ស្កុតឡេន៖ នាពេលថ្មីៗនេះ ក្រុមកីឡាករបាល់ទាត់កម្ពុជាយើង បានឈ្នះនូវពានរង្វាន់ Men’s Globe ក្នុងព្រឹត្តការណ៍ Homeless World Cup ឆ្នាំ២០១៦ នៅទីក្រុង Glasgow ក្រោយពីបំបាក់ ស៊ុយអែត ក្នុងលទ្ធផល ៨-២ ។
ក្នុងព្រឹត្តការណ៍បាលទាត់ Homeless World Cup ឆ្នាំ២០១៦ នេះដែរ គឺមានការបែងចែកនូវពានរង្វាន់ទៅតាមផ្នែកនីមួយៗជាច្រើន ដូចជា៖ Men’s Quaich , Men’s Shield, Men’s Globe, Men’s Bowl, Men’s Plate, Women’s Plate, Homeless World Cup និង Women’s Homeless World Cup ។
ទាក់ទងនឹងការប្រកួតវគ្គផ្តាច់ព្រ័តវិញ ស៊ុយអែត បាននាំមុខមុន១គ្រាប់ ប៉ុន្តែមិនថ្វី កីឡាវ័យក្មេងមួយរូប ដែលមានឈ្មោះថា ចាន់ មិនា រួមទាំងជាប្រធានក្រុមផងនោះ ស៊ុតចូលបានរហូតបានដល់ ៤គ្រាប់ម្នាក់ឯងក្នុងការប្រកួត ជាមួយគ្រាប់បាល់ ៤គ្រាប់ផ្សេងៗរបស់មិត្តរួមក្រុមរបស់ខ្លួន តែយ៉ាងណាមិញ ស៊ុយអែត ក៏បានវាយបកបានមួយគ្រាប់ទៀតដែរ ដែលធ្វើឲ្យលទ្ធផល បញ្ចប់ការប្រកួតគឺ កម្ពុជា យកឈ្នះ ៨-២ ។
គួរបញ្ជាក់ដែរថា មុននឹងឡើងមកជួប ស៊ុយអែត ក្នុងវគ្គផ្តាច់ព្រ័តនេះ ក្រុមកម្ពុជាបានយកឈ្នះ ក្រុមមកពី សហរដ្ឋអាមេរិក ដោយលទ្ធផល ៥-៣ ក្នុងវគ្គពាក់កណ្តាលផ្តាច់ព្រ័ត ផងដែរ។
ដូច្នេះ អបអរសាទរ កម្ពុជា ក្លាយជា ជើងឯក Men’s Globe ក្នុងព្រឹត្តការណ៍ Homeless World Cup ឆ្នាំ២០១៦ នេះ ៕
ប្រភព៖ Homeless World Cup
កំណត់ហេតុខ្មែរឡូត៖ ដោយឡែក រំលឹកព័ត៌មានចាស់លើកមុនផងដែរថា កីឡាការិនីតេក្វាន់ដូកម្ពុជា កុល ប៊ុតសានី ឈ្នះមេដាយសំរិទ្ធ ១គ្រឿងនៅរុស្ស៊ី គួររំលឹកផងដែរថា កីឡាការិនីតេក្វាន់ដូជម្រើសជាតិកម្ពុជា កុល ប៊ុតសានី ទទួលបានមេដាយសំរិទ្ធ ១គ្រឿងពីការប្រកួតកីឡាកុមារទ្វីបអាស៊ី 6th Children of Asia International Sports Games នៅប្រទេសរុស្ស៊ីក្នុងប្រភេទទម្ងន់ ៤៩គីឡូក្រាម បន្ទាប់ពីផ្តួលកីឡាការិនីម៉ុងហ្គោលី (Mongolia) ដោយលទ្ធផល ៧-៦ កាលពីម្សិលមិញនេះ។
យោងតាមទំព័រ Facebook Page របស់ក្រសួងអប់រំ យុវជន និងកីឡា បានឲ្យដឹងថា កម្ពុជា បានឈ្នះមេដាយសំរិទ្ធ កម្រិតអាស៊ី បាន១គ្រឿងពីយុទ្ធនាការខាងលើ ដែលមាន៣៨ប្រទេសចូលរួមលើកនេះ បន្ទាប់ពី ប៊ុតសានី បានប្រកួតចាញ់កីឡាការិនីម្ចាស់ផ្ទះរុស្សី Yuzhakova Evgenia ក្នុងការដណ្តើមមេដាយប្រាក់ មុនពេលមិត្តរួមជាតិកីឡាករ ស៊ាង តេក្វាន់ដូ សុធារិទ្ធ បានចាញ់កីឡាករម៉ង់ហ្គោលី Odbbatar Changaadori ក្នុងទម្ងន់ ៥៥ គីឡូក្រាម ដោយពិន្ទុ ១២-០។
ទោះបីឈ្នះត្រឹមមេដាយសំរិទ្ធ ១គ្រឿងនេះក៏ដោយ ក៏កីឡាការិនី កុល ប៊ុតសានី បានធ្វើឲ្យកម្ពុជា ទទួលបានមោទនភាពខ្លាំងក្លា ចំពោះអត្តពលិកទាំង២រូបខាងលើ ដែលបានធ្វើឲ្យទង់ជាតិកម្ពជា ត្រូវបានបង្ហូតឡើង និងមានគេគោរព ហើយធ្វើឲ្យគេស្គាល់កម្ពុជាកាន់តែច្រើននៅលើឆាកអន្តរជាតិថែមទៀត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]