សុភ័ក្រ្ត កុសុម៉ា និង អាលីហ្សា អន់ចិត្តខ្លាំង ពេលឃើញទំព័រហ្វេសប៊ុកមួយ មើលងាយតារាខ្មែរ (មានវីដេអូ)

អូស្រ្តាលី៖ តារាស្រីសម្បុរស្រអែម កញ្ញា សុភ័ក្រ្ត កុសុម៉ា និងកញ្ញា អាលីហ្សា បានបញ្ចេញប្រតិកម្មលើទំព័រហ្វេសប៊ុកមួយ ដែលហាក់ដូចជាលើកតម្កើងជាតិសាសន៍ដទៃ និងមើលងាយខ្មែរគ្នាឯង។

វីដេអូប្រមាណ៣នាទី ដែលឃើញ តារាស្រីកញ្ញា សុភ័ក្រ្ត កុសុម៉ា និងកញ្ញា អាលីហ្សា បានអង្គុយក្នុងរថយន្តបណ្តើរ និយាយបណ្តើរ ទាក់ទងទៅលើទំព័រហ្វេសប៊ុកមួយ ឈ្មោះ Thai Music World ដែលបានបន្ទាបតម្លៃតារាខ្មែរថា សុទ្ធតែបោះបង់ការសិក្សាចោល មិនខិតខំរៀនឲ្យបានខ្ពង់ខ្ពស់ រីឯតារាថៃវិញ រៀនបានសុទ្ធតែ ថ្នាក់អនុបណ្ឌិត និងបណ្ឌិតជាដើម។

ក្នុងនោះ តារាស្រីរូបស្អាតទាំងពីរដួងនេះ បានបង្ហាញអារម្មណ៍ អាក់អន់ស្រពន់ចិត្តយ៉ាងខ្លាំង ពេលខ្មែរគ្នាឯង មើលងាយគ្នាបែបនេះ បែរជាព្យាយាមលើកតម្កើង និងផ្តល់តម្លៃតារាថៃ ឲ្យខ្ពស់កប់ពពកយ៉ាងដូច្នេះ៕

ចង់ដឹងថា ស្រីស្អាត២រូបនេះ និយាយអ្វីខ្លះទៀត តោះស្តាប់ទាំងអស់គ្នា៖ 

កំណត់ហេតុខ្មែរឡូត៖

ដោយឡែក រំលឹកព័ត៌មានចាស់លើកមុនផងដែរថា  តារាចម្រៀងដែលរះលើវិថីសិល្បៈតាំងពីកុមារភាព កញ្ញា សុភ័ក្ត្រ កុសុម៉ា បានរំលេចសារមួយបង្ហាញ ពីការកោតសរសើរទៅលើ ស្នេហាប្តីប្រពន្ធរបស់ តារាចម្រៀងល្បីឈ្មោះ អ្នកនាង យក់ ថិតរដ្ឋា និងស្វាមី ដែលបានរស់នៅជាមួយគ្នា យ៉ាងមានសុភមង្គល រយៈពេលជាង១០ឆ្នាំ ។

ក្នុងរយៈពេលប៉ុន្មានឆ្នាំ ចុងក្រោយនេះ គេសង្កេតឃើញថា មានគូស្វាមីភរិយា ដែលមហាជនដាក់រហ័សនាមឲ្យថា ជាគូស្នេហ៍គំរូមួយចំនួន បានដើរដល់ផ្លូវបំបែក ដោយសារតែរស់នៅមិនចុះសម្រុងគ្នានោះ ក៏ស្រាប់តែនៅពេលថ្មីៗនេះ មហាជនក៏បានងាកមកចាប់អារម្មណ៍ ទៅលើស្វាមីភរិយា ដែលជាអ្នកសិល្បៈមួយគូគឺ អ្នកនាង យក់ ថិតរដ្ឋា និងលោក ឃុំ ប៉ុណ្ណាដែត ដែលពួកគេទាំងពីរនាក់ បានរៀបការជាមួយគ្នាជាង១០ឆ្នាំ ហើយរហូតមកដល់ពេលនេះ ក៏ទទួលបានកូន២ជាចំណងដៃ អាពាហ៍ពិពាហ៍របស់ខ្លួន ត្រូវបានអ្នកគាំទ្រ និងទស្សនិកជនចាត់ទុកថា ជាគូស្នេហ៍គំរូសម្រាប់អ្នកសិល្បៈ ក៏ដូចជាមហាជន ព្រោះថាស្វាមីភរិយាមួយគូនេះ មិនដៃលេចឮរឿងរ៉ាវអាស្រូវ ឈ្លោះប្រកែកគ្នាឲ្យមហាជន បានដឹងនោះទេ ។

ភ្ជាប់ជាមួយនិងពាក្យសរសើរ របស់មហាជននោះដែល កញ្ញា សុភ័ក្ត្រ កុសុម៉ា បានរំលេចសារកើត សរសើរពីស្នេហារបស់អ្នកនាង យក់ ថិតរដ្ឋានិងស្វាមីថា « សេ្នហាមួយដែលមិនអំនួត អួតអាងប្រាប់អ្នកដទៃ យកចិត្តមុខអ្នកដទៃ ប៉ុនែ្តគាត់បានផ្តល់ក្តីស្រលាញ់អោយគ្នា ធ្វើឲ្យគេច្រណែនពេញរង្វង់សិល្បៈ នឹងស្រីៗ ការស្រលាញ់មួយនេះ គឺមកពីបងប្រុសដែរស្រលាញ់អី្វជាគាត់ ហើយស្មោះតែគាត់ធ្វើឲ្យបងស្រី មានសេចក្តីសុខ គាត់ជាគ្រួសារគំរូសំរាប់ខ្ញុំ នឹងជាតារាចំរៀងក្នុងចិត្តខ្ញុំផងដែរ»៕

• សុភ័ក្រ កុសុម៉ា
• អាលីហ្សា
• វីដេអូ