ខេត្តកណ្ដាល ៖ ក្មេងប្រុសស្រីបីនាក់ ជាបងប្អូន និងបងប្អូនជីដូនមួយគ្នា បានលង់ទឹកទន្លេស្លាប់ទាំងបីនាក់ កាលពីម៉ោង១ និង១៥នាទីរសៀល ថ្ងៃទី១៧ ខែមេសានៅចំណុចច្រាំងស្រុត ស្ថិតក្នុងភូមិព្រែកតាទន់ ឃុំព្រះប្រសប់ ស្រុកខ្សាច់កណ្ដាល ពេលដែលទៅលេងផ្ទះ ជីតា ថ្ងៃបុណ្យចូលឆ្នាំ ហើយនាំគ្នាទៅលេងទឹកទន្លេ។ មន្ត្រីនគរបាល ស្រុកខ្សាច់កណ្ដាលបាន ឱ្យដឹងថាជនរងគ្រោះ មានបីនាក់ ទី១.ឈ្មោះ ភាព ឈាវលី ភេទប្រុស អាយុ12ឆ្នាំ រស់នៅភូមិស្វាយអាត់ ឃុំព្រែកតាមាក់ ស្រុកច់កណ្ដាល ទី២. ឈ្មោះ ភាព ឈូឡុង ភេទប្រុស អាយុ 8ឆ្នាំ រស់នៅភូមិឃុំ ជាមួយគ្នា ទី៣.ឈ្មោះ យី ដារិទ្ធ ភេទប្រុស អាយុ9ឆ្នាំ រស់នៅភូមិឃុំកើតហេតុ ខាងលើ។
មន្ត្រីនគរបាលបានឲ្យដឹងទៀតថាមុនពេលកើតហេតុ ឱពុកម្ដាយ ក្មេងរងគ្រោះបាននាំទៅលេងផ្ទះជីតា ក្នុងថ្ងៃបុណ្យចូលឆ្នាំ នៅភូមិឃុំកើតហេតុខាងលើ ។ នៅវេលាកើតហេតុខាងលើនោះ ជនរងគ្រោះទាំងបីនាក់ជាបងប្អូន និងបងប្អូនជីដូនមួយ បាននាំគ្នាទៅ លេងទឹកទន្លខាងក្រោយផ្ទះ ក៏បាន រអិលជើងចូលទៅក្នុងទឹកជ្រៅ តោងគ្នាលិចបាត់លង់ស្លាប់ទាំងបីនាក់។ ពេលនោះមានក្មេងដែល ទៅជាមួយបានឃើញ រត់មកប្រាប់ចាស់ៗនៅផ្ទះក៏ផ្អើលឆោឡោនាំគ្នា ទៅមុជទឹករាវរកតែរកមិន ឃើញភ្លាមៗទេ ។ ក្រោយមក ទើបគេង់សំណាញ់រកឃើញ ជាប់ក្នុងសំណាញ់ ស្លាប់អោបគ្នាទាំងបីនាក់ ។ក្រោយពី អាជ្ញាធរ និងសមត្ថកិច្ច ពិនិត្យសពសន្និដ្ឋានថា ជនរងគ្រោះពិតជាស្លាប់ដោយសារលង់ទឹកពិតប្រាកដមែន ហើយបានប្រគល់សាកសព ឱ្យក្រុមគ្រួសារយកធ្វើបុណ្យតាមប្រពៃណី៕
ប្រភព៖ កោះសន្ដិភាព
ការចាប់អារម្មណ៍ខ្មែរឡូត៖
យ៉ាងណាមិញ ករណីស្រដៀងនេះក៏ធ្លាប់កើតមានឡើង ដែលកើតហេតុកាលពីថ្ងៃទី ១៧ ខែកុម្ភៈ ដែលក្មេងស្រីអាយុ១២ឆ្នាំ មកដើរលេង ជាមួយអ្នកភូមិ លង់ទឹកជ្រោះ ស្លាប់នៅរមណីយដ្ឋាន ថ្មររូងស្រុកកំពង់សីលា ខេត្ដព្រះសីហនុ។
នេះបើតាមប្រភពព័ត៌មានបានឲ្យដឹងថាក្មេងស្រីអាយុ១២ឆ្នាំម្នាក់បាន លង់ទឹកជ្រោះនៅរមណីយដ្ឋាន ថ្មរូងខណ:ពេលដោយសារជាមួយ អ្នកភូមិដោយមិនមានឪពុកម្តាយមកតាម ។ លោកវរសេនីយ៍ត្រី ហួត ចាន់ធី អធិការនគរបាលស្រុក កំពង់សីលាបានថ្លែងថា ហេតុការណ៍នេះកើតឡើងនៅភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ កាលពីវេលាម៉ោង១៣ៈ០០នាទីរសៀលថ្ងៃទី១៦ ខែកុម្ភ: ឆ្នាំ២០១៦ ។ ប្រភពដដែលបានឲ្យដឹងថា ក្មេងស្រីរងគ្រោះមានឈ្មោះ ឡុច ដាវីន អាយុ១២ឆ្នាំ រស់នៅ ក្នុងភូមិទួលកាបៅ ឃុំគគរី ស្រុកកៀនស្វាយ ខេត្តកណ្តាល ។
សាក្សីនៅកន្លែងកើតហេតុ បានអោយដឹងថា នៅវេលាម៉ោងខាងលើ មានឡានទេសចរណ៍ប្រភេទ សាំយ៉ុង ១គ្រឿង មានគ្នាជាច្រើននាក់ មកកំសាន្ត នៅទឹកជ្រោះ ថ្មររូងនេះ ក្រោយមកក្មេងៗក៏នាំគ្នាចុះមុជទឹកលែងប្រលែងគ្នា បន្តិចក្រោយមកក៏មានក្មេងម្នាក់ រត់មកប្រាប់ចាស់ៗថា ក្មេងស្រីខាងលើលង់ទឹក ភ្លាមនោះក៏នាំគ្នា ទៅជួយស្រង់ដើម្បីសង្គ្រោះ ប៉ុន្តែក្មេងស្រីរូបនេះ បានដាច់ខ្យល់ស្លាប់បាត់ទៅហើយ ។ ដោយមិនអស់ចិត្តក៏នាំមកសង្គ្រោះ នៅមន្ទីរពេទ្យប៉ុន្តែនៅមិនអាចជួយសង្គ្រោះ បានដដែល ។ គ្រូពេទ្យនៅមណ្ឌលសុខភាពតក្កវិត ស្រុកកំពង់សីលា ខេត្តព្រះសីហនុបានបញ្ជាក់ថា ក្រុមគ្រូពេទ្យមិនអាចសង្គ្រោះ ជីវិតកុមារីរូបនោះបានទេ ដោយសារតែ នាងបានដាច់ខ្យល់ស្លាប់បាត់បង់ជីវិត មុនពេលបញ្ជូនមកដល់មណ្ឌលសុខភាពទៅហើយ ។
ជាមួយគ្នានេះ អាជ្ញាធរស្រុកកំពង់សីលា ខេត្តព្រះសីហនុ សូមធ្វើការអំពាវនាវដល់បងប្អូន ជាភ្ញៀវទេសចរជាតិ និងអន្តរជាតិដែលមានបំណង ចូលមកកំសាន្តនៅ រមណីយ៍ដ្ឋាន ថ្មរូង សូមមេត្តាកុំធ្វេសប្រហែស បណ្តោយកូនចៅតូចៗឲ្យលេងទឹកដោយម្នាក់ឯង ជៀសវាងមានគ្រោះថ្នាក់ដោយយថាហេតុ ណាមួយនិងកើតឡើង៕
មិនថាពេលថ្មីៗនេះ ឬ ពីមុនមកឡើយ ករណីលង់ទឹកស្លាប់ តែងតែកើតមានជារឿយៗ ហើយអ្វីដែលកាន់តែអាណោច អាធ័មនោះ គឺទោះបីជា អ្នកលង់ទឹក ត្រូវបានស្រង់ឡើងមកយ៉ាងណាក្តី ក៏មនុស្សភាគច្រើន មិនសូវជាមានការយល់ដឹង អំពី វិធីសាស្ត្រ នៃការជួយសង្គ្រោះបន្ទាន់ ឬ គេហៅថា CPR នោះដែរ។
ជាមួយគ្នានេះ ខ្មែរឡូត បានដកស្រង់វីដេអូឃ្លីប យកមកចែករំលែក នូវចំណេះដឹង ឲ្យប្រិយមិត្ត បានស្វែងយល់ អំពីដំណាក់កាល ក៏ដូចជា របៀបនៃការជួយសង្គ្រោះជីវិត អ្នកលង់ទឹក។ក្រៅពីនេះដែរ ក៏មានវីដេអូឃ្លីបទី២ ជាករណីជាក់ស្តែង ដែលបុរសម្នាក់ បានស្លាប់រយ:ពេល ៣នាទីទៅហើយ ប៉ុន្តែត្រូវបាន ជួយស្រោចស្រង់អាយុជីវិតមកវិញបាន ដោយសារតែ ការប្រើវិធីសាស្ត្រសង្គ្រោះដែលត្រឹមត្រូវ និងមានប្រសិទ្ធភាព។
សូមចុចនៅទីនេះដើម្បីទស្សនាវីដេអូទាំងពីរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
