ខេត្តពោធិ៍សាត់ ៖ រថយន្តស៊េរីទំនើបមួយគ្រឿងដែលលួចដឹកឈើប្រណីតខុសច្បាប់ ត្រូវសមត្ថកិច្ចស្ទាក់ចាប់បានកាលពីថ្ងៃទី៥ សីហា វេលាម៉ោង១១យប់ត្រង់ចំណុចភូមិត្រពាំងរំដេញ ឃុំក្បាលត្រាច ស្រុកក្រគរ ។ លោកវរសេនីយ៍ត្រី ខូយ កុសល នាយការិយាល័យនគរបាលប្រឆាំងបទល្មើសសេដ្ឋកិច្ចខេត្តឱ្យដឹងថា រថយន្តដឹកឈើប្រណីតខុសច្បាប់នេះម៉ាកតូយ៉ូតា TUNDRA ពណ៌ខ្មៅ គ្មានស្លាកលេខ ។
នៅយប់នោះបន្ទាប់ពីទទួលបានព័ត៌មានពីភ្នាក់ ងារភ្លាម កម្លាំងនគរបាលប្រឆាំងបទ ល្មើសសេដ្ឋកិច្ចក្រសួងមហាផ្ទៃ សហការជាមួយកម្លាំងនគរបាលប្រឆាំងបទល្មើសសេដ្ឋកិច្ចខេត្តពោធិ៍ សាត់ បានស្ទាក់ចាប់រថយន្តស៊េរីទំនើបខាងលើនេះនៅចំណុចភូមិត្រពាំង រំដេញ ឃុំក្បាលត្រាច ស្រុកក្រគរ ខណៈកំពុងធ្វើដំណើរលើកំណាត់ផ្លូវជាតិលេខ៥ ក្នុងទិសដៅពីលិចទៅកើត ។ នៅពេលសមត្ថកិច្ចស្ទាក់ភ្លាមអ្នកបើកបរមិនស្គាល់អត្តសញ្ញាណ បានឈប់រថយន្តហើយរត់គេចខ្លួនបាត់នៅសល់អ្នករួមដំណើរម្នាក់ក៏ ត្រូវបានចាប់វាយខ្នោះយកទាំងរថយន្ត និងមនុស្សមកកាន់ស្នងការដ្ឋាននគរបាលខេត្តពោធិ៍សាត់ ។
អ្នករួមដំណើរដែលឃាត់ខ្លួននោះបានប្រាប់ថា ខ្លួនឈ្មោះយុន ស៊ីម ភេទប្រុស អាយុ៣៥ឆ្នាំ មានទីលំនៅឃុំរកាកោង ស្រុកមុខកំពូល ខេត្តកណ្តាល ។ ខ្លួនទើបតែស្គាល់អ្នកបើកបររថយន្ត៣ថ្ងៃប៉ុណ្ណោះ តែមិនស្គាល់ឈ្មោះទេ ។ នៅថ្ងៃទី៥ សីហា ជននោះបានបបួលខ្លួនឱ្យជិះរថយន្តមកជាមួយចាំគេឱ្យលុយ១០ទៅ២០ ម៉ឺនរៀល ចាយ ។ ដោយសារខ្លួនទំនេរ ក៏យល់ព្រមជិះរថយន្តមកជាមួយពីស្រុកអន្លង់វែង ខេត្តឧត្តរមានជ័យ លុះមកដល់ខេត្តពោធិ៍សាត់ ក៏ត្រូវសមត្ថកិច្ចចាប់ឃាត់តែម្តង ។
នៅព្រឹកថ្ងៃទី៦ សីហា សមត្ថកិច្ចបានទម្លាក់ឈើរាប់ចំនួនសរុបមានចំនួន៤៣កំណាត់ស្មើ នឹង១,៧៤៤ម៉ែត្រគូប ជាប្រភេទឈើគ្រញូង ហើយបានធ្វើពិធីប្រគល់ទៅឱ្យខាងខណ្ឌរដ្ឋបាលព្រៃឈើក្នុងឱ កាសនោះដើម្បីទុកជាសម្បត្តិរដ្ឋ ។ ចំណែកអ្នករួមដំណើរដែលឃាត់ខ្លួនត្រូវបានកសាងសំណុំរឿងបញ្ជូនទៅ សាលាដំបូងខេត្តដើម្បីចាត់ការទៅតាមផ្លូវច្បាប់ ។ សូមបញ្ជាក់ថា រថយន្តស៊េរីទំនើបម៉ាកតូយ៉ូតា TUNDRA នោះមិនមែនទើបតែដឹកម្តង ឬពីរដងនោះទេ គឺរាប់មិនអស់ទៅហើយ ព្រោះខាងក្នុងគេបានកែច្នៃសម្រាប់ដឹកឈើតែម្តង ។
សព្វថ្ងៃនេះគេមិនសូវប្រើរថយន្តកាមរីតូចៗ ដឹកឈើប្រណីតដូចមុនទេ គឺគេប្រើរថយន្តស៊េរីទំនើបមានតម្លៃថ្លៃដើម្បីបន្លំភ្នែកសមត្ថ កិច្ច ហើយគេមិនសូវចាប់អារម្មណ៍ផង ជាក់ស្តែងរថយន្ត TUNDRA នេះបើគ្មានភ្នាក់ងាររាយការណ៍ច្បាស់ទេ ក៏ចាប់មិនបានដែរ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
