ខេត្តឧត្តរមានជ័យ ៖ ក្នុងការប្រព្រឹត្តនូវគ្រឿងញៀន គេបានសង្កេតឃើញភាគច្រើនយុវវ័យក្មេងៗមិនថា មនុស្សប្រុស ឬស្រីនោះទេ ពេលប្រើប្រាស់ច្រើនជាប្រចាំនោះ វាបានក្លាយទៅជាមនុស្សវិកលចរិត។ ជាក់ស្តែង បុរសបែកថ្នាំម្នាក់នេះ បានសម្រេចរត់ទៅចង.កនៅលើដើមឈើ កាលពីថ្ងៃទី១៦ កក្កដា ២០១៦ ស្ថិតនៅក្នុងភូមិអូរសោម ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។
សាច់ញាតិជនរងគ្រោះ បានឱ្យដឹងថា ជនរងគ្រោះឈ្មោះ ថុល ចាន់ថន ភេទប្រុស អាយុ២៧ឆ្នាំ រស់នៅក្នុងភូមិ-ឃុំកើតហេតុខាងលើ បានបាត់ពីផ្ទះអស់រយៈពេល៤ម៉ោង នៅថ្ងៃទី១៦ កក្កដា ២០១៦។ ប្រជាពលរដ្ឋអ្នកភូមិចេញទៅធ្វើស្រែចំការ ស្រាប់តែបានប្រទះឃើញចង.កនៅលើដើមឈើស្លាប់បាត់បង់ជីវិត ក៏បានបង្កឱ្យមានការភ្ញាក់ផ្អើល កាលពីវេលាម៉ោង១០ព្រឹក ថ្ងៃទី១៦ កក្កដា ២០១៦។
យោងតាមរបាយការណ៍ប៉ូលិសបានបញ្ជាក់ថា បើតាមការសាកសួរពីសាច់ញាតិបុរសរងគ្រោះបានអះអាងថា បុរសរូបនេះតែងតែបានប្រើប្រាស់ថ្នាំញៀនជាប្រចាំ ទើបបានសម្រេចចិត្តបែបនេះ រត់ទៅចង.កសម្លាប់ខ្លួន។
សមត្ថកិច្ចបានបញ្ជាក់ថា យោងតាមការបំភ្លឺពីក្រុមគ្រួសារសាច់ញាតិ សមត្ថកិច្ចបានពិនិត្យ នឹងធ្វើកោសល្យវិច្ច័យ រួចបានប្រគល់សពទៅឱ្យក្រុមគ្រួសារយកទៅធ្វើបុណ្យតាមប្រពៃណី៕
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកដែរថា ដោយឡែកកន្លងទៅនេះករណីមួយវិញទៀត បុរសដែលជាកម្មករម្នាក់ បានសម្រេចចិត្តបញ្ចប់ជីវិតរបស់ខ្លួន ដោយចងក នៅលើមែកឈើ ក្នុងភូមិដីក្រហម ឃុំតាសែន ស្រុកកំរៀង ខេត្តបាត់ដំបង នៅម៉ោង៧៖៣០នាទី ព្រឹកថ្ងៃទី១១ ខែឧសភា កន្លងទៅ បន្ទាប់ពីរូបគាត់ មានការតូចចិត្ត និងជីវភាពទីទ័លក្រ ខ្លាំងពេក រកព្រឹកខ្វះល្ងាច គួបផ្សំនិងគ្មានលុយ មើលជម្ងឺ កូនឈឺផងនោះ។
បើតាមមន្រ្តីនគរបាលស្រុកកំរៀង បានឲ្យដឹងថា ជនរងគ្រោះដែលចងកសម្លាប់ខ្លួននេះ ឈ្មោះ ខេម ម៉ច់ អាយុ៥៣ឆ្នាំ មុខរបរកម្មករ រស់នៅ ក្នុងភូមិអណ្តូងតាស្រែន ឃុំច្រេះ ស្រុកមេសាង ខេត្តព្រៃវែង បានមកស្នាក់នៅ ធ្វើជាកម្មករ ក្នុងភូមិអូរដា ឃុំអូរដា ស្រុកកំរៀង។ ជនរងគ្រោះ បានយកក្រមា ចងក នៅនិងដើមឈើ បណ្តាលឲ្យស្លាប់។
បើតាមអ្នកភូមិបានបញ្ជាក់ថា លោក ខេម ម៉ច់ ដាច់ចិត្តចងកសម្លាប់ខ្លួននេះ ដោយសារតែ តូចចិត្តខ្លួនក្រ ហើយកូនមានជំងឺ បច្ចុប្បន្នសាកសព កំពុងត្រូវបាន គ្រួសាររៀបចំធ្វើបុណ្យ តាមប្រពីណៃយ៍ ជាមួយគ្នានោះ ក្រុមគ្រួសារក៏អំពាវនាវ ដល់សប្បុរសជន មេត្តាឧបត្ថម្ភ ដល់គ្រួសារគាត់ដែល ជួបការលំបាកផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
