ឪពុកពឹងឲ្យកូនប្រុស ចម្លងរូបភាពចេញពីទូរស័ព្ទ ស្រាប់តែកូនប្រុសមិននឹកស្មានដល់ ពេលប្រទះឃើញ...! (មានវីដេអូ)

សាំងហ្គាពួរ៖ ក្នុងជីវិតរស់នៅបច្ចុប្បន្ននេះ យើងសង្កេតឃើញថា យុវជនមួយចំនួនហាក់បីដូចជាព្រងើយកន្តើយ មិនសូវមានពេលវេលាសម្រាប់គ្រួសារប៉ុន្មានទេ ដោយយកលេសថារវល់នេះ រវល់នោះ ដូចនេះហើយធ្វើឲ្យទំនាក់ទំនងជាមួយនឹងក្រុមគ្រួសារ មានសភាពកាន់តែឆ្ងាយទៅៗ ថ្វីត្បិតរស់នៅក្រោមដំបូលផ្ទះតែមួយក្តី។

ជាក់ស្តែងនៅក្នុងវីដេអូមួយ ដែលមានចំណងជើងថា «Family Portrait» របស់សាំងហ្គាពួរ ក៏ដូចគ្នាដែរ គឺបានឆ្លុះបញ្ចាំងពីតថភាពពិតនៃទំនាក់ទំនងរវាងឪពុកនិងកូន ដែលមិនសូវមានពេលវេលាសម្រាប់គ្នា ប៉ុន្តែលទ្ធផលចុងក្រោយ នៅពេលដែលកូនប្រុសស្វែងរកការពិត ទើបដឹងថា ទំហំទឹកចិត្តនៃក្តីស្រលាញ់របស់ឪពុកធំធេងប៉ុណ្ណា រហូតធ្វើឲ្យកូនប្រុសរំជួលចិត្តស្រក់ទឹកភ្នែក។

នៅក្នុងវីដេអូនេះ ក៏បានបង្ហាញឲ្យឃើញបន្ថែមទៀតថា បុរសជាឪពុកតែងតែចង់មានទំនាក់ទំនង ក៏ដូចជាពេលវេលាឲ្យកាន់តែច្រើនជាមួយកូនប្រុស ប៉ុន្តែកូនប្រុសវិញតែងតែឆ្លើយថាគ្មានពេលទំនេរ នៅពេលដែលគាត់ត្រូវការ។

រហូតដល់ថ្ងៃមួយ បុរសជាឪពុក បានពឹងឲ្យកូនប្រុសជួយផ្ទេរ និងចម្លងរូបភាពពីទូរស័ព្ទរបស់គាត់ ស្រាប់តែកូនប្រុសបានឃើញនូវរឿងម្យ៉ាងដែលនឹកស្មានមិនដល់ រហូតធ្វើឲ្យរូបគេទប់ទឹកភ្នែកពុំបាន៕

ដូច្នេះបើចង់ដឹងរឿងរ៉ាវទៅជាយ៉ាងណានោះ ទស្សនាវីដេអូខាងក្រោមទាំងអស់គ្នា៖ 

ប្រភព៖ Stomp

• យុវវ័យ
• គ្រួសារ
• វីដេអូ