ភ្នំពេញៈ តារាសម្តែង និងពិធីករ លោក ប៉ែន ចំរ៉ុង ក្រោយពីបានដាក់ ពាក្យប្តឹងលែងលះ អតីតភរិយា អ្នកនាង ភិន សុដាលីស រួច នៅពេលថ្មីៗនេះ លោកបានជួបបញ្ហាធំ ដោយឳពុករបស់លោក មានជំងឺត្រូវធ្វើការវះកាត់ ។
តាម Facebook របស់ លោក ប៉ែន ចំរ៉ុង បានសរសេរសារបង្ហាញអោយដឹងថា "ពេលមិនទាន់មកដល់បារម្ភខ្លាំង តែពេលមកដល់ឃើញ ពុកមិនអី ពេលវះកាត់ ហើយអាចដើរបាន ញ្ញាំបាន សើចញញឹមបាន ទោះបីហត់នឿយ ពិបាកចិត្តយា៉ងណា ក៏ពេលនេះកូនអាចសើច រំភើប រកអ្វីប្រៀប មោនទេ អគុណពេទ្យ និងវត្ថុសក័្តសិទ្ធិដែលបានជួយ អោយពុកខ្ញុំបានធូរស្បើយ"។
ដោយឡែកពាក់ព័ន្ធ ស្ថានភាពជំងឺនិង ការព្យាបាលនៅឯណានោះ Looking TODAY មិនអាចទាក់ទងទៅលោក ដើម្បីសាកសួរបានទេ ព្រោះទូរស័ព្ទលោកមិនអាចទាក់ទង៕
ប្រភព៖ ដើមអម្ពិល
កំណត់ហេតុខ្មែរឡូត៖
គួររំលឹកផងដែរថា ក្រោយរឿងលែងលះ មិនទាន់ចប់សព្វគ្រប់ ផងនោះ លោក ប៉ែន ចំរ៉ុង ក៏ជួបយីអ៊ុនស៊យ ដោយទីផ្សារ សម្តែងភាពយន្ត បានធ្លាក់ស្រឹបៗ មិនគួរឲ្យជឿ ដែលធ្វើឲ្យផលិតករ មួយចំនួន ស្រែកក្រវីក្បាល ព្រោះតែបង់ថវិកា ក្នុងការផលិតភាពយន្ត។
តាមរោងកុននានា ឲ្យតែខ្សែភាពយន្ត ដែលមានការចូលរួមសម្តែងពី ប៉ែន ចំរ៉ុង គឺគ្មានទស្សនិកជន ណាមួយ មើលឡើយ ដោយគេមិនដឹងថា មកពីមូលហេតុអ្វី ឬខឹងតារារូបនេះ ធ្វើមិនល្អទៅលើ ភិន សុដាលីស ឬយ៉ាងណានោះទេ ?
លោក អ៊ិន សុភិន ចាងហ្វាងផលិតកម្ម មហាហង្សបានប្រាប់ LookingTODAY នៅរសៀលថ្ងៃទី២៣ ខែឧសភា ឆ្នាំ២០១៦ ឲ្យដឹងថា «រឿងដែលខ្ញុំផលិត កន្លងមក មានតួ ប៉ែន ចំរ៉ុង ត្រូវបានលុបចោល ដោយរោងកុនផ្សេងៗ ប្រាប់ថា ឲ្យតែមានតួ ប៉ែន ចំរ៉ុង គឺមិនបាច់យកមកទេ គ្មាននរណា មើលឡើយ»។
លោកបានបន្ថែមថា« មិនមែនតែផលិតកម្មខ្ញុំ នោះទេ ផលិតកម្មផ្សេងៗ ទៀតក៏ខាតបង់ដែរ ឲ្យតែមានតួប៉ែន ចំរ៉ុង នោះដោយផលិតនានា ក្រវីក្បាលតែម្តង »។
បញ្ជាក់ផងដែរថា លោក អ៊ិន សុភិន កំពុងជោគជ័យ តាមរយៈរឿង អ្នកនាងម្ចាស់ឡឺកឺ ដោយចំណាយទុន មិនដល់ ៣ម៉ឺនដុល្លារផង តែទទួលបានមកវិញ ជិត ១០ ម៉ឺនដុល្លារអាម៉េរិក ខណៈដែលរឿងនេះ តួឯកមាន សុខ សោម៉ាវត្តី និង អូន ឧស្សាហ៍៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
