មីយ៉ាន់ម៉ា៖ សារព័ត៌មាន BBC ចុះផ្សាយនៅវេលារសៀល ថ្ងៃទី០២ ខែសីហា ឆ្នាំ២០១៥ នេះ ឲ្យដឹងថា អង្គការសហប្រជាជាតិបាន ព្រមាន ក៏ដូចជាក្រើនរំលឹក ទៅដល់ប្រទេសមីយ៉ាន់ម៉ា អំពីការរំពឹងទុក នៃចំនួនមនុស្សស្លាប់ នឹងកើនឡើង ក្នុងរយ:ពេលប៉ុន្មានថ្ងៃខាងមុខទៀត ដោយសារឥទ្ធិពល នៃទឹកជំនន់ បោកបក់ដោយខ្យល់ម៊ូសុង។
យោងតាមប្រភពព័ត៌មានដដែល ឲ្យដឹងថា តំបន់ចំនួន ៤ នៅភាគខាងលិចប្រទេសមីយ៉ាន់ម៉ា កំពុងស្ថិតក្រោមការប្រកាសអាសន្ន ដែលមានភ្លៀងធ្លាក់បន្តបន្ទាប់ បង្កឡើងដោយខ្យល់ម៊ូសុង។ មកទល់ពេលនេះ មនុស្សចំនួន ២៧នាក់ ត្រូវគេរាយការណ៍មកថា បានស្លាប់បាត់បង់ជីវិតរួចមកហើយ។
ដោយឡែក នៅឯប្រទេសឥណ្ឌា ក៏មានមនុស្សស្លាប់ ២១នាក់ផងដែរ ដោយសារការបាក់ដី លប់កប់ភូមិមួយកន្លែង នៅភាគខាងកើត នៃរដ្ឋ Manipur ។
គួរបញ្ជាក់ថា ភ្លៀងតែងធ្លាក់ខ្លាំង ក្នុងអំឡុងរដូវម៊ូសុង ស្របពេលដែល ខ្យល់ និងភ្លៀងពីព្យុះស៊ីក្លូន ក៏បានជះឥទ្ធិពលក្នុងនោះផងដែរ។
នៅថ្ងៃអាទិត្យនេះ តំណាង UN បានថ្លែងថា មនុស្ស ១៥៦,០០០ នាក់ បានរងផលប៉ះពាល់ដោយសារទឹកជំនន់៕
ទិដ្ឋភាព ប្រជាជនមីយ៉ាន់ម៉ា រងផលប៉ះពាល់៖
ប្រភព៖ BBC
ដោយ សី
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
