ភ្នំពេញ៖ បន្ទាប់ពីឆ្លងផុតក្នុង វគ្គចម្រុះផ្តាច់ព្រ័ត្រ កាលពីថ្ងៃទី០៤ ខែតុលា ឆ្នាំ២០១៥ កន្លងទៅនេះ ។ពេលនេះ បេក្ខនារីទាំង ២៦ កំពុងតែព្យាយាម ហ្វឹតហាត់ បង្កើន សមត្ថភាពសិល្បៈ មានទាំងហ្វឹត ហាត់រៀនពីការដើរម៉ូត ទាំងបែបសម័យ និងប្រពៃណីខ្មែរ ដើម្បីត្រៀមខ្លួន ប្រកួតប្រជែងដើម្បីឈាន ទៅកាន់ជាជ័យលាភី កញ្ញា ឯកទេសចរណ៍ ឆ្នាំ២០១៥ ដែលនឹងប្រព្រឹត្តទៅ នៅថ្ងៃទី ០១ ខែវិច្ឆិកា នេះ។
ក្នុងការ ហ្វឹតហាត់នេះបានប្រព្រឹត្តធ្វើឡើងនា ថ្ងៃទី ១៧ និង ១៨ ខែតុលា នេះ នៅភោជនីយដ្ឋាន ទន្លេបាសាក់ពីរ ដោយមានបង្ហាត់ បង្ហាញពី បច្ចេកទេសដើរបង្ហាញម៉ូត បែបសម័យទំនើប និង របៀបដើរបង្ហាញ ម៉ូតធ្វើឲ្យទាក់ទាញទស្សនិកជនពី រៀមច្បង ជាកញ្ញាឯកជ័យលាភីទេសចរណ៍ ឆ្នាំ ២០១២ ។
ព្រមជាមួយ ក៏មានការបង្ហាត់បង្ហាញពី របៀបដើរម៉ូត បែបនារីខ្មែរ និង របៀបសំពះតាម ទំនៀមទម្លាប់ខ្មែរ ពី អ្នកគ្រូបង្រៀនជំនាញផ្នែកសិល្បៈ ដែលមានបទពិសោធន៍ និង ជំនាញផ្នែកទាក់ទងនឹងសិល្បៈបែបខ្មែរ យ៉ាងស្ទាត់ជំនាញ ឲ្យបេក្ខនារីទាំងអស់ បានយល់កាន់តែច្បាស់ពី សិល្បៈនៃការ ដើរបង្ហាញម៉ូតផងដែរ ។
កម្មវិធីប្រកួតនេះ ត្រូវបានចូលរួម គាំទ្រដោយក្រសួងវប្បធម៌ និងវិចិត្រសិល្បៈ។ហើយ ជ័យលាភីឯក នឹងទទួល បាន ការចំណាយផ្សេងៗ មានតំលៃជាទឹក ប្រាក់សរុប 15,000 ដុល្លា និង ក្លាយជាបេក្ខនារី តំណាងឲ្យ ប្រទេស កម្ពុជា ចូលរួមប្រកួតកញ្ញា ឯកទេសចរណ៍អន្តរជាតិ លើកទី 19 ក្នុងវគ្គផ្តាច់ព្រ័ត្រ នៅថ្ងៃទី 28 វិច្ឆិកា 2015 នៅ ប្រទេសវៀតណាម៕
សកម្មភាពបង្ហាត់បង្រៀនដើរបែបនារីខ្មែរ របស់អ្នកគ្រូសិល្បៈ
ដោយ៖ ទីន
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]