ម៉ាដូណា ធ្វើការបកស្រាយទៅ ចន ច័ន្ទលក្ខិណា ពីភាពមិនយុត្តិធម៌​ (មានវិដេអូ)

ភ្នំពេញ៖ ថ្មីៗនេះក្រោយកម្មវិធីពានរង្វាន់ Apsara award ២០១៦ បានបញ្ចប់ទៅ ម៉ាដូណាដែលជាតារា និយមលេងកប្លែងមួយរូប បានចេញវិដេអូមួយមិនពេញចិត្តនឹងកម្មវិធីនេះជាខ្លាំង និងថាជាកម្មវិធីមួយអយុត្តិធម៌សំរាប់លោក។

ក្រោយពី ម៉ាដូណាបញ្ចេញវិដេអូមិនពេញចិត្តនិងការប្រគល់ពានរង្វាន់ក្នុងកម្មវិធី Apsara award ២០១៦ អ្នកនាងចន ច័ន្ទលក្ខិណាដែលជារៀមច្បងក្នុងវិស័យសិល្បៈក៏បានចេញជាសារមួយមកបកស្រាយ និង ពន្យល់ម៉ាដូណាពីពានរង្វាន់ប្រជាប្រិយភាព និង ណែនាំម៉ាដូណាកុំអោយគិតផ្តេសផ្តាស ចង់ចាញ់ចង់ឈ្នះគ្នាឯងសុទ្ឋតែសិល្បៈខ្មែរដូចគ្នាទេ គួរតែសាមគ្គីកុំអោយសិល្បៈបរទេសកាន់តែវាយលុកចូលក្នុងប្រទេសកម្ពុជា។ដោយឡែកថ្មីៗនេះម៉ាដូណាបានបញ្ចេញវិដេអូមួយទៀតដើម្បីឆ្លើយតប ទៅអ្នកនាងចន ច័ន្ទលក្ខិណាវិញដែរ តោះទៅទស្សនានិងស្តាប់ការឆ្លើយតបរបស់ ម៉ាដូណាថាតើមានអ្វីនឺងបន្ថែមទៀត?

កំណត់ហេតុខ្មែរឡូតៈ

បន្ទាប់ពីលោក ម៉ា ដូណា កើតទុក្ខមិនសុខចិត្ត រហូតដល់ថ្នាក់ចេញវីដេអូឃ្លីប យំសម្រក់ទឹកភ្នែករហេមរហាម ទាក់ទងទៅនឹងកម្មវីធី ប្រកួតប្រជែងសមត្ថភាព សិល្បៈ Apsara Award 2016 ដែលបានផ្តល់ពានរង្វាន់ ឲ្យរូបលោក ហាក់បីដូច ជាមិន សមស្រប ទៅនឹងទេពកោសល្យ បូកផ្សំទៅនឹងប្រជាប្រិយភាព ដែលរូបលោកមាននោះ ជាហេតុធ្វើឲ្យតារាសម្តែងជើងចាស់វស្សា អ្នកនាង ចន ច័ន្ទលក្ខិណា មិនស្រណុកខ្លួន ចេញមុខ បកស្រាយឲ្យលោក ម៉ាដូណា បានដឹងផងដែរ។

ជាក់ស្តែង អ្នកនាង ចន ច័ន្ទលក្ខិណា បានបញ្ចេញសារដ៏វែង អន្លាយមួយនៅលើគណនី ហ្វេសប៊ុក របស់ខ្លួនផ្ទាល់ ដើម្បីជាការឆ្លើយតបទៅកាន់ លោក ម៉ា ដូណា ក្នុងន័យឲ្យលោក ម៉ា ដូណា តារាកំប្លែងមិនចេះរីងស្ងួតរូបនេះ មានការគិតពិចារណាជាថ្មីម្តងទៀតផងដែរ។

ក្នុងនោះ អ្នកនាង ចន ច័ន្ទលក្ខិណា បានសរសេរសាររំលេចថា «យល់ច្រឡំហើយ Madona ពានប្រជាប្រិយភាព គឺបានមកដោយការ Vote (បោះឆ្នោត) តាមប្រព័ន្ធទូរស័ព្ទ ដែលទស្សនិកជន គេពេញចិត្តតារាណាម្នាក់ មិនមែនបានដោយការធ្វើអោយបរិយាកាស សប្បាយរីករាយក្នុងពេលថតកម្មវិធី ដែលមានតែគ្នាឯងនោះទេ។ បើអញ្ចឹងមែន តើអ្នកផលិតកម្មវិធីគេរៀបចំ អោយបេក្ខជនមានស្លាកសញ្ញាសំគាល់ខ្លួនធ្វើអី? យល់ច្រឡំហើយ កុំគិតអញ្ចឹង សុទ្ធតែគ្នាឯងទេ ចង់ចាញ់ចង់ឈ្នះធ្វើអី បើបងមានចរិកបែបនេះមែន គឺបងច្បាស់ជាកើតទុក្ខមិនសុខចិត្ត នឹងកម្មវិធីមួយចំនួនទៀតហើយ។ សុទ្ធតែអ្នកសិល្បៈគ្នាយើងទេ មិនគួរមានរឿងអញ្ចឹងសោះ អោយតែបែបនេះមែន សិល្បៈបរទេសកាន់តែវាយលុកហើយ។ ទស្សនិកជនយើងកំពុងតែ មិនចូលចិត្តអ្នកសិល្បៈឯងផង បើពួកយើងចេះតែបែបនេះទៀត គឺពួកគាត់ច្បាស់ជាកាន់តែ វាយប្រហារខ្មែរគ្នាឯងទៀតហើយ។ តើយើងម្នាក់ៗចង់បាត់បង់សិល្បៈខ្លួនឯងទេ បើពួកយើងមិនចេះសាមគ្គីគ្នា? តើអ្នកណាមកសាមគ្គីជាមួយយើង?» ។ 

• ចនច័ន្ទ លក្ខិណា
• ម៉ា ដូណា
• កំប្លែង
• ការងារ
• មិត្ត