(ភ្នំពេញ)៖ នៅប្រមាណ១ម៉ោងមុននេះ តារាសម្ដែង អ៊ុន អាលីហ្សា បានចេញវិដេអូបកស្រាយ ចំពោះការរិះគន់ពីសំណាក់មហាជន ខណៈដែកនាងបានចូលរួមសម្ដែង ក្នុងបទថ្មី «ផ្កាយព្រឹក» ដែលត្រូវបានលោក ម៉ៃ សុគន្ធ យកមកច្រៀងឡើងវិញ ហើយថតជា MV ថ្មី មានលក្ខណៈសិចស៊ី ហួសពីការស្មាន និងខុសពីអត្ថន័យដើម។
តារាសម្ដែង អ៊ុន អាលីហ្សា បានបញ្ជាក់ថា អ្វីដែលនាងបានចូលរួមសម្ដែង ក្នុងបទនេះ គឺនាងមិនបានដឹងទាល់តែសោះថា តួប្រុសត្រូវថតអាក្រាយកាយ ព្រោះតែអ្នកដឹកនាំមិនបានប្រាប់នាងឲ្យដឹង ហើយនេះជាកំហុសអចេតនាមួយ ដែលបានក្លាយជាមេរៀន ដ៏ឈឺចាប់សម្រាប់នាង។ នៅពេលមានការិះគន់ថា អាលីហ្សា ធ្វើបែបនេះ ដើម្បីចង់ល្បី ត្រូវបាននាងបកស្រាយថា នាងមិនចាំបាច់ត្រូវការកេរ្តិ៍ឈ្មោះល្បីអ្វីទៀតទេ ព្រោះតាមរយៈការប្រឡុកក្នុងសិល្បៈ ជាច្រើនឆ្នាំមកនេះ គឺមហាជនស្គាល់នាងច្រើនហើយ។
អាលីហ្សា បន្ថែមទៀតថា ក្នុងឈុតដែលនាងចូល ក្នុងអាងហែលទឹកនោះ គឺនាងមិនបានស្រាត ដូចអ្វីដែលមហាជនរិះគន់ឡើយ ពោលគឺនាងស្លៀកកន្សែងចោមពុង ងូតទឹកធម្មតា ប៉ុន្តែអ្វីដែលនាងហួសចិត្តនោះ គឺមិនបានដឹងថា តួប្រុសហ៊ានថតស្រាត ក្នុងបទច្រៀងនេះឡើង។
សូមស្ដាប់ការបកស្រាយរបស់ អ៊ុន អាលីហ្សា តើនាងនិយាយអ្វីខ្លះ?
ប្រភព៖ Khmertalking
កំណត់ហេតុខ្មែរឡូត៖
គួររំលឹកព័ត៌មានពាក់ព័ន្ធ កាលពីលើកមុនផងដែរថា ម៉ៃ សុគន្ធ ចេញ MV បទ «ផ្កាយព្រឹក» ត្រូវមហាជនរិះគន់កប់ៗមាត់ ព្រោះតែមានឈុតស្រាត។ ជារឿងគួរឲ្យភ្ញាក់ផ្អើល ថ្មីមួយទៀតហើយ សម្រាប់តារាចម្រៀង ម៉ៃ សុគន្ធ ដែលបានបាត់មុខពីពិភពសិល្បៈយូរមកហើយ ស្រាប់តែមកបង្ហាញវត្តមាន ក្នុងបទថ្មី មានចំណងជើងា «ផ្កាយព្រឹក» ដែលជាសំនៀងដើម របស់អធិរាជសំឡេងមាស លោក ស៊ីន ស៊ីសាមុត ប៉ុន្តែការដឹកនាំសម្ដែង ក្នុងបទនេះ ពេលចេញជា MV បានធ្វើឲ្យអ្នកទស្សនា ធ្វើការរិះគន់យ៉ាចាស់ដៃ ព្រោះតែកាយវិកា ក្នុងបទនេះ ហាក់ពុំមែនលើកស្ទួយ ឬលើកតម្កើងបទឲ្យល្បីបន្ថែមទៀតទេ ផ្ទុយទៅវិញ គឺជាការជាពន្លិច វប្បធម៌ខ្មែរទាំងស្រុង ។
យ៉ាងណាមិញ ក្រោយ MV បទ«ផ្កាយព្រឹក» ដែលជាបទដ៏ល្បីរបស់អធិរាជសំឡេងមាស លោក ស៊ីន ស៊ីសាមុត តាំងពីជំនាន់ដើម រហូតដល់បច្ចុប្បន្ន ត្រូវបានលោក ម៉ៃ សុគន្ធ ច្រៀងជាថ្មីឡើងវិញ ធ្វើឲ្យមានការរិះខ្លាំង ខណៈដែលការសម្ដែង របស់តួអង្គប្រុសស្រី មានលក្ខណៈសិចស៊ីហួសថ្លែង រហូតដល់ថ្នាក់តួប្រុសហ៊ានស្រាត ននលគកទៀតផង។
អ្នករស់នៅក្នុងវិស័យសិល្បៈ តារាសម្ដែងសិចស៊ី ដេននី ខ្វាន់ បានសរសេរក្នុងបណ្ដាញសង្គម ហ្វេសប៊ុករបស់នាងថា «ខ្ញុំយល់ថាចម្រៀង ហើយនឹងសាច់រឿងអត់ស៊ីគ្នា ទាល់តែសោះ. ហើយក៏មិនគួរណា យកបទមរតកដើម របស់លោកតាស៊ីន ស៊ីសាមុត មកធ្វើចឹងទេ ព្រោះខ្ញុំធ្លាប់មើលការសម្តែងបទនឹងពីមុនដែរ តែមើលទៅសមសាច់រឿងជាងនេះឆ្ងាយណាស់ មិនមែនចេញមកភ្លាវចឹងទេ ធ្វើនេះធ្វើឲ្យខូចបទមរតកដើម អស់ហើយ..!»។
ស្រីស្រស់ ដេននី ខ្វាន់ បានបន្តទៀតថា «បើអាចគួរតែកុំយកមកបទមរតកដើម មកច្រៀងអីបើចេញ MV មកបែបនេះ.. ខ្ញុំនិយាយនេះ មិនមិនបានជាន់ពន្លិចទេ គ្រាន់តែយល់ថា មើលទៅដូចជាមិនសូវសម ខ្ញុំយល់សមយ័នេះ មិនដូចពីដើមទេ គឺត្រូវមានការ Update ប៉ុន្តែក៏ត្រូវធ្វើសាច់រឿងឲ្យស៊ីនឹងចម្រៀងដែរ..!»។
សូមបញ្ជាក់ថា តារាចម្រៀង ម៉ៃ សុគន្ធ ត្រូវបានគេស្គាល់ថា លោកធ្លាប់ជាអតីតក្រុមតារាចម្រៀង រ៉ុក ប៉ុន្តែរយៈកាលប៉ុន្មានឆ្នាំចុងក្រោយនេះ តារាចម្រៀង ម៉ៃ សុគន្ធ ហាក់បាត់ឈ្មោះលើទីផ្សារចម្រៀង។ ប៉ុន្តែថ្មីៗនេះ លោកបានចេញចម្រៀងមួយបទ គឺបទ «ផ្កាយព្រឹក» ហើយបែរជាត្រូវមហាជនរិះគន់ខ្លាំង ព្រោះតែការសម្ដែងប្រាស់ចាក ពីអត្ថន័យដើម នៃបទចម្រៀង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
