ខេត្តកំពង់ធំ ៖ សាកសពយុវជនម្នាក់ បានត្រូវអ្នកភូមិប្រទះឃើញដេកស្លាប់ផ្កាប់មុខនៅវាលស្រែ បង្កឲ្យមានការភ្ញាក់ផ្អើលនៅព្រឹកថ្ងៃទី២២ មករា ២០១៦ ស្ថិតនៅក្នុងភូមិយាយទៀង ឃុំបល្ល័ង្គ ស្រុកបារាយណ៍ ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់របាយការណ៍របស់សមត្ថកិច្ចបញ្ជាក់ឲ្យដឹងថា យុវជនដែលស្លាប់មានស្នាមវាយក្បាលនោះ ឈ្មោះ ស៊ុយ រី អាយុ១៦ឆ្នាំ រស់នៅក្នុងភូមិ-ឃុំខាងលើ ។
តាមការសន្និដ្ឋានជំហានរបស់សមត្ថកិច្ចជាករណីឃាតកម្មក្នុងអំពើណាមួយ ព្រោះជនរងគ្រោះមានស្នាមបែកក្បាលនិងឃើញដុំថ្មធំមួយប្រឡាក់ឈាមនៅក្បែរនោះ ។ នៅពេលនេះ សមត្ថកិច្ចកំពុងស្រាវជ្រាវបើកការស៊ើបអង្កេតដើម្បីចាប់ជនដៃដល់យកមកផ្តន្ទាទោសតាមច្បាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]