ខេត្តក្រចេះ ៖ សម្ភារបច្ចេកទេស គ្រឿងអេឡិចត្រូនិក នៅក្នុងបន្ទប់ជាប់ បង្គោលអង់តែន របស់ក្រុមហ៊ុនទូរស័ព្ទ Cellcard ត្រូវអគ្គិភ័យបំផ្លាញស្ទើរទាំងស្រុង កាលពីវេលាម៉ោង១២ថ្ងៃត្រង់ថ្ងៃទី៣១ សីហា នៅខាងក្រោយដីឡូត៍របស់អ្នកភូមិ ស្ថិតនៅក្នុងភូមិដងក្តោង ឃុំពង្រ ស្រុកឆ្លូង ។
លោកវរសេនីយ៍ត្រី ឌួង សុទ្ឋី អធិការនគរបាលស្រុកឆ្លូង បានឱ្យដឹងថា មូលហេតុដែលបង្កឱ្យមានអគ្គិភ័យនេះកើតឡើងក្នុងបន្ទប់ថ្មប្រក់ស័ង្កសីដែលមានទំហំ៤ម៉ែត្រគុណ១០ម៉ែត្រ សង្ស័យបណ្តាលមកពីការទុស្សេចរន្តអគ្គិសនីទើបធ្វើឱ្យឆេះបែបនេះ ប៉ុន្តែពុំមានមនុស្សណាម្នាក់រងគ្រោះក្នុងហេតុការណ៍នេះឡើយ ។
ការខូចខាតសម្ភារខាងលើ ត្រូវបានគេប៉ាន់ប្រមាណថា អស់ប្រហែលជាង៥ម៉ឺនដុល្លារ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
