រុស្ស៊ី៖ វីដេអូបាស់សក់មួយបានបង្ហាញពីយុវជនមួយក្រុមនៅក្នុងប្រទេសរុស្ស៊ី បានឈរនៅលើស្ពានមួយ ដោយពួកគេបានដុតខ្លួនឯង និងលោតពីលើស្ពានចូលទៅក្នុងទឹកទន្លេភ្លាមៗ ដើម្បីទទួលបានចំនួនអ្នក LIKE ច្រើននៅលើបណ្តាញសង្គម។
រឿងដែលមិនធម្មតាមួយនេះបានកើតឡើងនៅក្នុងទីក្រុង Penza ភាគនិរតីប្រទេសរុស្ស៊ី ជាកន្លែងវីដេអូចំនួនពីរ របស់យុវជនមួយក្រុមលោតពីលើស្ពាន ត្រូវបានគេចែករំលែកពាសពេញអ៊ិនធើណេត។
វីដេអូដំបូងបានចាប់ផ្តើមដោយបង្ហាញពីយុវជនម្នាក់ត្រូវមិត្តភក្តិរបស់គេយកវត្ថុរាវដែលងាយនឹងឆេះមកស្រោចពេញលើរាងកាយ មុនពេលដែលគេយកដែកកេះមកដុតយុវជនម្នាក់នោះ។ ខណៈពេលដែលភ្លើងបានឆាបឆេះយ៉ាងរហ័សទៅលើអាវ យុវជនរូបនោះបានលោតពីលើស្ពាន ចូលទៅក្នុងទឹកដែលនៅពីក្រោម ដើម្បីពន្លត់ភ្លើងដ៏ក្តៅនោះ។
រីឯវីដេអូទីពីរ ត្រូវបានថតនៅលើដីវាលក្បែរស្ពាន ដោយបង្ហាញពីយុវជនក្លាហានចំនួន ២នាក់ ដែលកំពុងឆាបឆេះដោយភ្លើង លោតចុះពីលើស្ពានបន្តបន្ទាប់គ្នា ហើយក្រោយមកពួកគេទាំង២នាក់ បានហែលទឹកត្រឡប់មកច្រាំងវិញ ដោយគ្មានរបួសអ្វីទាំងអស់។
យុវជនម្នាក់បាននិយាយថា មិត្តភក្តិរបស់គេលោតពីលើស្ពានបែបនេះ គឺដើម្បីទទួលបានការ LIKE និងចំនួនអ្នកចូលមើលវីដេអូរបស់គេច្រើន នៅលើបណ្តាញសង្គម ហើយគំនិតនេះពួកគេទទួលបានពីអ្នកលេងប្លុកមួយរូប (blogger)។ យុវជនរូបនេះបន្តថា «ពួកយើងបានភ្នាល់គ្នាជាមួយនឹងមិត្តភក្តិរបស់យើង ហើយលោតពីលើស្ពាន ដើម្បីទទួលបានចំនួនអ្នកមើលច្រើន»។
គួរបញ្ជាក់ថា ប៉ូលិសបាននិងកំពុងត្រួតពិនិត្យមើលនៅកន្លែងកើតហេតុ ហើយយុវជនម្នាក់ក្នុងចំណោមពីរនាក់ដែលបានលោតពីលើស្ពានត្រូវគេរាយការណ៍ថាត្រូវបានចាប់ខ្លួនផងដែរ៕
ប្រភព៖ AsianTown
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]