ខេត្តបាត់ដំបង ៖ យុវជនម្នាក់ត្រូវសមត្ថកិច្ចឃាត់ខ្លួន ក្រោយមួយថ្ងៃដែលជននេះបានចាប់រំលោភសេពសន្ថវៈក្មេងស្រីម្នាក់អាយុ១២ឆ្នាំ កាលពីវេលាម៉ោង១១យប់ថ្ងៃទី២៥ កក្កដា នៅផ្ទះរបស់នាងក្នុងឃុំភ្នំសំពៅ ស្រុកបាណន់ ខណៈដែលបងស្រីរបស់នាងរវល់ដើរលេងសប្បាយជាមួយមិត្តភក្ដិ។
លោកម៉ី ឆេងលី នាយប៉ុស្ដិ៍នគរបាលឃុំភ្នំសំពៅ បានប្រាប់ថា ជនសង្ស័យនោះឈ្មោះធុច ថុល អាយុ១៨ឆ្នាំ រីឯកុមារីរងគ្រោះអាយុ១២ឆ្នាំ រស់នៅក្នុងឃុំជាមួយគ្នា។ លោកនាយប៉ុស្ដិ៍បានបញ្ជាក់ថា ជនសង្ស័យត្រូវបានឃាត់ខ្លួនក្រោយកើតហេតុមួយថ្ងៃ បន្ទាប់ពីបងស្រីរបស់នាងឈ្មោះផេង សុផល អាយុ២៨ឆ្នាំ ដាក់ពាក្យបណ្ដឹង។
ប្រភពព័ត៌មានពីបងស្រីកុមារីរងគ្រោះបានប្រាប់សមត្ថកិច្ចថា ក្រោយពីមានកម្មវិធីផឹកស៊ីនៅផ្ទះនាយប់នោះ នាងបានបន្តទៅដើរកម្សាន្តជាមួយមិត្តភក្តិនៅឯក្រុងបាត់ដំបងទៀត ដោយទុកឲ្យប្អូនស្រីចាំផ្ទះជាមួយកូនតូចៗរបស់ខ្លួន២នាក់។ ស្ត្រីបន្តថា គ្រានោះស្រាប់តែអ្នកជិតខាងទូរស័ព្ទប្រាប់ថា មានគេចាប់ប្អូនស្រីរំលោភ ទើបនាងប្រញាប់ត្រឡប់មកផ្ទះវិញ នឹងប្ដឹងសមត្ថកិច្ចទាំងយប់តែម្ដង។ នាងផេង សុផល បញ្ជាក់ដែរថា ឈ្មោះធុច ថុល កាលពីល្ងាចក៏បានចូលរួមផឹកស៊ីជាមួយគ្នាដែរ តែជននេះមិនបានទៅដើរលេងជាមួយគេបន្តទេ បែរជាមានគំនិតឆ្លៀតឱកាសចាប់រំលោភប្អូនស្រីនាងទៅវិញ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]