រាជធានីភ្នំពេញ ៖ ជនរងគ្រោះម្នាក់បានស្លាប់ភ្លាមៗ នៅកន្លែងកើតហេតុដោយសារ ត្រូវរថយន្ត១គ្រឿងម៉ាក Tundra បើកមកបុកម៉ូតូរបស់ខ្លួន កាលពីវេលាម៉ោង៣ និង៤០នាទីរសៀលថ្ងៃទី៣១ កក្កដា ២០១៥ នៅតាមបណ្តោយផ្លូវជាតិលេខ៦អា ត្រង់ចំណុចកែងផ្លូវលីយ៉ុងផាត់ ស្ថិតក្នុងភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ ។
ប្រភពពី សមត្ថកិច្ចបានឱ្យដឹងថា ជនរងគ្រោះឈ្មោះ សុខ ប៊ុនថាន អាយុ២៨ឆ្នាំ មានទីលំនៅ ភូមិត្រពាំងត្រល់ ឃុំត្រឡា ស្រុកកំពង់សៀម ខេត្តកំពង់ចាម ។ រីឯអ្នកបើករថយន្ត មានឈ្មោះ ឡាង ស៊ីណាត ភេទប្រុស អាយុ២៣ឆ្នាំ មានទីលំនៅនៅ សង្កាត់ព្រែកលៀប ។
ប្រភពបានឱ្យដឹងទៀតថា មុនពេលកើតហេតុគេឃើញ រថយន្ត១គ្រឿងម៉ាក Tundra ពណ៌ស ពាក់ស្លាកលេខ ភ្នំពេញ 2Y-9839 ធ្វើដំណើរ ចូលទីក្រុងភ្នំពេញ ស្រាប់តែមកដល់ កន្លែងកើតហេតុ បានបុកម៉ូតូ១គ្រឿង ម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ កំពង់ចាម 1K-2879 បើកបរក្នុងទិសដៅបញ្ច្រាស ទិសគ្នាដែលបានបត់ឆ្វេង ទៅខាងស្រុកមុខកំពូល បណ្តាលឱ្យម៉ូតូអូស ពីក្រោមឡាន រីឯអ្នកបើកបរម៉ូតូ ប៉ើងផ្លោងប្រហែល៣០ម៉ែត្រ ស្លាប់ភ្លាមៗតែម្តង ។
ក្រោយពេលកើតហេតុ អ្នកបើកបររថយន្តត្រូវបានឃាត់ខ្លួន និងដកហូតបានកាំភ្លើង អាកា១ដើមនៅក្នុងរថយន្តទៀតផង ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]