បារាំង និងស្វីស ចាប់ដៃគ្នា ឡើងទៅវគ្គបន្ត បន្ទាប់ពីប្រកួតស្មើ ខណៈអាល់បានី នៅតែមានតែសង្ឃឹម បន្ទាប់ពីបំបាក់ រ៉ូម៉ានី ១-០ (មានវីដេអូ)

បារាំង៖ ទីបំផុត ការប្រកួតពានរង្វាន់ទ្វីបអ៊ឺរ៉ុប បានស្វែងរកឃើញ ២ក្រុម បណ្តោះអាសន្ន សម្រាប់ឡើងទៅលេងវគ្គ ១៦ ក្រុមចុងក្រោយហើយ គឺ បារាំង និងស្វីស តែយ៉ាងណាក្តី ក្រុមជម្រើសជាតិអាល់បានី ក៏នៅតែមានសង្ឃឹមឡើងទៅដែរ ដោយសារព្រឹត្តការណ៍ EURO ឆ្នាំនេះ ចម្រាញ់យកក្រុមដែលមានចំណាត់ថ្នាក់លេខ៣ ដែលមានពិន្ទុល្អ ចំនួន៤ក្រុម ក្នុងចំនោមពូលទាំង៦។

ព្រឹត្តការណ៍នៃការប្រកួត EURO កាលពីយប់មិញនេះ បានឈានដល់ជុំទី៣ ហើយជាការប្រកួតក្នុងពូលA ដែលមានក្រុមម្ចាស់ផ្ទះ បារាំង ប្រកួតស្មើគ្នាជាមួយ ស្វីស ០-០ ដោយគ្មានការស៊ុតបញ្ចូលទីគ្នា។ ដូច្នេះមានន័យថា បារាំង ចំណាត់ថ្នាក់លេខ១ មាន ៧ពិន្ទុ ឈរលើកំពូល តារាងក្នុងពូល A ហើយនៅក្នុងវគ្គ ១៦ក្រុម ចុងក្រោយ ពួកគេនឹងប្រកួតជាមួយក្រុមដែលមានចំណាត់ថ្នាក់លេខ៣ មកពីពូល C, D ឬក៏ E ។  

ចំនែកឯស្វីសវិញ ឈរលេខ២ ក្នុងពូលA ដោយមាន ៥ពិន្ទុ ដូច្នេះពួកគេនឹងប្រកួត វគ្គ១៦ ក្រុមចុងក្រោយ ជាមួយនឹងក្រុមដែលមានចំណាត់ថ្នាក់លេខ២ មកពីពូលC ដែលមានដូចជា អាល្លឺម៉ង់ ប៉ូឡូញ ឬ អៀរឡង់ខាងជើង។

ដោយឡែក ក្រុមជម្រើសជាតិ អាល់បានី វិញ សឹងតែបាត់បង់នូវឱកាសក្នុងការប្រកួតទៅហើយ ប៉ុន្តែការតស៊ូរបស់ពួកគេគឺបានជោគជ័យ ដោយបានបំបាក់ រ៉ូមានី ១-០ ដែលស៊ុតបញ្ចូលទីដោយកីឡាករ Armando Sadiku នៅនាទី៤៣។ ដូច្នេះមានន័យថា រ៉ូម៉ានី ឈរលេខ៣ មាន៣ពិន្ទុ កំពុងតែរង់ចាំមើល ក្រុមចំណាត់ថ្នាក់ លេខ៣ មកពីពូលផ្សេងទៀត ដូចដែលបានរៀបរាប់ខាងលើ ហើយព្រឹត្តការណ៍ EURO ចម្រាញ់យកក្រុមដែលមានចំណាត់ថ្នាក់៣ ចំនូន ៤ក្រុម ដែលពិន្ទុល្អជាងគេ៕ 

ប្រភព៖  Skysports | BBC