(ភ្នំពេញ)៖ យុជនម្នាក់បានរងរបួស និងម៉ូតូរងការខូចខាត ដោយសារបុរសស្រវឹងម្នាក់បើករថយន្ត Range Rover ទៅបុកពេញទំហឹង នាម៉ោង១៖៥០នាទីរំលងអាធ្រាត ឈានចូលថ្ងៃទី២៣ ខែកក្កដា ឆ្នាំ២០១៦ ស្ថិតនៅតាមផ្លូវ២៧១ កែងនិងផ្លូវទេពផន ក្នុងសង្កាត់ ទឹកល្អក់ទ៣ ខណ្ឌទួលគោក ។
អ្នកដែលឃើញហេតុការណ៌បានប្រាប់ថា មុនកើតហេតុគេបានឃើញបុរសស្រវឹងម្នាក់ បើករថយន្តស៊េរីទំនើបមួយគ្រឿង ម៉ាក Range Rover ពណ៌ខ្មៅ ពាក់ស្លាកលេខភ្នំពេញ2Y-8899 តាមបណ្តោយផ្លូវ២៧១ ក្នុងល្បឿនយ៉ាងលឿន លុះបើកមកដល់ចំណុចកើតហេតុ ត្រង់ផ្លូវកែងបុរស ដែលស្រវឹងបើករថយន្ត ស៊េរីទំនើបនោះ បានបត់ទៅផ្លូវទេពផន ដែលជាផ្លូវកែងមិនបានបង្អង់ល្បឿនទេ ស្របពេលនោះក៏មានយុវជនម្នាក់ ជិះម៉ូតូមួយគ្រឿងម៉ាក Dream ដែលបើកទឹសដៅច្រាស់គ្នា ជាមួយនឹងរថយន្តបានមកដល់ ក៏ធ្វើឲ្យរថយន្តដែលបើកដោយបុរសស្រវឹងរូបនោះ ជ្រុលទៅបុកពេញទំហឹងជាមួយម៉ូតូបណ្តាលឲ្យ យុវជនជាម្ចាស់ម៉ូតូរងរបួស មុខនិងក្បាល និងម៉ូតូរងការខូចខាតយ៉ាងដំណំផងដែរ។
ឃើញដូចនោះម្ចាស់រថយន្ត Range Rover ដែលស្រវឹងនោះមិនបានរត់ទៅណាទេ គឺនៅឈប់ដោះស្រាយសងសំណងទៅយុវជន ដែលជាម្ចាស់ម៉ូតូ ដោយមិនឲ្យរំខានដល់សម្ថកិច្ចឡើយ៕
ប្រភព៖ Fresh News
កំណត់ត្រាខ្មែរឡូត៖
គួររំលឹកថា កាលពីយប់ម្សិលមិញនេះ ក៏មានករណីរថយន្ដរបស់តារាកំប្លែងនាយខ្ចឹប បត់ចូលផ្ទះ ស្រាប់តែមានរថយន្ដកុងទីន័រមួយគ្រឿង របស់ក្រុមហ៊ុនផែស្ងួតសូងួន បើកមកពីក្រោយក៏ជ្រុលទី បុកបណ្តាលឲ្យបែកកញ្ចក់ខ្ទេច តែមិនមានអ្នករងរបួសនោះទេ។ ហេតុការណ៍គ្រោះថ្នាក់ចរាចរណ៍នេះ កើតឡើងនៅយប់ថ្ងៃទី២២ ខែកក្កដា ឆ្នាំ២០១៦នេះ តាមបណ្ដោយផ្លូវវេងស្រេង ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
សាក្សីដែលឃើញហេតុការណ៍ បានឱ្យដឹងថា មុនពេលកើតហេតុគេឃើញរថយន្តមួយគ្រឿងម៉ាក Highlander ពាក់ស្លាកលេខភ្នំពេញ2N-7886 បើកបរដោយតារាកំប្លែងនាយខ្ចឹប ក្នុងទិសដៅពីលិចទៅកើត លុះមកដល់ចំណុចខាងលើ រថយន្ដបានបត់ឆ្វេងគោលបំណងចូលផ្ទះ ពេលនោះស្រាប់តែមានរថយន្ដកុងទីន័រ មួយគ្រឿងរបស់ក្រុមហ៊ុនផែស្ងួតសូងួន មកបុកពីក្រោយពេញទំហឹង បណ្ដាលឱ្យរថយន្ដរបស់នាយខ្ចឹបបែកកញ្ចក់ខ្ទេច ប៉ុន្ដែមិនមានអ្នកណារងរបួសនោះទេ។
ក្រោយពេលកើតហេតុភាគីទាំង២បានសម្រួលគ្នាដែរ ប៉ុន្ដែមិនត្រូវគ្នា ក្រោយមកសមត្ថកិច្ចជំនាញបានយករថយន្ដទាំង ២ ទៅរក្សាទុកដើម្បីដោះស្រាយ តាមក្រោយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
