ភ្ញាក់ផ្អើល ថតបានទិដ្ឋភាពនៅវាលខ្សាច់ រហោស្ថានមួយ សង្ស័យថាជា បិសាចជញ្ជក់ឈាម (មានវីដេអូ)

ព័រទុយហ្គាល់៖ វីដេអូឃ្លីបមួយ កំពុងតែទទួលបាន ការចាប់អារម្មណ៍យ៉ាងច្រើន លើបណ្តាញអ៊ឺនធឺណែត ដែលបង្ហាញពីទិដ្ឋភាព កម្របានឃើញ នូវសត្វចម្លែកមួយក្បាល ខ្នងកោង ដើរគើមៗ អោនមុខចុះក្រោម ស្ថិតនៅវាលខ្សាច់រហោស្ថាន មួយកន្លែង ក្នុងប្រទេសព័រទុយហ្គាល់។

តាមរយៈវីដេអូឃ្លីប ដែលថតបាននោះទៀតសោត សត្វចម្លែកមួយក្បាលនេះ មើលទៅ គឺមានរូបរាងស្រដៀង ទៅនឹងមនុស្សយើងផងដែរ ហើយខណៈដើរដល់ ទីតាំងដើមឈើធំមួយ ស្រាប់តែបាត់ស្រមោល លែងបង្ហាញខ្លួនតែម្តង។ 

ការលើកឡើងមួយចំនួន បានសង្ស័យថាវា ទំនងជាបិសាចជញ្ជក់ឈាម El Chupacabra ដែលមនុស្សធ្លាប់តែស្គាល់ តាមរយៈក្នុងរឿងពេ្រងនិទានប៉ុណ្ណោះ។

វីដេអូឃ្លីបនេះ ក្រោយពីបានធ្វើការបង្ហោះចែកចាយនៅលើបណ្តាញអីុនធឺណែតកន្លងមកនេះ បានទាក់ទាញ អ្នកចុចចូលមើលជាច្រើនផងដែរ។

អ្នកនិយមលេងអ៊ឺនធឺណែតមួយចំនួន លើកឡើងថា ទិដ្ឋភាពដែលថតបាននេះ មិនមែនជាការពិតឡើយ ដោយការថតមិនមានលក្ខណៈច្បាស់លាស់ ពោលគឺព្រាលៗ ដែលនរណាក៏អាចធ្វើបាន ខណៈអ្នកផ្សេងទៀត ជឿជាក់ថាអាចជាបិសាចជញ្ជក់មែនក៏ថាបានដែរ។ 

គួរឲ្យដឹងថា El chupacabra គឺជាបិសាចជញ្ជាក់ឈាម ឬផឹកឈាមសត្វជាអាហារ។ ជាពិសេស វាចូលចិត្តជញ្ជក់ឈាមសត្វពពែតែម្តង ដែលគេតែងតំណាលតៗគ្នា នៅក្នុងរឿងព្រេង៕

ទស្សនាវីដេអូ៖

ប្រភព៖ បរទេស

កំណត់ហេតុខ្មែរឡូត៖

គួររំលឹកដែរថា កន្លងទៅនេះ ក៏ធ្លាប់មានការភ្ញាក់ផ្អើលយ៉ាងខ្លាំងផងដែរ បន្ទាប់ពីមានការប្រទះឃើញ នូវសាកសពរបស់ សត្វចម្លែកម្យ៉ាងដែល មិនទាន់មានអ្នកណាស្គាល់ តែត្រូវបានមនុស្សមួយចំនួន យល់ថាវាគឺជាប្រភេទសត្វ ដែលជញ្ជក់ឈាម ធ្វើជាអាហារ ដូចដែលមាននៅក្នុង រឿងព្រេងនិទាន។

ផ្អែកលើប្រភព ព័ត៌មានបានឲ្យដឹងថា សត្វចម្លែកដែល មិនទាន់ដឹងអំពីប្រភេទ និងអំបូរវាច្បាស់លាស់ មួយនេះត្រូវបានគេប្រទះឃើញ ថាបានងាប់អណ្តែតទឹក នៅឯច្រាំងទន្លេមួយ ក្នុងតំបន់ Itapua ភាគខាងត្បូងរបស់ប្រទេសប៉ារ៉ាហ្គាយ។ តែទន្ទឹមនឹងនោះ ក៏មានមនុស្សជាច្រើន យល់ថាវាគឺជា អំបូរប្រភេទសត្វ ដែលមាននៅក្នុងរឿងព្រេង និទានបុរាណ ហៅថា Chupacabra ដែលមានរាងតូច ប៉ុនកូនខ្លាឃ្មុំ ហើយមានបន្លានៅ លើខ្នងរបស់វា និងរស់នៅតាម ទីកន្លែងផ្សេងៗនៃ តំបន់អាមេរិកឡាទីន ហើយពួកវាត្រូវការ ផឹកឈាម ដើម្បីចិញ្ចឹមជីវិត ពោលគឺពួកវាមានលក្ខណៈពិសេស មួយចំនួនដូចទៅនឹង បិសាចជញ្ជក់ឈាមអញ្ចឹងដែរ។

បើយើងមើលតាម រូបភាពនិងវីដេអូ ដែលថតអំពីរូបរាង របស់សត្វចម្លែកនោះ យើងច្បាស់ជាមិន អាចបរិយាយបានថា វាជាប្រភេទសត្វអ្វីឡើយ តែយើងក៏បានឃើញ អវៈយវៈមួយចំនួន ដូចជាដៃ ជាដើម គឺមានលក្ខណៈប្រហែលៗ នឹងមនុស្សយើងបន្តិចបន្តួចដែរ។

ជុំវិញករណីនេះ លោក Javier Medina មន្ត្រីអាជ្ញាធរ ដែលត្រូវបានគេអញ្ជើញទៅធ្វើការពិសោធន៍ ទៅលើសត្វចម្លែកមួយនោះ បាននិយាយថា “បើមើលតាមលក្ខណៈពិសេស របស់វាយើងអាច ធ្វើការសន្និដ្ឋានបានថា វាជាអំបូរពូជសត្វស្វា ក៏ព្រោះតែរូបរាង និងទំហំដៃ ព្រមទាំងជើងរបស់វា។ ប៉ុន្តែបើតាមការពិតទៅ មកទល់ពេលនេះ យើងមិនទាន់អាច បញ្ជាក់បានពិតប្រាកដ ១០០%នៅឡើយទេ ក៏ព្រោះតែផ្នែកមួយចំនួន នៃរាងកាយរបស់វា ត្រូវបានស្អុយរលួយ”។

យ៉ាងណាមិញ សាកសពរបស់សត្វចម្លែក មួយនេះ បានបង្កឲ្យមាន ការភ្ញាក់ផ្អើល និងចាប់អារម្មណ៍យ៉ាងខ្លាំង រហូតដល់ធ្វើឲ្យមនុស្ស មួយចំនួនយល់ថា សត្វដែលធ្លាប់តែបានស្គាល់ នៅក្នុងរឿងព្រេងនិទានបុរាណ ពិតជាមានប្រាកដមែន៕

• វីដេអូ