ខេត្តបន្ទាយមានជ័យ ៖ នៅរសៀលថ្ងៃទី២៧ ខែឧសភា ឆ្នាំ២០១៦ មន្ត្រីកាំកុងត្រូលសហការណ៍ជាមួយនគរបាលប្រឆាំងបទល្មើសខេត្តនិងក្រសួង បានក្របួចចាប់បានរថយន្តកាមរីឆ្លាមមួយគ្រឿងកំពុងលើកដាក់សាច់មាន់ខូចគុណភាពបម្រុងដឹកចេញទៅចែកចាយតាមបណ្តាខេត្ត។ ហេតុការណ៍ចាប់រថយន្តដឹកសាច់មាន់ខូចគុណភាពនេះកើតឡើងនៅចំណុចផ្សារមង្គល ភូមិប៉ោយប៉ែត សង្កាត់ប៉ោយប៉ែត។ ម្ចាស់សាច់មាន់ និងម្ចាស់រថយន្តបានគេចខ្លួនបាត់ពេលដឹងថាសមត្ថកិច្ចចុះទៅកន្លែងកើតហេតុ។
សមត្ថកិច្ចចម្រុះអះអាងថា សាច់ក្នុងរថយន្តដែលចាប់បាននេះមានជាង២០០គីឡូក្រាម ហើយបន្តថាសាច់ទាំងនេះ និងដុតកម្ទេចចោលនៅរសៀលដដែល ចំណែករថយន្តដែលមានស្លាកលេខភ្នំពេញ២C-៩១៨៨ ចង្កូតឆ្វេងពណ៌ត្រីឆ្លូញនឹងបញ្ជូនទៅតុលាការដើម្បីចាត់ការតាមផ្លូវច្បាប់។ លោកអនុសេនីយ៍ឯក ហុក ចិត្រានគរបាលប្រឆាំងបទល្មើសក្រសួងប្រាប់កោះសន្តិភាពនៅកន្លែងកើតហេតុថា ដោយអនុវត្តន៍តាមការណែនាំចង្អុលបង្ហាញពីលោកវរសេនីយ៍ឯក មាស រ៉ាវុធ អនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួង និងជាប្រធានក្រុមប្រតិបត្តិការខេត្តបន្ទាយមានជ័យ ហើយសហការណ៍ជាមួយមន្ត្រីជំនាញកាំកុងត្រូលទើបចាប់បានបទល្មើសនេះបាន៕
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកដែរថា ទាក់ទងនិងករណីខាងលើនេះដែរ កម្លាំងសមត្ថកិច្ចចំរុះ ខេត្តបន្ទាយមានជ័យ រួមមាន កម្លាំងសាខាកាំកុងត្រូលខេត្ត កម្លាំងនគរបាលប្រឆាំងបទល្មើសសេដ្ឋកិច្ចខេត្ត ក្រសួងមហាផ្ទៃ និងកម្លាំងនគរបាលអន្តោប្រវេសន៍ច្រកទ្វារអន្តរជាតិ ក្រុងប៉ោយប៉ែត នៅថ្ងៃទី១៤ ខែឧសភា ឆ្នាំ២០១៦នេះ បានរួមគ្នាកម្ទេចចោលសាច់មាន់គុណភាព ជិនកន្លះតោន ។
លោក ហុង លៀង អនុប្រធានទី១ ទទួលបន្ទុក ស្ថិតិ ទីផ្សារ បានឲ្យដឹងថា «នៅព្រឹកថ្ងៃនេះ យើងសហការជាមួយកម្លាំងសមត្ថកិច្ចពាក់ព័ន្ធ បានកម្ទេចសាច់មាន់ខូចគុណភាព ទម្ងន់៤១០kgs នៅចំណុច Casino ផ្កាយប្រាំក្រុងប៉ោយប៉ែត ក្រោយពេលចាប់បាននៅចំណុច ក្រោមខ្លោងទ្វារប្រាសាទ កាលពីម្សិលមិញ»។
លោក ហុង លាង បានបញ្ជាក់ថា ក្រោមការបញ្ជាផ្ទាល់ពីលោក ស៊ាន សុីណាត ប្រធានសាខាកាំកុងត្រូលខេត្ត លើការទប់ស្កាត់នៃការនាំចូលទំនិញខូចគុណភាព ពីបរទេសនោះ មន្រ្តីជំនាញរបស់លោក បានធ្វើការស្រាវជ្រាវ និងបង្ក្រាបជាបន្តបន្ទាប់ ធ្វើយ៉ាងណាជួយថែរក្សាសុខភាព របស់ប្រជាពលរដ្ឋយើង ដែលបានទៅទិញសាច់ខូចគុណភាពទាំងនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
