(ភ្នំពេញ)៖ កីឡាការិនីតេក្វាន់ដូជម្រើសជាតិកម្ពុជា កុល ប៊ុតសានី ទទួលបានមេដាយសំរិទ្ធ ១គ្រឿងពីការប្រកួតកីឡាកុមារទ្វីបអាស៊ី 6th Children of Asia International Sports Games នៅប្រទេសរុស្ស៊ីក្នុងប្រភេទទម្ងន់ ៤៩គីឡូក្រាម បន្ទាប់ពីផ្តួលកីឡាការិនីម៉ុងហ្គោលី (Mongolia) ដោយលទ្ធផល ៧-៦ កាលពីម្សិលមិញនេះ។
យោងតាមទំព័រ Facebook Page របស់ក្រសួងអប់រំ យុវជន និងកីឡា បានឲ្យដឹងថា កម្ពុជា បានឈ្នះមេដាយសំរិទ្ធ កម្រិតអាស៊ី បាន១គ្រឿងពីយុទ្ធនាការខាងលើ ដែលមាន៣៨ប្រទេសចូលរួមលើកនេះ បន្ទាប់ពី ប៊ុតសានី បានប្រកួតចាញ់កីឡាការិនីម្ចាស់ផ្ទះរុស្សី Yuzhakova Evgenia ក្នុងការដណ្តើមមេដាយប្រាក់ មុនពេលមិត្តរួមជាតិកីឡាករ ស៊ាង តេក្វាន់ដូ សុធារិទ្ធ បានចាញ់កីឡាករម៉ង់ហ្គោលី Odbbatar Changaadori ក្នុងទម្ងន់ ៥៥ គីឡូក្រាម ដោយពិន្ទុ ១២-០។
ទោះបីឈ្នះត្រឹមមេដាយសំរិទ្ធ ១គ្រឿងនេះក៏ដោយ ក៏កីឡាការិនី កុល ប៊ុតសានី បានធ្វើឲ្យកម្ពុជា ទទួលបានមោទនភាពខ្លាំងក្លា ចំពោះអត្តពលិកទាំង២រូបខាងលើ ដែលបានធ្វើឲ្យទង់ជាតិកម្ពជា ត្រូវបានបង្ហូតឡើង និងមានគេគោរព ហើយធ្វើឲ្យគេស្គាល់កម្ពុជាកាន់តែច្រើននៅលើឆាកអន្តរជាតិថែមទៀត៕
ប្រភព៖ Khmertalking
កំណត់ហេតុខ្មែរឡូត៖ ដោយឡែក រំលឹកព័ត៌មានចាស់លើកមុនផងដែរថា កីឡាករខ្មែរឈ្នះមេដាយមាស នៅប្រទេសថៃ
គួររំលឹកផងដែរថា កីឡាករកាយវប្បកម្មជម្រើសជាតិកម្ពុជា តឹក ប៊ុនវី ឈ្នះបានមេដាយមាស ពីការប្រកួតជ្រើសរើសជើងឯកកាយវប្បកម្មអាស៊ីអាគ្នេយ៍លើកទី១៣ (South-East Asian Bodybuilding And Phyique Sports Ferderation) នៅប្រទេសថៃ កាលពីល្ងាចមិញ។
ក្នុងប្រភេទទម្ងន់ជាមួយគ្នានេះ កីឡាករកម្ពុជា ទ្រឹង ចាន់ ឈ្នះមេដាយសំរឹទ្ធ ។ កាលពីព្រឹកមិញ កីឡាករកាយវប្បកម្មជម្រើសជាតិកម្ពុជា លោកណុំ សុបិន្ត និង ចាប វ៉ាន់នី ដណ្ដើមបានលេខ៤ ពីព្រឹត្តិការណ៍នេះផងដែរ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]