ក្រុងប៉ោយប៉ែត ៖ ប៉ាណូ បង្ហាញរូបភាពអាក្រាតមួយផ្ទាំងដែលត្រូវបានគេតាំងនៅមុខភោជនីយដ្ឋានមួយយីហោ The A.set pub&restaurant ក្បែរមាត់អូរព្រំដែនក្នុងទឹកដីកាស៊ីណូហ្គោលដឹនក្រោន ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត កំពុងត្រូវបានអ្នកស្រុកក៏ដូចជាសមត្ថកិច្ចមួយចំនួនសម្តែងការរិះគន់យ៉ាងខ្លាំងថា ធ្វើឱ្យប៉ះពាល់ដល់វប្បធម៌ និងប្រពៃណីជាតិខ្មែរ ។
ប៉ាណូដែលគេតាំងមុខភោជនីយដ្ឋាននេះរូបភាពមួយកំណាត់លើ គឺអាក្រាត ហើយលើប៉ាណូនោះមានតែភាសាអង់គ្លេស និងភាសាថៃពុំមានភាសាខ្មែរទេ។ អ្នកស្រុកដែលធ្វើដំណើរកាត់មុខភោជនីយដ្ឋាននោះ ខណៈក្រឡេកឃើញប៉ាណូមួយផ្ទាំងនេះ នាំគ្នាភ្ញាក់ផ្អើលដោយនិយាយថា «ម៉េចក៏ដល់ថ្នាក់នឹងក្នុងទឹកដីខ្មែរសោះ» ។
ជុំវិញបញ្ហាខាងលើលោកង៉ោ ម៉េងជ្រួន អភិបាលក្រុងប៉ោយប៉ែត បានប្រាប់កោះសន្តិភាពតាមទូរស័ព្ទនាព្រឹកថ្ងៃទី២៤ កុម្ភៈ ២០១២ ថា ការងារនេះអាជ្ញាធរបានចេញលិខិតអប់រំ២ទៅ៣ដង ហើយលោកថា បញ្ហានេះលោកនឹងពិភាក្សាជាមួយខាងក្រសួងទេសចរណ៍បន្តទៀត។ លោកអភិបាលក្រុងរូបនេះពុំបានប្រាប់លម្អិតទេ ដោយប្រាប់ថា រវល់ជាប់ប្រជុំ ។ ចំណែកភាគីខាងភោជនីយដ្ឋានខាងលើកោះសន្តិភាពពុំអាចទំនាក់ទំនងសុំការបំភ្លឺបានទេ៕
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
