ភ្នំពេញៈ តារាសម្តែង និងជាពិធីការិនី ប្រចាំស្ថានីយទូរទស្សន៍ បាយ័ន អ្នកមេម៉ាយចាយសម្រស់ អ្នកនាង ចន ច័ន្ទលក្ខិណា ថ្មីៗនេះបានបង្ហាញឲ្យមហាជនដឹងថា នាងកំពុងតែមានគម្រោង ក្នុងការរៀបចំពាក្យបណ្តឹង ប្តឹងបុរសម្នាក់ ដែលធ្វើការជេរប្រមាថនាងថា ជាស្រីក្បត់ប្តីនៅលើ បណ្តាញទំនាក់ទំនង សង្គមជាសារធារណៈ។
ដោយនាងចាត់ទុកថាការប្តឹង ទៅលើបុរសម្នាក់នេះ គឺគ្រាន់តែជាការស្វែងរក យុតិ្តធម៌សម្រាប់ខ្លួនឯង តែប៉ុណ្ណោះ។ កាលពីប៉ុន្មានថ្ងៃមុននេះ អ្នកនាង ចន ច័ន្ទលក្ខិណា បានរំលេចរូបថតមួយសន្លឹក ដែលនាងថតជាមួយកូនស្រីបណ្តូលចិត្ត ហើយនាងភ្ជាប់មកជាមួយសារថា «មុខដូចឳគ្មានល្អៀងមកម៉ែ ម៉ាបន្តិចណាសោះហ្មង !!!»។
ហើយនៅក្នុងនោះ ក៏មានបុរសម្នាក់មានឈ្មោះថា វឿន ចាន់វីរៈបុត្រ ចូលមក Comment ថា «ម៉ែក្បត់មេចដូចម៉ែ» ដែលជាដើមហេតុធ្វើ ឲ្យតារារូបនេះ ឆេះដុំតបតទៅវិញដោយមិនសំចៃដៃថា « ច្បាស់អត់ថាខ្ញុំក្បត់ ? រកភ័ស្តុតាងឲ្យច្បាស់ បើមិនច្បាស់អ្នកឯង នឹងជួបខ្ញុំនៅតុលាការ ឥឡូវខ្ញុំទុកពេលឲ្យអ្នកឯង១អាទិត្យ លាងខួររកភ័ស្តុតាង អោយច្បាស់ អាទិត្យក្រោយជួបគ្នា» ។
មិនតែប៉ុណ្ណោះ តារាស្រីរូបនេះបានបង្ហាញ ពីអារម្មណ៍ខឹងក្រោធទៀតថា « កុំអាងខ្ញុំជាមនុស្សមហាជន ចង់មកដៀលខ្ញុំ ស្រេចចិត្ត ខ្ញុំបង្ហោះក្នុង Acc ផ្ទាល់ខ្លួនរបស់ខ្ញុំទេ តែអ្នកមកបំពានសិទ្ធខ្ញុំ បំណាច់អ្នកមិនគោរពសិទ្ធខ្ញុំទៅហើយ ខ្ញុំក៏មិនគោរពអ្នកវិញដែរ ខ្វះអីមនុស្សជេរខ្ញុំ និងដៀលខ្ញុំ តែខ្ញុំមិនខ្វល់ ព្រោះពួកគេមិនដែលចូលមកជេរក្នុងAcc ផ្ទាល់ខ្លួនខ្ញុំទេ ខ្ញុំលែងយល់មុខទៀតហើយ ហើយបើក្លាហានចេញមុខមក » ។
នៅក្នុងនោះដែល អ្នកនាង ចន ច័ន្ទលក្ខិណា ក៏បានប្រកាសទុកពេល១សប្តាហ៍ ក្នុងការបើកឱកាសឲ្យបុរសនោះ រកភស្តុតាង ហើយនឹង ជាមួយនាងនៅអាទិត្យក្រោយនេះ។
បើទោះជាយ៉ាងណា សម្រាប់ការព្រមានដាក់ពាក្យប្តឹង ទៅលើបុរសខាងលើ ពីតារាស្រីរូបនេះត្រូវបាន អ្នកលេងបណ្តាញទំនាក់ទំនងសង្គម Facebook ជាច្រើនបានធ្វើការបញ្ចេញ ប្រតិកម្មមិនពេញចិត្តតែម្ចាស់ សាម៉ីខ្លួនហាក់ដូចជាមិនខ្វល់នោះទេ ដោយនាងប្រកាន់ តែជំហរចង់ប្តឹងតែប៉ុណ្ណោះ ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]