ខេត្តកណ្ដាល ៖ ឪពុកចិត្តអប្រិយម្នាក់បានចាប់ច្របាច់កកូនបោកទៅលើគ្រែយ៉ាងព្រៃផ្សៃដោយសារតែខឹងកូនប្រុសនោះយំរំខានមិនអាចដេកបាន ដោយឃើញបែបនេះស្ត្រីជាប្រពន្ធក៏ស្ទុះចូលទៅជួយតែត្រូវប្តីចិត្តអប្រិយនោះចាប់វាយដែរបណ្ដាលឲ្យរងរបួសជាទម្ងន់ទាំង២នាក់ម្តាយនិងកូន ។ ហេតុការណ៍ដ៏ព្រៃផ្សៃនេះកើតឡើងកាលពីវេលាម៉ោង៧យប់ ថ្ងៃទី១៦ ខែមិថុនា ឆ្នាំ២០១៦ ស្ថិតនៅភូមិអញ្ជែងលើ ឃុំពុកឫស្សី ស្រុកខ្សាច់កណ្ដាល ខេត្តកណ្ដាល ។
នគរបាលស្រុកខ្សាច់កណ្តាលបានឲ្យដឹងថា បុរសជាប្តីចិត្តអប្រិយរូបនោះឈ្មោះ បឿន បេង ភេទប្រុស អាយុ៣៦ឆ្នាំ ធ្លាប់ជាប់ពន្ធនាគារខេត្តកណ្តាលរយៈពេល១ឆ្នាំពីបទហិង្សាក្នុងគ្រួសារ ទើបតែចេញពីពន្ធនាគារអំឡុងខែមេសាឆ្នាំ២០១៦នេះ ចំណែកស្ត្រីរងគ្រោះជាប្រពន្ធឈ្មោះ ថេង សាវ៉ន ភេទស្រី អាយុ៣៨ឆ្នាំ និងកូនប្រុសតូចឈ្មោះ បេង សំណាង អាយុ៨ឆ្នាំ ។
នគរបាលស្រុកខ្សាច់កណ្តាលបានឲ្យដឹងទៀតថា បន្ទាប់ពីដើរផឹកស៊ីជាមួយអ្នកភូមិរហូតស្រវឹងជោកជាំ ប្តីអប្រិយរូបនោះបានដើរត្រឡប់មកដេកផ្ទះវិញ ខណៈកំពុងដេកស្រាប់តែកូនប្រុសបានស្រែកយំ ភ្លាមៗនោះជនសង្ស័យក៏បានក្រោកពីដេកស្រែកគំរាមឲ្យកូនឈប់យំ ធ្វើឲ្យកូនមានការភ័យខ្លាចក៏រត់ទៅផ្ទះជីតានៅក្បែរនោះ តែត្រូវឪពុកចិត្តអប្រិយតាមចាប់មកវិញ ។ ពេលមកដល់ក្រោមផ្ទះ ឪពុកចិត្តអប្រិយរូបនោះបានចាប់ច្របាច់.កកូនប្រុសបោកទៅលើគ្រែ ឃើញបែបនោះប្រពន្ធក៏ស្ទុះចូលចាប់យកកូនពីប្តី តែត្រូវប្តីវាយបណ្តាលឲ្យរងរបួសធ្ងន់ទាំងម្តាយនិងកូន ។ លុះព្រឹកឡើងថ្ងៃទី១៧ ខែមិថុនា ឆ្នាំ២០១៦ ស្ត្រីរងគ្រោះបានសម្រេចចិត្តដាក់ពាក្យបណ្តឹងនៅសមត្ថកិច្ចប៉ូលិសមូលដ្ឋានឲ្យជួយអន្តរាគមន៍ចាប់ខ្លួនប្តីចិត្តអប្រិយយកមកដាក់ទោសតាមច្បាប់ ៕
ប្រភព៖ កោះសន្តិភាព
កំណត់ហេតុខ្មែរឡូត៖
ដោយឡែក រំលឹកព័ត៌មានករណីមួយផ្សេងទៀត បុរសម្នាក់ខឹងប្រពន្ធរត់ចេញពីផ្ទះមកស្នាក់នៅភ្នំពេញ ជាមួយបងប្អូនបានបីថ្ងៃ តូចចិត្តពេកយក កាំបិតកាត់ពងខ្លួនឯង ដើម្បីបញ្ចប់ជីវិត តែត្រូវគេជួួយទាន់។
ហេតុការណ៍នេះ ដ៏ញាក់សាច់នេះ បានកើតឡើងយប់ថ្ងៃទី៧ ខែមិថុនា ឆ្នាំ២០១៦ ស្ថិតក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ។
បើតាមសម្ដីបងប្អុនជនរគ្រោះបានឱ្យដឹងថា ជនរងគ្រោះឈ្មោះ គង់ វិចិត្រ អាយុ២៧ឆ្នាំ មានស្រុកកំណើតក្នុងខេត្តស្វាយរៀង។
ប្រភពដដែលបានបន្ដថា ជនរងគ្រោះមានជម្លោះជាមួយប្រពន្ធ ហើយរត់ចេញពីផ្ទះមកស្នាក់នៅភ្នំពេញ ជាមួយបងប្អូនបានបីថ្ងៃ ក៏តូចចិត្តពេកបានយកកាំបិតកាត់ពងខ្លួនឯងដើម្បីបញ្ចប់ជីវិត តែត្រូវបានប្រជាពលរដ្ឋឃើញទាន់ ទើបបញ្ជូនមកមន្ទីពេទ្យព្រះកុសមៈ ដើម្បីសង្គ្រោះជីវិត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]