សមត្ថកិច្ចឡោម ព័ទ្ធផ្ទះ សំណាក់ សុធា តាមចាប់ក្រុមចោរ

ភ្នំពេញ ៖ កម្លាំងនគរបាលការិយាល័យ ព្រហ្មទណ្ឌកម្រិតស្រាល រួមសហការជាមួយ កម្លាំងសមត្ថកិច្ចមូលដ្ឋាន នៅរសៀលថ្ងៃទី ១៦ ខែកុម្ភៈ ឆ្នាំ២០១២នេះ តាំងពីវេលា ម៉ោង៣និង២០នាទី បាននឹងកំពុងឡោមព័ទ្ធ ផ្ទះសំណាក់សុធា ដែលស្ថិតនៅតាមបណ្ដោយផ្លូវលេខ៧០ សង្កាត់ស្រះចក ខណ្ឌដូនពេញ ដោយសង្ស័យថា មានក្រុមចោរអាចលាក់ខ្លួននៅបន្ទប់ជាន់ទី២ ក្នុងផ្ទះសំណាក់នេះ ។

ប្រតិបត្ដិការនេះ បាននឹងកំពុងប្រព្រឹត្ដ ទៅក្រោមការដឹកនាំបញ្ជាកម្លាំងផ្ទាល់ លោក ផែង វណ្ណៈ នាយរងការិយាល័យ ព្រហ្មទណ្ឌកម្រិតស្រាលនៃស្នងការដ្ឋាននគរ បាលរាជធានីភ្នំពេញ ដោយសង្ស័យថា ក្រុម ចោរមិនទាន់គេចខ្លួនទៅណានោះទេ ហើយ បើតាមសមត្ថកិច្ចក្រុមចោរទាំងនេះ អាច មានអាវុធពីរដើមនៅក្នុងដៃទៀតផង។

សមត្ថកិច្ចបានឲ្យដឹងថា ជនសង្ស័យចំនួនពីរនាក់ ដែលដេកផ្ទះសំណាក់សុធា ត្រូវបានចាប់ខ្លួន នៅទីនោះ ខណៈជនសង្ស័យ ដែលអាចជាមុខ សញ្ញាពិតប្រាកដកំពុងរត់គេចខ្លួន ៕

ផ្តល់សិទ្ធដោយ ដើមអម្ពិល