ភ្នំពេញ៖ តារាសម្តែងស្រីសម្តីផ្អែម កញ្ញា សួង សុខារ៉ានីត ថា ចំណាយថវិកាតិចនឹងធ្វើឲ្យខ្សែភាពយន្តដែល តារាខ្មែរចូលរួម សម្តែង ដែលមានគុណភាពទាប នាងសូមបដិសេធមិនទទួល ថតខ្សែភាពយន្តភាគដែល ចម្លងចេញពីខ្សែភាពយន្តថៃ យក មកឲ្យតារាខ្មែរសម្តែងឡើងវិញនោះទេ ។
តារាសម្តែងស្រី កញ្ញា សួង សុខារ៉ានីត បានបញ្ជាក់ថា ក្រោយការចុះថតផ្ទាល់នាងបានដឹងថា ភាពយន្តដែលយកមកឲ្យ សិល្បករ ខ្មែរថតឡើងវិញគឺមិនមានគុណភាពគ្រប់គ្រាន់ព្រោះតែការចំណាយមានទំហំតិចតួច។ នាងថាកាលណា ផលិតករចំណាយច្រើននឹងនាំឲ្យរឿងនោះខាត ប៉ុន្តែបើចំណាយតិចនាំឲ្យរឿងនោះស្ទើរមិនដល់ការសម្តែងរបស់តារាថៃ ហើយនឹងនាំឲ្យគេយល់ថាតារាខ្មែរលេងមិនដល់តារាថៃ។ កញ្ញា សុខារ៉ានីត បន្តថា "យើងយករឿងល្បីខ្លាំងរបស់គេមកថតប៉ុន្តែធ្វើមិនដល់គេនោះនឹងនាំឲ្យមានការមាក់ងាយមួយ។
ទោះជាយ៉ាងណា នាងស្នើមិនបញ្ចេញឈ្មោះស្ថានីយទូរទស្សន៍និងចំណងជើងនៃខ្សែភាពយន្តថៃទាំងនោះជៀសវាងការថ្នាំង ថ្នាក់រវាងផលិតករ និងតារាសម្តែង។ នាងមិនបានស្នើឲ្យសិល្បករទាំងអស់ផ្អាកការសម្តែងឲ្យស្ថានីយទូរទស្សន៍នោះទេ ប៉ុន្តែសម្រាប់នាងគឺសុំមិនទទួលថតបើទោះបីជាស្ថិតក្នុងកាលទេសៈណាក៏ដោយ។ ទោះជាយ៉ាងណាគេដឹង ថាតារាស្រី វ័យ២៧ឆ្នាំរូបនេះទើបនឹងបញ្ចប់ការថតខ្សែភាពយន្តរឿងភាគថ្មីរបស់ទូរទស្សន៍ប៉ុស្តិ៍លេខ៥រឿង”ហង្សបាក់ស្លាប” ដែលជាខ្សែភាពយន្តល្បីឈ្មោះរបស់ថៃ ហើយត្រូវបានសម្តែងឡើងវិញដោយតារាខ្មែរ"។
សូមជម្រាបថា កន្លងមកថ្មីៗនេះគឺលេចចេញការប្រតិកម្មមួយចំនួនពីទស្សនិកជន បន្ទាប់ពីស្ថានីយទូរទស្សន៍ប៉ុស្តិ៍លេខ៥ បាន យកសាច់រឿងរបស់ខ្សែភាពយន្តល្បីល្បាញរបស់ថៃមួយចំនួនមកផលិតសាជាថ្មីដោយតម្រូវឲ្យតារា សម្តែងខ្មែរ សម្តែងឡើងវិញ។ ភាពយន្តទាំងនោះមានដូចជារឿង”កូនក្រមុំលោកមេឃុំ” រឿង”ហង្សបាក់ស្លាប” ហើយរឿងដែលមាន ការប្រតិកម្មខ្លាំងនោះគឺរឿង”ចន្ទវង្វេងមេឃ” ឬរឿង”នាងផ្កាយព្រឹក”តែម្តង។
គួររលឹកថា កាលពី ចុងខែមករា ឆ្នាំ២០០៣បានផ្ទុះមហាកុបកម្មទៅលើ នាងស៊ូវ៉ាន់ណន្ត គង់់យីង( Suvanant Kongying )ទស្សនិកជនខ្មែរហៅក្រៅថានាងផ្កាយព្រឹកបាន និយាយថា ប្រាសាទអង្គរវត្តគឺជារបស់ជនជាតិនាង។ ពាក្យសម្តីនេះ បានលេចចេញ ប្រតិកម្មខ្លាំងៗពីប្រជាជនខ្មែរដែលគ្រានោះសម្តេចតេជោ ហ៊ុន សែនក៏មានប្រសា សន៍លើក ឡើង ថា “តម្លៃរបស់នាងនោះ មិនស្មើស្លឹកស្មៅ ក្បែរអង្គរផង”។
ក្រោយការលើកឡើងរបស់តារាថៃនេះដែររដ្ឋាភិបាលកម្ពុជាបានហាមចាក់ផ្សាយគ្រប់ភាពយន្តថៃនៅស្ថានីយទូរទស្សន៍ទូទាំងប្រទេសកម្ពុជា។កុបកម្មប្រឆាំងស្ថានទូតថៃបាន កើតឡើងនៅថ្ងៃ២៩ ខែមករា ឆ្នាំ២០០៣ ដោយកុបករបានវាយលុក ចូលស្ថានទូតថៃនិង វាយបំផ្លាញអគារពាណិជ្ជកម្មថៃ មួយចំនួន នៅភ្នំពេញដែលបំផ្លាញទ្រព្យ សម្បត្តិគិត ជាទឹកប្រាក់ប្រមាណជាង៥០ លាន ដុល្លារ អាមេរិក ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
