លោកអ៊ំម្នាក់ ចេញវីដេអូថា បើគាត់កាប់គ្រូមានប័ណ្ឌធានាមិនមុតមែន សុខចិត្តប្រគល់ឡាន ៤៧០ ឱ្យទៅលោកគ្រូជិះលេង (មានវីដេអូ)

ពោធិ៍សាត់៖ រឿងរ៉ាវលោកគ្រូស្ទាវមានប័ណ្ឌធានាល្បីល្បាញ ដែលពីអតីតកាល ជាអ្នកលក់លៀសហាល កំពុងតែបានធ្វើឱ្យកក្រើក ទៅដល់មហាជនខ្មែរយើងស្ទើរតែគ្រប់មជ្ឈដ្ឋានទៅហើយ ជាពិសេសគឺរឿងដែលលោកគ្រូក្មេងរូបនេះ បានអួតអាងថា ខ្លួនគឺជាមនុស្សមានមន្តអាគមពូកែស័ក្តិសិទ្ធិ កាប់មិនមុតដុតមិនឆេះ និងធ្លាប់បានបញ្ចេញវីដេអូឃ្លីប បបួលអ្នកផ្ចាញ់រឿងកាប់មិនមុតនេះជាមួយលោកគ្រូ ទៅកាប់គ្នាលើទូរទស្សន៍ទៀតផង។

ស្រាប់តែឥឡូវរឿងនេះ ហាក់ដូចជាមិនទាន់ស្ងប់ស្ងាត់នៅឡើយទេ ហើយក៏កាន់តែមានសន្ទុះនៃភាពល្បីល្បាញខ្លាំងឡើងៗ ពីមួយថ្ងៃទៅមួយថ្ងៃ។ ជាក់ស្តែងកាលពីពេលកន្លងទៅថ្មីៗនេះ មានអ៊ំប្រុសម្នាក់ ដែលត្រូវបានគេស្គាល់ថា គាត់ធ្លាប់ធ្វើជាយោធានៅកងពិសេសមួយរូប នៅក្នុងទឹកដីខេត្តពោធិ៍សាត់ និងធ្លាប់បានចូលប្រឡូកនៅក្នុងការធ្វើសង្រ្គាមកាលពីសម័យមុន គាត់បានចេញវីដេអូប្រមាណជាជិត២នាទីនិយាយថា បើគាត់កាប់គ្រូក្មេងមានប័ណ្ឌធានានោះមិនមុតទេ គឺគាត់សុខចិត្តប្រគល់ឡាន ៤៧០ មួយគ្រឿងដែលជារបស់ខ្លួនឱ្យទៅលោកគ្រូ។

មិនតែប៉ុណ្ណោះ លោកអ៊ំប្រុសម្នាក់នេះ ក៏បានបញ្ជាក់ផងដែរថា នឹងធ្វើកិច្ចសន្យាត្រឹមត្រូវ ជាមួយលោកគ្រូក្មេងមានប័ណ្ឌធានាទៀតផង ព្រមទាំងឱ្យលោកគ្រូសូត្រមន្តអាគមឱ្យរួចស្រេចជាមុនសិន មុននឹងគាត់យកកាំបិតទៅកាប់ឆៅៗតែម្តង៕

តោះទៅស្តាប់វីដេអូ របស់លោកអ៊ំម្នាក់នោះ ទាំងអស់គ្នា៖ 

• អបិយជំនឿ
• វីដេអូ