រាជធានីភ្នំពេញ ៖ បើតាមប្រភពពីព្រះចៅអធិការវត្តទឹកថ្លាបានមានសង្ឃដិកា នាវេលាម៉ោង០២ និង៥០នាទីនាទីរសៀលថ្ងៃទី១១ វិច្ឆិកា ២០១៥ នេះថា សាកសពស្ត្រីឈ្មោះសាន់ អេនណា ដែលជិះរថយន្តបុកតូប អ្នកលក់ហ្គាស បណ្តាលឱ្យផ្ទុះ ឆេះរថយន្តខ្ទេច និងស្លាប់ខ្លួនទៀតដែលកំពុងតម្កល់ ទុកនៅឈាបនដ្ឋាន វត្តទឹកថ្លានោះ គឺសម្រេចនឹងបូជានៅថ្ងៃទី១២ វិច្ឆិកា ស្អែកនេះហើយ បើទោះបីជាម្តាយរបស់ ស្ត្រីរងគ្រោះមិនមកក៏ដោយ ។
ប្រភពបន្តថា ការសម្រេចបូជាសពស្ត្រីខាងលើនេះ គឺមិនអាចទុកបានទៀតទេ ព្រោះបានជះ ក្លិនស្អុយអាសោចគ្រប់ទិសទី ដែលបង្កឱ្យមានការប៉ះ ពាល់ដល់ការរស់នៅ របស់ប្រជាពលរដ្ឋនៅក្បែរៗនោះ ។
បើតាមការអះអាងរបស់អ្នកភ្លុកថា ម្តាយរបស់សពស្ត្រីរងគ្រោះនឹងមកដល់នៅវេលាម៉ោង០៥ ទៅ០៦ល្ងាចថ្ងៃទី១១ វិច្ឆិកា នេះទៀត ។
ប្រភពបានឱ្យដឹងទៀតថា កាលពីវេលាម៉ោង១២ថ្ងៃត្រង់ថ្ងៃដដែលនេះ មានអាជីវករផ្សារអូរប្ញស្សី បានយកបច្ច័យដែលរៃអង្គាស ក្នុងផ្សារចំនួន ៥០ដុល្លារប្រគេនជូនព្រះសង្ឃ, ៣ម៉ឺនរៀល សម្រាប់បង្សុកូល និង៥ម៉ឺនរៀល ជូនអ្នកភ្លុក ។
គួររំលឹកថា មហន្តរាយកណ្តាលរាត្រី សពស្ត្រីឆេះស្លាប់ នៅតែមិនឃើញសាច់ញាតិមកវត្ត ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
