ចិន៖ ថ្មីៗនេះ ក្រុមចម្រៀងបុរស Big Bang បានទៅជួបជាមួយនឹងអ្នកគាំទ្រចិន របស់ខ្លួនដោយផ្ទាល់ ដោយបានបង្កើតនូវកម្មវិធីប្រគំតន្រ្តី Big Bang មួយនៅឯប្រទេសចិន។
ទន្ទឹមនឹងនេះ ក្នុងអំឡុងការប្រគំតន្រ្តីជួបជាមួយអ្នកគាំទ្រនោះផងដែរ G-Dragon សមាជិកក្រុម Big Bang បានធ្វើឲ្យអ្នកគាំទ្រស្ទើរតែទប់សំណើចមិនជាប់ ដោយសារតែសមាជិករូបនោះ ត្រូវបានគេចាប់បង្ខំឲ្យស្លៀក សម្លៀកបំពាក់ខុសពីសមាជិកក្រុមផ្សេងៗ ដើម្បីជាការផ្តន្ទាទោស។
បើយោងតាម Instiz បានឲ្យដឹងថា សមាជិកនៃក្រុម Big Bang ទាំងអស់ពួកគេបានលេងល្បែងកម្សាន្តមួយលើឆាក ដើម្បីកំណត់ថាតើសមាជិករូបណា ដែលត្រូវពិន័យឲ្យស្លៀកសំលៀកបំពាក់ ដ៏គួរឲ្យអស់សំណើចទាំងនេះ ខណៈដែលសមាជិកផ្សេងទៀត ត្រូវបានអនុញ្ញាតឲ្យស្លៀកពាក់ធម្មតា លើកលែងតែម្នាក់ គឺលោក G-Dragon ដែលចាញ់នឹងត្រូវបានពិន័យឲ្យស្លៀកឈុតទាំងនេះ។ ក្នុងនោះផងដែរ យើងសង្កេតឃើញថា សម្លៀកសំពាក់កំប្លែងៗទាំងនោះ មានដូចជា ឈុតសម្រៀកបំពាក់ ព្រះនាង ព្រិលស, ឈុតរបស់ លី សៀវឡុង, ឈុត Mario និងមានជាច្រើនផ្សេងទៀត។
ដូចនេះកុំឲ្យខាតពេលយូរ មើលរូបជាងក្រោមទាំងអស់គ្នា៖
ប្រភព៖ Koreaboo
កំណត់ហេតុខ្មែរឡូត
ដោយឡែក ករណីមួយផ្សេងទៀត កាលពីលើកមុន គ្រាន់តែG-dragon បានមកដល់ព្រលានយន្តហោះប៉េកាំងភ្លាម ក្រុមអ្នកការពាររបស់GD ក៏បានប៉ះទង្គិច ជាមួយនឹងអ្នកគាំទ្រភ្លេត ដោយសារតែអ្នកគាំទ្រជាច្រើន នាំគ្នាបុកសំរុកចូលមក រកលោកG-dragon ទើបបណ្តាលឲ្យ មានការប៉ះទង្គិចរវាងអ្នកការពារ នឹងអ្នកគាំទ្រ បែបនេះ។។
នេះបើយោងតាមប្រភព បានឲ្យដឹងថា «អ្នកគាំទ្រជាស្រ្តីម្នាក់ ត្រូវបានក្រុមអង្គរក្ស រុញច្រាននាងដួលបោកទៅលើឥដ្ឋ ដោយសារតែពេលនោះ នាងបានព្យាយាមចូលយ៉ាងជិត GD ដើម្បីថតរូប។ ក្រោយមក GD ទទួលបានការវាយប្រហារពាក្យសំដី ដោយក្រុមអ្នកគាំទ្រប្រឆាំងមួយចំនួនផងដែរ»។ មនុស្សមួយចំនួនទៀត បានអះអាងដែរថា បន្ទាប់ពីរុញអ្នកគាំទ្រស្រីម្នាក់នោះដួលទៅលើដីហើយ គាត់ (GD) បានបន្តដំណើរធ្វើដូចជាគ្មានរឿងអ្វីកើតឡើងទៅវិញ។
ប្រភពដដែលបានបន្តទៀត អ្នកគាំទ្រផ្សេងទៀត ដែលនៅក្បែរអ្នកគាំទ្រស្រីដួលទៅលើដីនោះ បាននិយាយថា« អ្នកគាំទ្រស្រីម្នាក់នោះ គឺនាងបានចូលទៅឡើងជិត GD ដើម្បីព្យាយាមថតវីដេអូ ហើយអ្វីដែលអាក្រក់ជាងនេះទៀតនោះគឺ កាម៉េរារបស់នាងស្ទើរតែបុកមុខ G-dragon ទៅហើយ ហើយគាត់ក៏ព្យាយាមគេចចេញពីអ្នកគាំទ្រផងដែរ ដោយមានក្រុមអ្នកការពារ បានពង្រីកដៃជារង្វង់ព័ទ្ធGD ដើម្បីការពារគាត់ផងដែរ។ ហើយវាជាការបំផ្លើសដែល និយាយថាអង្គរក្សបានរុញច្រាននាង»។
ដោយយោងតាមការអះអាងរបស់ផលិតកម្មYG បានចេញសេចក្តីថ្លែងការណ៍មួយថា «ក្រុមអង្គរក្សដែលការពារ GD នៅឯព្រលានយន្តហោះប៉េកាំងនោះ គែមិនមែនបុគ្គលិក ក្រុមការងាររបស់ផលិតកម្មនោះទេ ហើយក៏សុំអះអាងថា ពេលនោះលោកGD ពិតជាមិនបានដឹងថាមានគាំទ្រដួលឡើយ ដោយសារតែពេលនោះស្ថានការណ៍រញ៉េរញ៉ៃពេក»។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]