ខេត្តព្រះសីហនុ ៖ បុរសជាប្តីត្រូវរងរបួសធ្ងន់ ហើយបានបញ្ជូនទៅកាន់មន្ទីរពេទ្យភ្លាមៗ ដើម្បីសង្គ្រោះ បន្ទាប់ពីត្រូវស្ត្រីជាប្រពន្ធប្រមឹកដេញកាប់ត្រូវ២កាំបិត ក្នុងជម្លោះផឹកស៊ី និងបាត់ទូរស័ព្ទដៃ មានតម្លៃជាង១០ដុល្លារ ដែលហេតុការណ៏នេះ កើតឡើងកាលវេលាម៉ោង០១ថ្ងៃទី០២ តុលា ២០១៦ ស្ថិតនៅចំណុចក្បែរស្ថានីយរថភ្លើងក្រុងព្រះសីហនុ ក្នុងភូមិ៣ស្កាត់លេខ៣ ខេត្តព្រះសីហនុ។
យោងប្រភពពីសមត្ថកិច្ចមូលដ្ឋានសង្កាត់លេខ៣ឱ្យដឹងថា បុរសរងគ្រោះឈ្មោះអ៊ុយ ផានិត អាយុ៤០ឆ្នាំ មានមុខរបរចុះទូកក្តាម ស្នាក់នៅផ្ទះជួលក្បែរកន្លែងកើតហេតុ រីឯស្ត្រីដៃដល់ឈ្មោះពេជ្រ ស្រីល័ក្ខ អាយុ៣៣ឆ្នាំ មានកូនស្រីម្នាក់ មានទីលំនៅក្នុងភូមិ៣ស្កាត់លេខ៣ ខេត្តព្រះសីហនុ បានយកកាំបិតប៉័ងតោ ដេញកាប់ផ្អើលពេញភូមិ បណ្តាលឱ្យរងរបួសធ្ងន់ (ដាច់សរសៃ.កដៃ និងស្មារខាងឆ្វេងមួយកាំបិត) ហូរឈាមសន្លប់ស្តូក ។
ជុំវិញបញ្ហាដេញកាប់ប្តីនេះផងដែរ ស្ត្រីដៃដល់បានរៀបរាប់ថា មូលហេតុដែលដេញកាប់ប្តី គឺមកពីប្តីធ្វើឱ្យបាត់ទូរស័ព្ទតម្លៃជាង១០ដុល្លារ ហើយប្តីបានរករឿងឈ្លោះ រហូតយកដុំឥដ្ឋដេញគប់មកលើរូបគាត់ ទើបគាត់ទ្រាំពុំបាន ក៏ទាញកាំបិតអ្នកជិតខាងកាប់វិញតែម្តង។
ប្រភព៖ កោះសន្ដិភាព
កំណត់ហេតុខ្មែរឡូត៖
គួររំលឹកថា កាលពីថ្ងៃភ្ជុំបិណ្ឌទី៣០ កញ្ញា ក៏មានហេតុការណ៍ប្តីស្រវឹងប្រពន្ធក៏ស្រវឹង និយាយមិនត្រូវគ្នា កាប់ចាក់គ្នារបួស ធ្ងន់ទាំង២នាក់។
នៅក្នុងនោះ បានឲ្យដឹងថា ប្តីប្រពន្ធ២នាក់ ដែលផឹកស្រាស្រវឹងដូចគ្នា បានផ្ទុះជម្លោះពាក្យសំដីជាមួយគ្នា ឈានដល់ការកាប់ចាក់គ្នា របួសបែកក្បាលហូរឈាមទាំង២នាក់។
ហេតុការណ៍នេះ កើតឡើងនៅម៉ោង១៩៖២០នាទី ថ្ងៃទី២៩ ខែកញ្ញា ឆ្នាំ២០១៦ នៅភូមិដំបងវេញ ឃុំសង្កែសាទប ស្រុកឱរ៉ាល់ ប្តីឈ្មោះ ម៉ុន ឃីម អាយុ៤៥ឆ្នាំ ប្រពន្ធឈ្មោះ សុខ គា អាយុ៤៤ឆ្នាំ មានមុខរបរធ្វើស្រែ មានកូន៣នាក់ (ស្រី២នាក់)។
បន្ទាប់ពីកើតហេតុ សមត្ថកិច្ច និងប្រជាការពារភូមិ បានដឹកជនគ្រោះទាំងពីរនាក់ ទៅព្យាបាលនៅមណ្ឌល សុខភាពស្រុកឱរ៉ាល់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]