ការថើបគឺជាសិល្បៈមួយរបស់មនុស្សសម្រាប់បន្ថែមរសជាតិស្នេហា ។ ការថើបមានរាប់រយប្រភេទ ក៏ប៉ុន្តែការថើបខ្លះពុំបានធ្វើឱ្យដៃគូរបស់ខ្លួនទទួលបានសេចក្តីសុខទេ ។ តើយើងត្រូវធ្វើដូចម្តេចដើម្បីឱ្យដៃគូរបស់យើងទទួលបានផលប្រយោជន៍ និងសេចក្តីសុខពីការថើបនេះ ?
ខាងក្រោមនេះគឺជាគន្លឹះសំខាន់ៗ១០យ៉ាងនៃការថើបគូស្នេហ៍របស់ខ្លួនឱ្យទទួលបានសេចក្តីសុខ ៖
១-ថើបថ្ពាល់៖ នេះគឺជាការថើបដែលមនុស្សទូទៅដឹងគ្រប់ៗគ្នា ។ ការថើបបែបនេះគឺមិនត្រឹមតែមានលក្ខណៈមនោសញ្ចេតនាប៉ុណ្ណោះទេ ប៉ុន្តែវាគឺជាមធ្យោបាយមួួយសម្រាប់ស្វាគមន៍គ្នាផងដែរ ជាពិសេសសម្រាប់ពួកអឺរ៉ុប។ ដើម្បីឱ្យមានលក្ខណៈបែបមនោសញ្ចេតនាផ្អែមល្លែមចំពោះការថើបថ្ពាល់លោកអ្នកត្រូវយកដៃដាក់នៅលើស្មារបស់ដៃគូស្រាលៗ ហើយបន្ទាប់មកយកច្រមុះរបស់អ្នកថើបទៅលើថ្ពាល់ទាំងសងខាងដោយថ្នមៗ ។
២-ថើបត្រចៀក៖ ការថើបទងត្រចៀកប្រហែលជាលោកអ្នកមិនសូវបានចាប់អារម្មណ៍ ប៉ុន្មានទេ ប៉ុន្តែការថើបទងត្រចៀក គឺអាចជួយឱ្យដៃគូរបស់យើងត្រេកត្រអាលខ្លាំង ហើយវាក៏ជាអន្ទាក់ល្បួងចិត្តដៃគូរបស់យើងផងដែរ ។ ដើម្បីអនុវត្តឱ្យមានប្រសិទ្ធភាពគឺបុរសគប្បីទាញដៃគូផ្តេកមកលើដើមទ្រូងរបស់ខ្លួន ហើយចាប់ផ្តើមថើបថ្នមៗ ហើយជួនកាលយើងអាចខាំញេញតិចៗដើម្បីបន្ថែមរសជាតិរបស់វា ។
៣-ថើបបែបមេអំបៅ៖ គឺជាការថើបបែបសាមញ្ញ តែមានលក្ខណៈផ្អែមល្អែម។ ដើម្បីថើបបែបមេអំបៅនេះគឺយើងត្រូវឱនមុខរកគ្នាឱ្យបានជិតបំផុតដើម្បីឱ្យរោមភ្នែករបស់យើងប៉ះគ្នាប្រិចចុះប្រិចឡើង របៀបដូចមេអំបៅបក់ស្លាប ។
៤-ថើបបែបទេពធីតា៖ ស្ត្រីភាគច្រើនចូលចិត្តការថើបបែបនេះខ្លាំងណាស់ ពីព្រោះវាគឺជាការថើបដែលផ្តល់នូវការយកចិត្តទុកដាក់ និងក្តីស្រឡាញ់ច្រើនដល់ដៃគូ ។ ត្រង់ចំណុចនេះយើងត្រូវយកបបូរមាត់របស់យើងថើបស្រាលៗត្រង់រង្វង់ស្មាទាំងសងខាងរបស់នាង ។
៥-ថើបបែបបារាំង៖ តើយើងត្រូវថើបរបៀបណា? ការថើបបែបបារាំងគឺយើងត្រូវចាប់ផ្តើមដោយការប្រើបបូរមាត់ថើបជញ្ជក់យឺតៗ ហើយបន្ទាប់មកត្រដុសអណ្តាតជាមួយគ្នា ក៏ប៉ុន្តែកុំស៊កអណ្តាតចូលជ្រៅពេក ។ ការថើបប្រភេទនេះគឺជួយដុតកំដៅអារម្មណ៍ផ្លូវភេទឱ្យពុះកញ្ជ្រោល១០០អង្សាដែលអាចឈានទៅដល់ការរួមភេទ ។
៦-ការថើបច្រមុះ ៖ គឺការថើបដោយប្រើច្រមុះត្រដុសគ្នាស្រាលៗរហូតដល់ដៃគូរបស់អ្នកមានអារម្មណ៍សប្បាយរីករាយ ។
៧-ការថើបគល់ក និងដៃ ៖ គឺត្រូវថើបត្រង់ចំណុចគល់ក ឬដៃដោយប្រើបបូរមាត់ និងអណ្តាត ឬច្រមុះថើបស្រាលៗ ។ ការថើបបែបនេះជួយធ្វើឱ្យដៃគូរីករាយខ្លាំងណាស់ ។
៨-ការថើបថ្ងាស ៖ តាមការសង្កេតការថើបថ្ងាសជារឿយៗតែងតែកើតឡើងចំពោះម្តាយ និងកូន ឬមិត្តភក្តិ ក៏ប៉ុន្តែនៅពេលដៃគូរបស់យើងខឹង គឺការថើបថ្ងាសអាចជួយកាត់បន្ថយកំហឹងរបស់ដៃគូយើងបានមួយកម្រិតដែរ ។
៩-ការថើបបបូរមាត់ ៖ ការថើបបបូរមាត់គឺជួយបន្ថែមអាម្មរណ៍ភ្លឺថ្លា និងរំភើប ។ ចំពោះការថើបបបូរមាត់នេះគឺយើងត្រូវថើបជញ្ជក់បបូរមាត់ផ្នែកខាងក្រោមថ្នមៗឱ្យបានកាន់តែយូរកាន់តែល្អ ។
១០-ការថើបជញ្ជក់មាត់ ៖ ការថើបប្រភេទនេះមិនសូវបានយកមកអនុវត្តប៉ុន្មានទេ ពីព្រោះវាធ្វើឱ្យភាគីទាំងសងខាងថប់ដង្ហើមនៅពេលដាក់មាត់ក្នុងមាត់គ្នាដោយរោលរាលយ៉ាងយូរ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]