(ប៉ៃលិន)៖ យុវតីវ័យទើបតែ ១៧ឆ្នាំម្នាក់ បានដាច់ចិត្តចងកសម្លាប់ខ្លួនឯង នៅលើផ្ទះទាំងព្រឹក នាថ្ងៃទី១៨ ខែកក្កដា ឆ្នាំ២០១៦នេះ ស្ថិតនៅភូមិវត្ត សង្កាត់-ក្រុងប៉ៃលិន ។
សមត្ថកិច្ចមូលដ្ឋានបានឲ្យដឹងថា យុវតីរងគ្រោះឈ្មោះ ម៉ៅ វិជួន អាយុ១៧ឆ្នាំ រស់នៅភូមិកើតហេតុខាងលើនេះ។ ក្រោយពីកូនស្រីធ្វើអត្តឃាត ដោយចងករួចមក ឪពុកម្តាយបានរាយការណ៍ ទៅកាន់សមត្ថកិច្ចមូលដ្ឋាន អោយចុះទៅត្រួតពិនិត្យ និងធ្វើកោសល្យវិច័្ចយ ហើយបានសន្និដ្ឋានថា សាកសពយុវតីរងគ្រោះពិតជា បានស្លាប់ដោយសារតែចង់ ក ខ្លួនឯងពិតមែន គឺបណ្ដាលមកពី បញ្ហាមានជម្ងឺផ្លូវចិត្ត និងគ្មានស្នាកស្នាមអ្វីពាក់ព័ន្ធនិងអំពើឃាតកម្មនោះឡើយ ។
បច្ចុប្បន្ននេះសមត្ថកិច្ចបានប្រគល់ សាកសពស្ត្រីរងគ្រោះទៅអោយ ក្រុមគ្រួសារយក ទៅធ្វើបុណ្យតាមប្រពៃណី៕
ប្រភព៖ Fresh News
កំណត់ហេតុខ្មែរឡូត៖ ដោយឡែក រំលឹកព័ត៌មានចាស់លើកមុនផងដែរថា បុរសបែកថ្នាំម្នាក់ បានសម្រេចរត់ទៅចង.កនៅលើដើមឈើ កាលពីថ្ងៃទី១៦ កក្កដា ២០១៦ ស្ថិតនៅក្នុងភូមិអូរសោម ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។
សាច់ញាតិជនរងគ្រោះ បានឱ្យដឹងថា ជនរងគ្រោះឈ្មោះ ថុល ចាន់ថន ភេទប្រុស អាយុ២៧ឆ្នាំ រស់នៅក្នុងភូមិ-ឃុំកើតហេតុខាងលើ បានបាត់ពីផ្ទះអស់រយៈពេល៤ម៉ោង នៅថ្ងៃទី១៦ កក្កដា ២០១៦។ ប្រជាពលរដ្ឋអ្នកភូមិចេញទៅធ្វើស្រែចំការ ស្រាប់តែបានប្រទះឃើញចង.កនៅលើដើមឈើស្លាប់បាត់បង់ជីវិត ក៏បានបង្កឱ្យមានការភ្ញាក់ផ្អើល កាលពីវេលាម៉ោង១០ព្រឹក ថ្ងៃទី១៦ កក្កដា ២០១៦។
យោងតាមរបាយការណ៍ប៉ូលិសបានបញ្ជាក់ថា បើតាមការសាកសួរពីសាច់ញាតិបុរសរងគ្រោះបានអះអាងថា បុរសរូបនេះតែងតែបានប្រើប្រាស់ថ្នាំញៀនជាប្រចាំ ទើបបានសម្រេចចិត្តបែបនេះ រត់ទៅចង.កសម្លាប់ខ្លួន។
សមត្ថកិច្ចបានបញ្ជាក់ថា យោងតាមការបំភ្លឺពីក្រុមគ្រួសារសាច់ញាតិ សមត្ថកិច្ចបានពិនិត្យ នឹងធ្វើកោសល្យវិច្ច័យ រួចបានប្រគល់សពទៅឱ្យក្រុមគ្រួសារយកទៅធ្វើបុណ្យតាមប្រពៃណី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
