រាជធានីភ្នំពេញ ៖ រថយន្ដតាក់ស៊ីម៉ែត្របានបើកបុក ម៉ូតូស្មាស់នៅផ្លូវលេខ១៦៣ មុខភោជនីយដ្ឋានណាំទ្រា សង្កាត់ផ្សារ ដើមថ្កូវ ខណ្ឌចំការមន កាលពីវេលាម៉ោង១និង៣០នាទីរំលងអធ្រាត្រ ថ្ងៃទី២៣ កុម្ភៈ ២០១២ ហើយព្យាយាមបើករត់គេច រហូតដល់រង្វង់មូល វិមានឯករាជ្យខាងកើតត្រូវម៉ូតូតាមទៅគោះទ្វារហៅឱ្យឈប់រថយន្ដមិន ព្រមឈប់ទើបធ្វើឱ្យមានការប្រទូស្តរាយគ្នាទៅវិញទៅមក។
ប្រភពព័ត៌មានឱ្យដឹងថា ជនរងគ្រោះជិះម៉ូតូ ស្មាស់ស៊េរី២០១២ ពណ៌សលាយខ្មៅ ជិះគ្នា២នាក់ បើកបរដោយឈ្មោះសឿង ចាន់សុទ្ធ ភេទប្រុស អាយុ១៩ឆ្នាំ និងអ្នកជិះពីក្រោយជាមិត្ដភក្ដិឈ្មោះសុខ រាជ អាយុ១៨ឆ្នាំ ជា សិស្សវិទ្យាល័យប៊ុនរ៉ានី ហ៊ុន សែន ផ្សារដើមថ្កូវ ស្នាក់នៅផ្ទះ លេខ៦A សង្កាត់បឹងទំពុន ខណ្ឌមានជ័យ ។ ប្រភពពីជនរងគ្រោះឱ្យដឹងថា រថយន្ដតាក់ស៊ីម៉ែត្រពាក់លេខរៀង៥០ មានដឹកភ្ញៀវស្រីម្នាក់នៅក្នុងរថយន្ដបានបើកបុកកន្ទុយម៉ូតូរបស់ គេធ្វើឱ្យបែកស្ដុប ហើយមិនព្រមឈប់មើលទេ បែរជាព្យាយាមបើក រត់គេច រហូតដល់រង្វង់មូលវិមានឯករាជ្យខាងកើត រួចហៅក្រុមតាក់ស៊ី ម៉ែត្រនោះមកព័ទ្ធដេញបុកម៉ូតូរបស់គេ បណ្តាលឱ្យដួល ហើយមានស្ដ្រីម្នាក់បើករថយន្ដឡិចស៊ីស៤៧០ មកដល់ឈប់វាយពួកគេទៀត។ ប៉ុន្តែត្រូវបានប្រជាពលរដ្ឋជួយអន្តរាគមន៍ទាន់ពេល ។
ទោះបីជាយ៉ាងណា អ្នកឃើញហេតុការណ៍បានឱ្យដឹងថា ក្រុមតាក់ស៊ីម៉ែត្រធ្វើទង្វើមិនសមរម្យទៅលើយុវជនទាំងពីរនេះ មើលទៅទើសភ្នែកទើបពួកគាត់ជួយអន្ដរាគមន៍។ ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ប៉ុន្ដែសភាពច្របូកច្របល់ពេក ក៏នាំយករថយន្ដតាក់ស៊ីម៉ែត្រ និងម៉ូតូជនរងគ្រោះយកទៅរក្សា ទុកនៅអធិការដ្ឋានខណ្ឌចំការមន ដើម្បីធ្វើការដោះស្រាយបន្ដទៀត៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]