ភ្នំពេញ៖ កម្មវិធីប្រកួតប្រឡង កញ្ញាឯកទេសចរណ៍ អន្តរជាតិ-កម្ពុជាលើកទី៣ ប្រចាំឆ្នាំ ២០១៥ បានធ្វើការ ជ្រើសរើស បេក្ខនារីដែល បានដាក់ពាក្យ ចូលរួមប្រកួត ជាលើកទី១ កាលពីថ្ងៃអាទិត្យ ទី២០ ខែកញ្ញា ឆ្នាំ២០១៥ នេះ នៅក្នុងសណ្ឋាគារ ហ៊ីម៉ាវ៉ារី ។
គណកម្មាការកំពុងតែធ្វើបទសំភាសន៍ជាមួយបេក្ខនារីចូលរួមប្រកួត
កម្មវិធីប្រកួត ជ្រើសរើសកញ្ញាឯកទេសចរណ៍ អន្តរជាតិ-កម្ពុជា នេះបានបង្កើតឡើងជា លើកដំបូង ក្នុងឆ្នាំ ២០១៣ ហើយ សម្រាប់ឆ្នាំ ២០១៥នេះ ជាកម្មវិធីលើកទី៣ ដែល កម្មវិធីប្រកួតនេះ មានគោលបំណង លើកតម្កើង ស្រ្តីខ្មែរ និង ចូលរួមផ្សព្វផ្សាយអំពី សក្តានុពល ទេសចរណ៍ របស់កម្ពុជា ទៅកាន់ឆាកអន្តរជាតិ ឲ្យបានស្គាល់ និងដឹង កាន់តែច្បាស់ពីប្រទេសកម្ពុជា។
កម្មវិធីប្រកួតនេះ ត្រូវបានចូលរួម គាំទ្រដោយក្រសួងវប្បធម៌ និងវិចិត្រសិល្បៈ។ហើយ ជ័យលាភីឯក នឹងទទួល បាន ការចំណាយផ្សេងៗ មានតំលៃជាទឹក ប្រាក់សរុប 15,000 ដុល្លា និង ក្លាយជាបេក្ខនារី តំណាងឲ្យ ប្រទេស កម្ពុជា ចូលរួមប្រកួតកញ្ញា ឯកទេសចរណ៍អន្តរជាតិ លើកទី 19 ក្នុងវគ្គផ្តាច់ព្រ័ត្រ នៅថ្ងៃទី 28 វិច្ឆិកា 2015 នៅ ប្រទេសវៀតណាម។
បេក្ខនារី ដើរបង្ហាញម៉ូត និង បង្ហាញសមត្ថភាពដល់គណកម្មាការ
គួរបញ្ជាក់ដែរថា ការប្រកួតផ្តាច់ព្រ័ត្រកម្មវិធីប្រកួតប្រឡង កញ្ញាឯក ទេសចរណ៍ អន្តរជាតិ-កម្ពុជាលើកទី៣ នឹងប្រព្រឹត្តទៅ នៅថ្ងៃទី ០១ ខែវិច្ឆិកា ឆ្នាំ២០១៥ នេះ នៅសណ្ឋារគារសុខា ភ្នំពេញ។ ហើយចំពោះ ការជ្រើសរើសលើកទី 2 នឹងធ្វើឡើង នៅថ្ងៃអាទិត្យទី 27 ខែកញ្ញា ឆ្នាំ 2015 នេះ ។
យ៉ាងណាមិញ ប្រសិនបើ យុវតីដែល ចាប់អារម្មណ៍ និង ចង់ដាក់ពាក្យ ក្នុងការជ្រើសរើស លើកទី២នេះ អាចធ្វើ ការទំនាក់ទំនង មកកាន់លេខទូរស័ព្ទ (089) 918 138 / (088) 688 6226 / (069) 688 038) ។ ចំពោះ ពាក្យសុំ ចូលរួមប្រកួតអាចទាញយកបានតាមរយៈគេហទំព័រនេះបាន www.misstourismcambodia.com ៕
ដោយ៖ ទីន
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
