ខេត្តកំពង់ឆ្នាំង ៖ ស្ត្រីម្នាក់ត្រូវប្តីរបស់ខ្លួនចាប់បោកសក់វាយបណ្ដាលឲ្យស្លាប់យ៉ាងអាណោចអាធ័ម ដែលហេតុការណ៍នេះបង្កឲ្យមានការភ្ញាក់ផ្អើលកាលពីថ្ងៃទី១១ ខែកក្កដា ឆ្នាំ២០១៦ នៅភូមិគុយឃុំដារស្រុកកំពង់លែងខេត្តកំពង់ឆ្នាំង ។
ប្រភពពីសមត្ថកិច្ចឲ្យដឹងថា ប្តីជាជនដៃដល់ឈ្មោះ សួង វុធ អាយុ៤៥ឆ្នាំ រីឯប្រពន្ធរងគ្រោះឈ្មោះ បូ ភ័ណ្ឌ អាយុ៤៧ឆ្នាំ ។ មុនពេលកើតហេតុទាំង២នាក់ប្តីប្រពន្ធបានផឹកស៊ីជាមួយគ្នាររហូតដល់ស្រវឹងរៀងៗខ្លួនបន្ទាប់មកប្តីបានដេញប្រពន្ធឲ្យទៅផ្ទះដាំបាយ ព្រោះជិតដល់ពេលទៅធ្វើការហើយ ។ បន្ទាប់ពីប្តីប្រាប់ហើយ ប្រពន្ធក៏ចេញទៅទិញម្ហូប ឯប្តីក៏បានត្រឡប់ទៅផ្ទះមុន តែដោយចាំប្រពន្ធយូរពេកក៏ក្តៅក្រហាយ លុះពេលប្រពន្ធមកដល់ផ្ទះក៏ឈ្លោះប្រកែកគ្នាតឹងសរសៃករៀងៗខ្លួន រហូតប្តីស្រែកគំរាមវាយចង់ប្រពន្ធ ។
ប្រភពបន្តឲ្យដឹងទៀតថា ដោយខ្លាចប្តីវាយ ប្រពន្ធក៏បានរត់គេចទៅផ្ទះបងប្អូនដែលនៅក្បែរនោះ តែត្រូវប្តីតាមពីក្រោយទាន់ហើយចាប់បោចសក់រួចវាយ១ដៃចំកញ្ចឹងកដួលបោកក្បាលនឹងជ្រុងគ្រែស្លាប់ភ្លាមៗតែម្តង ។
ក្រោយពេលកើតហេតុ សមត្ថកិច្ចបានឃាត់ខ្លួនបុរសជាប្តីរឿងបញ្ជូនមកស្នងការដ្ឋាននគរបាលខេត្តកំពង់ឆ្នាំងដើម្បីចាត់ការបន្តតាមនីតិវិធីច្បាប់ ៕
ប្រភព៖ កោះសន្តិភាព
កំណត់ហេតុខ្មែរឡូត
ដោយឡែកក្រឡេក មកមើលឪពុកព្រៃផ្សៃនៅភូមិអញ្ជែងលើ ឃុំពុកឫស្សី ស្រុកខ្សាច់កណ្ដាល ខេត្តកណ្ដាលនេះវិញម្តង ដោយសារតែខឹងកូនប្រុសនោះយំរំខានមិនអាចដេកបាន ក៏បានចាប់ច្របាច់កកូនបោកទៅលើគ្រែយ៉ាងព្រៃផ្សៃ ដោយឃើញបែបនេះស្ត្រីជាប្រពន្ធក៏ស្ទុះចូលទៅជួយតែត្រូវប្តីចិត្តអប្រិយនោះចាប់វាយដែរបណ្ដាលឲ្យរងរបួសជាទម្ងន់ទាំង២នាក់ម្តាយនិងកូន ។ ហេតុការណ៍ដ៏ព្រៃផ្សៃនេះកើតឡើងកាលពីវេលាម៉ោង៧យប់ ថ្ងៃទី១៦ ខែមិថុនា ឆ្នាំ២០១៦។
នគរបាលស្រុកខ្សាច់កណ្តាលបានឲ្យដឹងថា បុរសជាប្តីចិត្តអប្រិយរូបនោះឈ្មោះ បឿន បេង ភេទប្រុស អាយុ៣៦ឆ្នាំ ធ្លាប់ជាប់ពន្ធនាគារខេត្តកណ្តាលរយៈពេល១ឆ្នាំពីបទហិង្សាក្នុងគ្រួសារ ទើបតែចេញពីពន្ធនាគារអំឡុងខែមេសាឆ្នាំ២០១៦នេះ ចំណែកស្ត្រីរងគ្រោះជាប្រពន្ធឈ្មោះ ថេង សាវ៉ន ភេទស្រី អាយុ៣៨ឆ្នាំ និងកូនប្រុសតូចឈ្មោះ បេង សំណាង អាយុ៨ឆ្នាំ ។
នគរបាលស្រុកខ្សាច់កណ្តាលបានឲ្យដឹងទៀតថា បន្ទាប់ពីដើរផឹកស៊ីជាមួយអ្នកភូមិរហូតស្រវឹងជោកជាំ ប្តីអប្រិយរូបនោះបានដើរត្រឡប់មកដេកផ្ទះវិញ ខណៈកំពុងដេកស្រាប់តែកូនប្រុសបានស្រែកយំ ភ្លាមៗនោះជនសង្ស័យក៏បានក្រោកពីដេកស្រែកគំរាមឲ្យកូនឈប់យំ ធ្វើឲ្យកូនមានការភ័យខ្លាចក៏រត់ទៅផ្ទះជីតានៅក្បែរនោះ តែត្រូវឪពុកចិត្តអប្រិយតាមចាប់មកវិញ ។ ពេលមកដល់ក្រោមផ្ទះ ឪពុកចិត្តអប្រិយរូបនោះបានចាប់ច្របាច់.កកូនប្រុសបោកទៅលើគ្រែ ឃើញបែបនោះប្រពន្ធក៏ស្ទុះចូលចាប់យកកូនពីប្តី តែត្រូវប្តីវាយបណ្តាលឲ្យរងរបួសធ្ងន់ទាំងម្តាយនិងកូន ។ លុះព្រឹកឡើងថ្ងៃទី១៧ ខែមិថុនា ឆ្នាំ២០១៦ ស្ត្រីរងគ្រោះបានសម្រេចចិត្តដាក់ពាក្យបណ្តឹងនៅសមត្ថកិច្ចប៉ូលិសមូលដ្ឋានឲ្យជួយអន្តរាគមន៍ចាប់ខ្លួនប្តីចិត្តអប្រិយយកមកដាក់ទោសតាមច្បាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
