សាហាវណាស់! បុរសម្នាក់ ទាត់ធាក់មិត្តស្រី ដូចសត្វធាតុ តាមផ្លូវសាធារណៈ តែបែរអ្នកដំណើរក្បែរនោះ ធ្វើព្រងើយមិនជួយទៅវិញ (មានវីដេអូ)

ចិន៖ បុរសម្នាក់ ទាត់ធាក់មិត្តស្រីខ្លួន ដូចសត្វធាតុ គ្មានប្រណី តាមដងផ្លូវសាធារណៈ ខណៈដែលអ្នកដំណើរ ក្បែរៗនោះ ធ្វើព្រងើយ មិនព្រមជួយទាល់តែសោះ។

ទិដ្ឋភាព ពេលដែលបុរសនោះ កំពុងតែទាត់ធាក់ មិត្តស្រីខ្លួន

តាមប្រភពព័ត៌មានបានឲ្យដឹងថា អំពើហឹង្សានេះដែរគឺ កើតឡើងនៅផ្សាររាត្រី មួយកន្លែង ក្នុងប្រទេសចិន ដែលបុរសម្នាក់ ជាមិត្តប្រុសនោះ បានវាយទាត់ធាក់ ទះតប់ និងច្របាច់ក មិត្តស្រីខ្លួនដោយចំហ តាមផ្លូវ សាធារណៈ​ និងបានបោះពាក្យសម្តីមិនល្អដាក់នាងថែមទៀតផង។

ប៉ុន្តែអ្វីដែលរឹតតែហួសចិត្តទៀតនោះគឺ នៅក្នុងឃ្លីបវីដេអូនោះ ក៏បានបង្ហាញពី អ្នកនៅក្បែរនោះ មើលទៅហាក់ ព្រងើយកន្តើយ ចំពោះអំពើហឹង្សាដ៏អាក្រក់នោះ ដូចជាគិតថា​មិនមានអ្វីធំដុំអញ្ចឹង ដោយអ្នកលក់គឺ លក់ធម្មតា ឯអ្នកញ៉ាំអី ក៏បន្តការញ៉ាំទៅ គឺមិនបានចាប់អារម្មណ៏ និងខ្វល់ពីស្រី្តរងគ្រោះនោះទាល់តែសោះ។

តែរឿងនេះដែរ គឺបានធ្វើឲ្យអ្នកនិយមលេងអ៊ិនធើណេតជាច្រើន មានការភ្ញាក់ផ្អើល និងតក់ស្លុតជាខ្លាំងផងដែរ៕

តោះ! ចង់ដឹងឲ្យកាន់តែច្បាស់ ថាសាហាវយ៉ាងណា សូមទស្សនាឃ្លីបវីដេអូខាងក្រោម៖

ប្រភព៖ បរទេស

ដោយ ឌី

ខ្មែរឡូត