សៀមរាប ២៥ វិច្ឆិកា ២០១៥៖ Borei Angkor Resort & Spa បានរៀបចំកម្មវិធី Gala Dinner នៅរាត្រីទី ២ ដើម្បីអបអរ ព្រះរាជពិធីបុណ្យអុំទូក អកអំបុក សំពះព្រះខែ លយប្រទីប និងត្រូវបានចាត់ទុក និងឲ្យឈ្មោះថា ជារាត្រីវប្បធម៌ដំបូង គេបង្អស់។
ក្រោមពន្លឺព្រះចន្ទពេញវង់នៅបរិវេណអាងហែលទឹកនៃ Borei Angkor Resort & Spa គេឃើញតែ ស្នាមញញឹម និងភាពសប្បាយរីករាយ របស់ភ្ញៀវជាតិ និងអន្តរជាតិជាច្រើន ដែលបាន ចូលរួមកម្មវិធីទទួលទាន អាហាពេលល្ងាចដើម្បីអបអរ ព្រះរាជពិធីបុណ្យអុំទូក ដែលជា ពិធីបុណ្យប្រពៃណីជាតិ ដ៏ចំណាស់មួយរបស់ខ្មែរ។ ប៉ុន្តែអ្វីដែលជាភាពអស្ចារ្យ និងជាមោទនភាព អាចនិយាយ បានថានេះជាលើកទីមួយដែល មិនធ្លាប់មាន សណ្ឋាគារណា ធ្វើពីមុននោះ គឺកម្មវិធីបង្ហាញ និងអធិប្បាយអំពីប្រពៃណី ទំនៀមទម្លាប់ និងការប្រតិបត្តិ នាសម័យបុរាណ សម្រាប់ព្រះរាជពិធីបុណ្យអុំទូក ដែលដកស្រង់ចេញពី ក្បួនតម្រា រួមមានដូចជា ប្រវត្តិព្រះរាជពិធីបុណ្យអំុទូក ការសម្តែង ដាល់អំបុក ពិធីសម្រក់ទាន ពិធីអកអំបុក សំពះព្រះខែ បណ្តែតគោម ជាដើម។
គោលបំណងធំរបស់កម្មវិធីនេះប្រារព្ធឡើង គឺដើម្បីផ្តល់ឱកាសដល់ភ្ញៀវគ្រប់រូបបាន យល់ដឹង និងទទួលយកបទពិសោធន៍ ប្រពៃណី និងវប្បធម៌ដ៏ល្អឥតខ្ចោះរបស់ ខ្មែរសម្រាប់ ព្រះរាជពិធីបុណ្យអុំទូក តាមរយៈការទស្សនា និងការចូលរួម ជាមួយក្រុមសម្តែងផងដែរ។
ក្រៅពីកម្មវិធីទំាងនេះ ក៏មានកម្មវិធីកម្សាន្តសប្បាយៗជាច្រើនដើម្បីកំដរភ្ញៀវចូលរួមរហូត ដល់ម៉ោង ៩:៣០ យប់ទៀងផង។
ជាមួយនឹងការរៀបចំនេះដែរ បុរីអង្គររីស្សត&ស្ប៉ា នៅតែបន្តយ៉ាងខ្ជាប់ខ្ជួននូវ សកម្មភាពសង្គម និងកម្មវិធីសប្បុរសធម៌ តាមរយៈការ បរិច្ចាគថវិកា ១ដុល្លារចំពោះ គ្រប់សំបុត្រ រាល់គ្រប់សំបុត្រ ចូលរួមរបស់ភ្ញៀវ រាត្រីនោះជូនដល់មន្ទីរពេទ្យគន្ធបុប្ផា។
អំពី Borei Angkor Resort & Spa
Borei Angkor Resort & Spa គឺជាសណ្ឋាគារដ៏ល្អប្រណិតមួយរបស់ក្រុមហ៊ុន INNOTALITY ដែលជាក្រុមហ៊ុនធំមួយមាន សណ្ឋាគារពីរផ្សេងទៀតគឺ The Privilege Floor និង Lotus Blanc Resort គ្រប់គ្រងដោយ ជនជាតិខ្មែរសុទ្ធសាធ។ សណ្ឋាគារ បុរីអង្គរ រីសត និង ស្បា៉ គឺជាសណ្ឋាគារ លំដាប់ផ្កាយ៥ ដែលមានលក្ខណៈល្អប្រណិត សាងសង់ឡើងយ៉ាង ផ្ចិតផ្ចង់តាមរចនាបថខ្មែរ និងមានសេវាកម្មច្រើន យ៉ាងដើម្បីផ្តល់នូវ សេវាកម្មបដិសណ្ឋារកិច្ច បែបខ្មែរ ក៏ដូចជាផ្តល់នូវ បទពិសោធនានាដល់ អតិថិជនគ្រប់ជាតិសាសន៍ ក្នុងការស្វែងយល់ពីវប្បធម៍ និងអរិយធម៍ដ៏ល្អរបស់ខែ្មរយើង។
សម្រាប់ព័ត៌មានបន្ថែមអំពី សណ្ឋាគារ The Privilege Floor, Lotus Blanc, Borei Angkor Resort & Spa និង Innotality Group សូមចូលទៅកាន់ www.innotality.com។
បញ្ចូលអត្ថបទដោយ ម៉ា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
