំនួន តាមថ្ពក់ស្នេហ៍នាងមែន ។ ស្រីម៉ុចបន្ថែមថា «និយាយតាមត្រង់ចុះកន្លងមកមានទាំងអ្នកជំនួញ មន្ត្រីធំ ឧកញ៉ា និងផ្កាយ១ ផ្កាយ២ ជាដើម តាមស្រលាញ់ខ្ញុំ ដោយសន្យាឱ្យរបស់ទ្រព្យជាថ្នូរនិងរឿងស្នេហា តែខ្ញុំមិនទទួល» ។ ស្រីមុចថា នាងមិនហ៊ានទទួលស្នេហ៍ ប្រុសអ្នកមាន ឬក៏បុរសមានអំណាចបុណ្យស័ក្ដិខ្ពស់ខ្ពស់ ព្រោះនាងខ្លាចប៉ះ ស្នេហ៍ប្ដីគេនាំឲ្យរងទឹកភ្នែក ។
ស្រីមុចបានឲ្យដឹងថា បន្ទាប់ពីទាញបានភាព លេចធ្លោតាម រយៈតួឯករឿង”ល្បិចនាយកំសត់”ទីផ្សារសម្ដែងរបស់នាងចាប់ផ្ដើមស្ទុះឡើងដោយក្រសោបបានឱកាសថតភាពយន្តជាបន្តបន្ទាប់ ដែលភាគច្រើនសម្ដែង ជាតួរងសំខាន់នៅក្នុងរឿង។ជាក់ស្ដែងអំឡុងពេលនេះនាងកំពុងសម្រុកថតខ្សែភាពយន្ត៤រឿងព្រមគ្នាដូចជារឿង ”កំលោះយំក្រមុំសើច” ”ដួងច័ន្ទ” ”ចំការលាក់ស្នេហ៍ ”និងរឿង”អំបិល” ជាដើម ។
ស្រីម៉ុច បានឲ្យដឹថា ក្រៅពីអាជីពចម្រៀងនាងក៏មាន ទេពកោសល្យខាងច្រៀងផងដែរ ថែមទាំងគ្រោងចូលច្រៀងនៅផលិតកម្មមួយដែលសន្យាធ្វើបទOriginal song ឲ្យនាងទៀតផង។ដូច្នេះខណៈដែលអាជីពសិល្បៈ កំពុងតែស្ទុះឡើងស្រីម៉ុច អះអាងថា នាងមិនទាន់នឹកភ្នកគិតដល់រឿងស្នេហាទេ ហើយលោកឧកញ៉ាដែលប៉ងបោះនុយធំចង់ថ្នាក់ថ្នម នាងនោះក៏គ្មានសង្ឃឹមដែរ ។
សូមជម្រាបថា កញ្ញា សុខ ស្រីម៉ុច បានប្រឡូកសិល្បៈជាង៥ឆ្នាំមកហើយ ដែលនាងទទួលបានឱកាសថតភាពយន្ត ជាច្រើនរឿងដូចជារឿង ”ល្បិចនាយកំសត់” ”ជីវិតនាងរក្សា” ”កម្មលោកី” ”មនុស្សគ្មានតម្លៃ” ”ពន្លកស្នេហ៍ក្បែរជាយដែន” និងរឿង ”ហ្លួងព្រះស្ដេចកន” ជាដើមខណៈដែលនាងកំពុងថតខ្សែភាពយន្ត ៤រឿងព្រមគ្នា៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
