ខេត្តស្វាយរៀង ៖ មានរឿងអសិលធម៌មិនគួរអត់អោនឲ្យបានដោយគ្រូអគតិម្នាក់ដាក់ទណ្ឌកម្ម សិស្សស្រីម្នាក់ អាយុ១១ឆ្នាំឲ្យ ឡើងឈរលើតុក្នុងថ្នាក់រៀន ហើយឲ្យលើកដៃ ឡើងលើបែរមុខរកមិត្តរួមថ្នាក់ រួចប្រើឲ្យសិស្សប្រុស សម្រាតសំពត់ និងខោក្នុងរបូត ដល់កែងជើង និងបញ្ជាមិត្តរួមថ្នាក់ឲ្យ មើលសើចលេងសប្បាយ ។
ដោយគ្មានស្ថាប័នណាដោះស្រាយរកយុត្តិធម៌ទើបលោកយាយវយ័៦៤ឆ្នាំ និងចៅរងគ្រោះអំពាវនាវ ឲ្យសម្តេច កិត្តិព្រឹទ្ធបណ្ឌិតប៊ុនរ៉ានី ហ៊ុនសែន ជួយអន្តរាគមន៍រកយុត្តិធម៌ កាលពីរវេលាម៉ោង១០ព្រឹក ថ្ងៃទី៣០ កញ្ញា២០១៥ នៅភូមិទួលចំបក់ ឃុំសង្កែ ស្រុករំដួល។
បើតាមលោកយាយឈ្មោៈសារ៉ន អាយុ៦៤ឆ្នាំ បានប្រាប់ឲ្យដឹងថា ចៅស្រីរងគ្រោះអាយុ១១ឆ្នាំ រស់នៅក្នុង ភូមិកើតហេតុខាងលើ ត្រូវគ្រូប្រចាំថ្នាក់ធ្វើ ទារុណកម្មយ៉ាង អសីលធម៌ ដោយឲ្យចៅស្រីរបស់គាត់ ឈរនៅលើតុបែរមុខទៅរកសិស្សរួមថ្នាក់ រួចបញ្ជាឲ្យ លើកដៃឡើងលើហើយប្រើសិស្សប្រុស ម្នាក់សម្រាតសំពត់ និងខោក្នុងរបូតដល់ កែងជើងអាក្រាតកាយ យ៉ាងអាម៉ាស់ក្រៃលែង។
លោកយាយបានបន្តទៀតថា ករណីដ៏អាម៉ាស់នេះកើតឡើងកាលពីរថ្ងៃទី១៨ ឧសភា ២០១៥ វេលាម៉ោង៩ និង១០នាទីព្រឹក នៅសាលាបឋមសិក្សា ហ៊ុនសែនវត្តថ្មី ស្ថិតនៅភូមិតាបោង ឃុំសង្កែ ស្រុករំដួល ដោយគ្រូរោគចិត្តឈ្មោះដួង ស៊ីណាត ភេទប្រុស អាយុ៤៣ឆ្នាំ ជាគ្រូបង្រៀនថ្នាក់ទី២ សាលាបឋមសិក្សាហ៊ុនសែន វត្តថ្មី។
មូលហេតុធ្វើទារុណកម្មនេះមកពីកុមារីរងគ្រោះអានអក្សរលើក្តារខៀនមិនរួច(មិនចេះអានអក្សរ)ទើបគ្រូ អសីលធម៌នេះ ដាក់ទណ្ឌកម្មហៅឲ្យកុមារី រងគ្រោះទៅឈរ លើតុបែរមុខមករកសិស្សរួម ថ្នាក់រួចលើកដៃឡើងលើ និងឲ្យសិស្ស ឈ្មោះលាភ ភេទប្រុស ស្រាតសំពត់ និងខោក្នុងរបូតដល់កែង ជើងបណ្តាលឲ្យសិស្សក្នុង ថ្នាក់ស្រែកហ៊ោពេញថ្នាក់ រៀនធ្វើឲ្យចៅស្រីរបស់គាត់ ខ្មាស់គេស្រែក យំរត់ចេញពីសាលា។
ក្រោយមកបានគេចសាលាលែងហ៊ានចូលរៀនរូបគាត់ជាយាយក៏ចេះតែអង្វរចៅឲ្យទៅរៀន ក្រោយមក ទើបដឹងថា មូលហេតុចៅមិនចូលសាលា គឺមកពីគ្រូ ប្រចាំថ្នាក់ដាក់ទណ្ឌកម្មសម្រាត សំពត់អាក្រាតកាយ នៅមុខសិស្សក្នុងថ្នាក់ ទើបលោកយាយ ទៅប្តឹងលោកនាយកសាលា ហើយចៅស្រីប្រាប់ថា គ្រូឈ្មោះដួង ស៊ីណេត នេះដាក់ទណ្ឌកម្មចាប់ សម្រាតសំពត់ចនួន ៣លើកមកហើយ ហើយអ្វីដែលគាត់កាន់តែឈឺចាប់នោះ រូបគាត់បានដាក់ពាក្យ បណ្តឹងលោកមេភូមិ លោកមេឃុំរហូតមក ដល់តុលាការសាលាដំបូង ខេត្ត៥ខែមកហើយ ពុំទាន់ទទួលបាន យុត្តិធម៌ទើបអស់ជម្រើស បានមកប្តឹងអ្នកសាព័ត៌មាន សុំអំពាវនាវដល់សម្តេចកិត្តិព្រឹទ្ធបណ្ឌិត ប៊ុនរ៉ានីហ៊ុនសែន ជួយរកយុត្តិធម៌។
លោកយាយបានបន្តទៀតថា ពេលរូបគាត់ប្តឹងនៅសាលាឃុំ លោកមេឃុំបាន សម្រុះសម្រួលដោយ ជនបង្កឲ្យ ជម្ងឺចិត្តដល់ចៅស្រីរងគ្រោះ៣០០ដុល្លារ លោកយាយ បានប្រាប់ថា ខ្ញុំចាំសួរម្តាយចៅសិន ពីព្រោះម្តាយឪពុកចៅ បានផ្ញើកូនឲ្យនៅនឹង យាយហើយទៅរកស៊ីនៅភ្នំពេញ យ៉ាងណាសួរកូនសិន ពេលនោះឈ្មោះអ៊ុង រ៉ា ជំទប់ឃុំសង្កែ និងត្រូវសាច់ញាតិគ្រូ បាននិយាយថា ៣០០ដុល្លារច្រើនណាស់កូនគេចោទពីប ទរំលោភសេពសន្ថវៈ គេទារមិនបានប៉ុណ្ណឹងផង ចៅយាយឯង ក្មេងគ្រាន់តែសម្រាត សំពត់ប៉ុណ្ណឹងយក ទៅប្រាក់៣០០ដុល្លារច្រើនណាស់។
ទើបរូបគាត់ដកពាក្យបណ្តឹងពីសាលាឃុំមកប្តឹងនៅសាលាដំបូងខេត្តស្វាយរៀង គឺសំណុំរឿងព្រហ្ម ទណ្ឌលេខ១០៨ ចុះថ្ងៃទី២៦ ឧសភា ២០១៥ និងដល់ថ្ងៃ១៤ កក្កដា ២០១៥ លោកហ៊ឹង ប៊ុន ជាព្រះរាជអាជ្ញា អមសាលាដំបូង ខេត្តបានកោះហៅទៅសាក សួរជនត្រូវចោទដួង ស៊ីណេត បានឡើងទៅសុំ សម្រុះសម្រួល ដោយព្រមសងជម្ងឺចិត្ត២ពាន់ដុល្លារ ហើយឲ្យលោក យាយដកពាក្យបណ្តឹង ពីលោកព្រះរាជអាជ្ញា ក៏ប៉ុន្តែឲ្យលោកយាយ ដូរបទចោទដាក់ថា មិនបានសម្រាត សំពត់របូតដល់កែងទេ គឺគ្រាន់តែគំរាម។
ពេលនោះលោកព្រះរាជអាជ្ញាប្រាប់ថា បើប្តូរពាក្យបណ្តឹងលោកយាយក្លាយជាចុងបណ្តឹងវិញ ហើយទើបលោក យាយមិនព្រមកែពាក្យបណ្តឹង និងមិនបាន ដកពាក្យបណ្តឹងទេ រហូតមកដល់ថ្ងៃទី៣០ កញ្ញា ២០១៥នេះមិនទាន់មានដំណោះស្រាយឡើយ។
ទាក់ទិនករណីនេះដែរ លោកពៅ សាមឿន នាយកសាលាបឋមសិក្សាហ៊ុនសែនវត្តថ្មីបានមាន ប្រសាសន៍តាម ទូរសព្ទ័ថា គ្រូឈ្មោះដួង ស៊ីណេត ពិតជាបាន ធ្វើទារុណកម្មសិស្ស ដោយសម្រាតសំពត់សិស្ស ស្រីពិតប្រាកដមែន ហើយកុមារីរងគ្រោះ ត្រូវគ្រូឈ្មោះដួង ស៊ីណេត ដាក់ទណ្ឌកម្ម៣ លើកមកហើយ និងបានដាក់ទណ្ឌកម្ម ដល់សិស្សប្រុសៗពីរ បីនាក់មកហើយដែរ ក៏ប៉ុន្តែកន្លងមក រូបលោ កមិនបានដឹងទេទើបតែលោកយាយកុមារីរងគ្រោះ មកប្តឹងទើបបែកធ្លាយ រឿងពីរមុនៗលោកក៏ បានរាយការណ៍ ជូនមន្ទីរអប់រំយុវជន និងកីឡាខេត្តរួចហើយដែរ។
ចំណែកមាតាបីតាសិស្សវិញក៏បានសំណូមពរដល់ក្រសួងអប់រំយុវជន និងកីឡាឲ្យបញ្ឈប់ ឬដកគ្រូឈ្មោះដួង ស៊ីណេត ចេញពីសាលាហ៊ុនសែនវត្តថ្មី ពួកគាត់មិនអាច ទទួលយកគ្រូអសីលធម៌ ឲ្យមកបង្រៀនកូនៗ ពួកគាត់ទៀតឡើយ។ ទាក់ទិនករណីចោទ ប្រកាន់នេះដែរមិនអាចរកការបំភ្លឺពី គ្រូឈ្មោះដួង ស៊ីណេត បានទេ នៅថ្ងៃទី៣០ កញ្ញា នេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
