រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ជនសង្ស័យម្នាក់ក្នុងចំណោម២នាក់ ត្រូវបានម្ចាស់ផ្ទះស្រាវជ្រាវតាមរយៈ ប្រព័ន្ធ GPS ក្នុងទូរស័ព្ទដៃ ក៏ធ្វើការឃាត់ខ្លួនបានវាយយ៉ាងដំណំ និងចាប់ប្រគល់ឱ្យប៉ូលិស ដែលហេតុការណ៍នេះកើតឡើងកាលពីវេលាម៉ោង០៦ និង៣០នាទីព្រឹកថ្ងៃទី៣០ មេសា ២០១៦ ស្ថិតនៅក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ បន្ទាប់ពីធ្វើសកម្មភាពគាស់ដំបូលផ្ទះចូលទ្រព្យសម្បត្តិជាច្រើន ។
ប្រភពឱ្យដឹងថា ជនសង្ស័យឈ្មោះឃុំ ថាវ ហៅពៅ អាយុ២៨ឆ្នាំ មានទីលំនៅមិនពិតប្រាកដ ។ ចំណែកឯម្ចាស់ផ្ទះត្រូវគេស្គាល់ឈ្មោះឌី ឃ្លាំង មានទីលំនៅក្បែរកន្លែងខាងលើ ។
ប្រភពបន្តថា មុនពេលកើតហេតុ នៅវេលាម៉ោង០១ និង៥០នាទីឈានចូលព្រឹកថ្ងៃទី៣០ មេសា ២០១៦ ជនសង្ស័យ២នាក់ចូលធ្វើសកម្មភាព ដោយឡើងតាមរបងផ្ទះគេ ចូលទៅលួចនៅផ្ទះលេខ៤៣ (ផ្ទះកើតហេតុ) ដោយយកបានទូរស័ព្ទស៊េរីទំនើប៣គ្រឿង និងបន្តោងមានតម្លៃដាំត្បូងរូបសត្វ រួចនាំគ្នាគេចខ្លួនអស់ ។
បន្ទាប់មកក៏មានភ្ញាក់ផ្អើលដល់ម្ចាស់ផ្ទះ ធ្វើការស្រាវជ្រាវរកតាមរយៈប្រព័ន្ធ GPS ដាក់ក្នុងទូរស័ព្ទដែលបាត់នោះ ទើបចាប់ជនសង្ស័យបាននៅចំណុចខាងលើ ហើយត្រូវប្រជាពលរដ្ឋព្រួតវាយស្ទើរស្លាប់ស្ទើររស់តែម្តង ។
ប្រភព៖ កោះសន្តិភាព
កំណត់ហេតុខ្មែរឡូត
គួររំលឹកផងដែរថា កាលពីវេលាម៉ោង ១១៖០០នាទីព្រឹក ថ្ងៃទី១០ ខែមេសា ឆ្នាំ២០១៦ ស្ថិតនៅក្នុងផ្ទះ សំណាក់បឹងកំសាន្ត ផ្លូវបេតុង ក្រុមទី១៤ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ ជនសង្ស័យ ០២នាក់ប្តីប្រពន្ធ ត្រូវបានកម្លាំង សមត្ថកិច្ចនគរបាល ប៉ុស្តិ៍ឫស្សីកែវ ធ្វើការឃាត់ខ្លួន បន្ទាប់ពីបាន ចូលទៅក្នុងផ្ទះសំណាក់ បែកគំនិតលួចយកទូរទស្សន៍។
លោក តូច គឹមសុង នាយប៉ុស្តិ៍នគរបាលឫស្សីកែវ បានឲ្យដឹងថា ជនសង្ស័យទាំង ទី១ មានឈ្មោះ តាំង ប៊ុនតេង ភេទ ប្រុស អាយុ ៤១ឆ្នាំ មុខរបរ រត់ម៉ូតូឌុប និងទី២ ឈ្មោះ សរ លាភ ភេទ ស្រី អាយុ ៣៨ឆ្នាំ ត្រូវជាប្រពន្ធ មុខរបរ កម្មការនីរោងចក្រ ស្នាក់នៅផ្ទះជួល សង្កាត់កាកាប ខណ្ឌពោធិ៍សែនជ័យ ។
ចំណែកឯ ជនរងគ្រោះមានឈ្មោះ ជុំ ម៉ារ៉ា ភេទ ស្រី អាយុ ២៥ឆ្នាំ មានទីលំនៅផ្ទះសំណាក់ បឹងកំសាន្ត ផ្លូវបេតុង ក្រុមទី១៤ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ ។
លោក តូច គឹមសុង បានបន្តទៀតថា ក្រោយពីការឃាត់ខ្លួន សមត្ថកិច្ចបានធ្វើការ ប្រគល់សំភារៈដែលជនសង្ស័យទាំង ២នាក់ប្តីប្រពន្ធបានលួច នៅក្នុងផ្ទះសំណាក់នោះ អោយទៅ ម្ចាស់ផ្ទះវិញ ហើយបច្ចុប្បន្នជនសង្ស័យទាំង ០២នាក់ ត្រូវបានកម្លាំងសមត្ថកិច្ចប៉ុស្តិ៍ នគរបាលឫស្សីកែវ បញ្ជូនខ្លួនមកឃុំ ជាបណ្តោះអាសន្ន នៅអធិការដ្ឋាននគរបាល ខណ្ឌឫស្សីកែវ ដើម្បីបញ្ជូនទៅកាន់តុលាការ ចាត់ការបន្តតាមនិតិវិធី ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
