ខេត្តក្រចេះ ៖ បុរសជាឪពុកអគតិមួយរូប មិនត្រឹមតែផឹកស្រា ស្រវឹងរករឿងវាយដំប្រពន្ធ-កូនរាល់ថ្ងៃនោះទេ ថែមទាំងបាន ចាប់រំលោភលើកូនស្រី បង្កើតខ្លួនឯងបានជាបន្តបន្ទាប់ ហើយរឿងនេះទើបតែបែកធ្លាយ ក៏ត្រូវនគរបាលព្រហ្មទណ្ឌស្រុកចិត្របុរី ចាប់ឃាត់ខ្លួន កាលពីថ្ងៃទី៣១ សីហា ២០១៥ ។
ប្រភពបានឱ្យដឹងថា ជនសង្ស័យឈ្មោះ អ៊ុន សុន អាយុ៤៣ឆ្នាំ មានទីលំនៅក្នុងឃុំសំបុក ស្រុកចិត្របុរី ដោយឃាត់ខ្លួនបាននេះ គឺបន្ទាប់ពីជននេះ បានព្យាយាមចាប់រំលោភ កូនស្រីម្តងទៀតជាលើកចុងក្រោយ តែមិនបានសម្រេច ។
ប្រភពបន្តថា ក្មេងស្រីរងគ្រោះដែលរង ការចាប់រំលោភនេះ មានអាយុ១៣ឆ្នាំ (ជាកូនស្រីទី២ ក្នុងចំណោមបងប្អូន៤នាក់) ។ សព្វថ្ងៃរៀនថ្នាក់ទី៥ រស់នៅជាមួយឪពុកម្តាយក្នុងស្រុកចិត្របុរី ។ កន្លងមក ជនសង្ស័យជាឪពុកបានធ្វើ សកម្មភាពចាប់រំលោភ លើសេពសន្ថវៈម្តងៗ គឺតែតែប្រើពាក្យគំរាមកំហែងធ្ងន់ៗ មកលើក្មេងស្រីរងគ្រោះ ដូចជាការវាយសម្លាប់, អារ.កសម្លាប់ ប្រសិនបើនាងយករឿងនេះ ទៅប្រាប់ម្តាយ ឬគេឯងនោះ ។
លោកអធិការង បានសម្រង់ពាក្យបណ្តឹង របស់ក្មេងស្រីរងគ្រោះឱ្យដឹងថា កន្លងមកកាលពីខែមុន ខណៈដែលនាងនៅផ្ទះម្នាក់ឯងម្តាយទៅស្រែ ឪពុករូបនេះបានចាប់នាង រំលោភរហូតបានសម្រេច រហូតដល់ទៅ២ដង ។ លុះក្រោយមកទៀត បានព្យាយាម ចាប់រំលោភនាងម្តងទៀត តែមិនបានសម្រេច ។ ដោយអត់ទ្រាំលែងបាន នាងក៏យករឿងនេះទៅប្រាប់ប្អូនស្រី ហើយប្អូនស្រីក៏ប្រាប់បន្តទៅម្តាយ ។
បន្ទាប់ពីរឿងនេះត្រូវបែកធ្លាយ ស្ត្រីជាម្តាយបានមកដាក់ពាក្យបណ្តឹង មកប៉ុស្តិ៍នគរបាលរដ្ឋបាលសំបុក ទើបនគរបាលមានវិធានការ ឃាត់ខ្លួនបន្ទាន់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
