រាជធានីភ្នំពេញ ៖ យុវជន២នាក់រងរបួសធ្ងន់ ខណៈពេលជិះម៉ូតូងោកឡើងលើចិញ្ចើមផ្លូវប្រមាណជា១០ម៉ែត្រជ្រុលទៅ បុកដើមក្ងោកប៉ុនភ្លៅសន្លប់ឈឹង កាលពីវេលាម៉ោង៣និង៥៨នាទីទៀបភ្លឺថ្ងៃទី២៦ កុម្ភៈ នៅតាមវិថីសហព័ន្ធរុស្ស៊ី មុខហាងលក់ឥដ្ឋការ៉ូយីហោវិគីត្រេដ ស្ថិតក្នុងភូមិចុងថ្នល់ខាងកើតសង្កាត់ទឹកថ្លា ខណ្ឌសែនសុខ ។
សាក្សីនៅកន្លែងកើតហេតុបានឱ្យដឹងថា មុនពេលកើតហេតុ គេឃើញម៉ូតូជនរងគ្រោះជិះតាមបណ្តោយវិថីសហព័ន្ធរុស្ស៊ីពីកើត ទៅលិច ខណៈមកដល់ចំណុចកើតហេតុប្រហែលជាអ្នកបើកបរងោក ទើបបើកម៉ូតូឡើងលើចិញ្ចើមផ្លូវក្នុងល្បឿនលឿនអូសប្រមាណជា១០ ម៉ែត្រ ក៏ជ្រុលទៅបុកដើមក្ងោកប៉ុនភ្លៅរួចខ្ទាតប្រមាណជា៨ម៉ែត្រទើប អស់ល្បឿនតែម្តង។ ចំណែកជនរងគ្រោះទាំងពីរនាក់ខ្ទាតចេញពីគ្នាដួលបោកក្បាលហូរឈាម ពេញផ្ទៃមុខ ។
ប្រភពដដែលបន្តទៀតថា យុវជនរងគ្រោះទាំង២នាក់មិនត្រូវបានស្គាល់អត្ដសញ្ញាណទេ ដោយសារសន្លប់ស្ដូកស្ដឹងរបួសធ្ងន់។ ជនរងគ្រោះជិះម៉ូតូវីវ៉ា ពណ៌ខ្មៅ ត្រូវរថយន្តសាមុយដឹកយកទៅសង្គ្រោះនៅគ្លីនិកឯកជន ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]