រាជធានីភ្នំពេញ ៖ ដោយមើលឃើញពីសកម្មភាពបុរសម្នាក់ជិះម៉ូតូមួយគ្រឿងបានរេចុះរេឡើងពេញផ្លូវ ក៏ត្រូវអ្នកធ្វើដំណើរពីក្រោយ ក៏តាមថតរូបភាពពីបុរសនោះ តែអ្វីដែលគួរឱ្យភ្ញាក់ផ្អើល និងតក់ស្លុតស្រែកឡើងភ្លាត់សំឡេង គឺបុរសនោះជិះម៉ូតូទៅបុកជាមួយរថយន្តធុនធំមួយគ្រឿងចំពីមុខ ក្នុងទិសដៅបញ្ច្រាសគ្នា បណ្តាលឱ្យដួលខ្លួនឯងបែកក្បាលរបួសយ៉ាងធ្ងន់ធ្ងរ ដែលសង្ឃឹមរស់តិច ។
ហេតុការណ៍នេះ កើតឡើងកាលពីវេលាម៉ោងជាង០៨ព្រឹកថ្ងៃទី២៧ សីហា ២០១៦ នេះ ស្ថិតត្រង់ចំណុចផ្លូវបេតុងព្រៃ.ស ក្នុងភូមិព្រៃ.ស សង្កាត់ព្រៃ.ស ខណ្ឌដង្កោ ។
ជនរងគ្រោះត្រូវគេស្គាល់ឈ្មោះទិត្យ គា អាយុ៣៤ឆ្នាំ មានទីលំនៅក្នុងភូមិចក្រី សង្កាត់រមាសហែក ខេត្តស្វាយរៀង បច្ចុប្បន្នស្នាក់នៅវត្តប្ញស្សីសាញ់ ភូមិប្រការ សង្កាត់ព្រៃ.ស ។
ទោះបីជាយ៉ាងណា ចំពោះករណីជិះរេពេញផ្លូវនេះ គេមិនទាន់ដឹងពីមូលហេតុនោះទេ ខណៈសមត្ថកិច្ចកំពុងចុះស្រាវជ្រាវ ។
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកដែរថា ដោយឡែកករណីមួយវិញទៀត កាលពីរសៀលថ្ងៃទី១៧ ខែកុម្ភៈ ឆ្នាំ២០១៦ កន្លងទៅ បុរសម្នាក់ បានបើកម៉ូតូទៅបុក រថយន្តចតចោល ពីក្រោយ នៅក្នុងភូមិត្នោតច្រុះ ឃុំល្វា ស្រុកព្រះស្តេច ខេត្តព្រៃវែង បានបណ្ដាលឲ្យ ស្លាប់ភ្លាមៗនៅ កន្លែងកើតហេតុតែម្ដង។
ប្រភពព័ត៌មាន បានឲ្យដឹងថា នៅវេលាម៉ោងប្រហែល ៣រសៀល ថ្ងៃទី១៧ ខែកុម្ភៈ ឆ្នាំ ២០១៦ មានបុរសម្នាក់ដែល មិនទាន់ត្រូវបានគេស្គាល់ អត្តសញ្ញាណបានជិះម៉ូតូ ទៅបុករថយន្តដែល ចតចោលអស់រយៈ ២ថ្ងៃមកហើយ នៅក្នុងភូមិត្នោតច្រុះ ឃុំល្វា ស្រុកព្រះស្តេច ខេត្តព្រៃវែង តាមបណ្តោយផ្លូវជាតិលេខ១ ពីកើតមកលិច បណ្តាលឲ្យស្លាប់ភ្លាមៗ កន្លែងកើតហេតុ៕
ដោយឡែក ករណីស្រដៀងគ្នានេះដែរ យុវជន៣នាក់ជិះម៉ូតូស្កុបពីបុកបង្គោលភ្លើងម្នាក់ស្លាប់ និង២ទៀតរងរបួសធ្ងន់ នៅម៉ោង ៥៖៣៥នាទី ល្ងាចថៃ្ងទី២៥ ខែមីនា ឆ្នាំ២០១៦ កន្លងទៅ ស្ថិតនៅចន្លោះគីឡូម៉ែត្រលេខ៩០.៩១ ត្រង់បង្គោលភ្លើង កែងខាងកើត ការិយាល័យសភា ខេត្តកំពង់ឆ្នាំង ទល់មុខក្លោងទ្វារ មុខសាលាខេត្តកំពង់ឆ្នាំង។
សូមបញ្ជាក់ថា ក្នុងហេតុការណ៍គ្រោះថ្នាក់ចរាចរណ៍នេះ បណ្តាលអោយយុវជនម្នាក់បានស្លាប់ភ្លាមៗនៅកន្លែងកើតហេតុ និង២នាក់ទៀតរងរបួស៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
