ប្រជ្រុយមន្តស្នេហ៍ របស់តារាស្រីថៃល្បីៗ ដែលអ្នក មិនសូវបានចាប់អារម្មណ៍

ថៃ៖ ជឿថាមានសុភាពនារីជាច្រើន មានគ្រាប់ប្រជ្រុយតូចៗ នៅលើមុខតាំងពីកំណើត។ អ្នកខ្លះយល់ថា ការកើតប្រជ្រុយនៅលើមុខ ឬនៅលើរាងកាយ គួរឱ្យខ្មាសគេណាស់ ចង់តែទៅកាត់វាចោលកុំឱ្យទើសមុខ ព្រោះវាមើលទៅ ដូចជាមានអ្វីមកដុះនៅលើស្បែកយ៉ាងម៉េចក៏មិនដឹង។ ប៉ុន្តែបើសិនជាអ្នកគិតដូច្នេះមែន សូមធ្វើការសាកល្បងពិចារណាសាជាថ្មី  ពេលខ្លះអ្នកនឹងអាចប្តូរចិត្ត ចង់ថែរក្សាវាទុកក៏អាចថាបាន។ អញ្ចឹងទៅមើល Super Star ៨ដួង ដែលមានប្រជ្រុយស្នេហ៍ នៅលើផ្ទៃមុខទាំងអស់គ្នាមើល៍ ថាតើវាស្រស់ស្អាតប៉ុណ្ណា?

១. Noona Nuengtida៖ ទាំងអស់គ្នាប្រហែលជា ធ្លាប់បានស្គាល់នាងហើយតើមែនទេ? នាងគឺជាតារាចម្រៀង និងតារាសម្តែងដ៏ល្បីឈ្មោះ នៅប្រទេសថៃ នាងមានប្រជ្រុយនៅលើថ្ពាល់ឆ្វេង ដែលអាចនិយាយបានថា ប្រជ្រុយនៅត្រង់កន្លែងនេះមើលទៅគួរឱ្យស្រលាញ់ខ្លាំងណាស់។

២. Focus Jirakul៖ ប្រជ្រុយរបស់ក្រមុំវ័យក្មេងម្នាក់នេះ ស្ថិតនៅក្រោមច្រមុះចុងបបូរមាត់ ដែលបង្ហាញប្រាប់ពី លក្ខណៈទាក់ទាញ និងមើលទៅមានមន្តស្នេហ៍។

៣. Gypsy Keerati៖ ជាសុភាពនារី ដែលមានប្រជ្រុយនៅលើគែមបបូរមាត់ មើលទៅទាក់ចិត្ត ស្រស់ស្អាត ស៊ិចស៊ី បើបុរសណាបានឃើញហើយនោះ ទ្រាំមិនស្រលាញ់មិនបានទេ។

៤. Toey Jarinporn៖ នាងមានប្រជ្រុយ នៅលើថ្ពាល់ខាងស្តាំ គួរឱ្យស្រឡាញ់ គួរឱ្យខ្នាញ់ និងគួរឱ្យចង់ថ្នាក់ថ្នមជាទីបំផុត។

៥. Gam Wichayanee ឬ Gam The Star៖ ជានារីមានស្នេហ៍ ដោយសារតែមានប្រជ្រុយនៅក្រោមមាត់ បើនណារបានឃើញហើយ ច្បាស់ជាលង់ចិត្ត ដកមិនរួចជាក់ជាមិនខាន។

៦. Aum Patchrapa៖ មានប្រជ្រុយតូច នៅចំកណ្តាលថ្ពាល់ឆ្វេង សែនស្រស់ សែនស៊ិចស៊ី ទាក់អារម្មណ៍ ឃើញហើយចង់តែស្ទាបអង្អែល ប្រឡែងលេងថ្នមៗ។

៧. Aum Lakkana៖ នារីសាច់ខ្ចីម្នាក់នេះ មានប្រជ្រុយនៅចុងកន្ទុយភ្នែក ហេតុនេះហើយទោះបីជានាងស្លៀកពាក់បែបណា ឬកំពុងតែដើរទៅទីណានោះ វាធ្វើឱ្យនាងមើលទៅមានភាពទាក់ទាញ និងស្រស់សោភាថែមមួយកម្រិតទៀត។

៨. Noon Siraphun៖ នាងមានប្រជ្រុយនៅលើបបូរមាត់តែម្តង នេះជាមហាស្នេហ៍ដែលនរណាៗបានឃើញហើយ​​ ក៏លង់នឹងសម្រស់របស់នាងដែរ។

យ៉ាងម៉េចដែរក្រោយពីបានដឹងហើយ នៅគិតចង់កំចាត់ប្រជ្រុយចេញទៀតទេ? ប្រយ័ត្នស្តាយក្រោយណា! ព្រោះជួនកាលនៅថ្ងៃអនាគត អ្នកអាចក្លាយជាតារាល្បីដូចពួកគេក៏អាចថាបាន ដោយសារតែប្រជ្រុយមន្តស្នេហ៍ទាំងនេះ៕