សហរដ្ឋអាមេរិក៖ តារាចម្រៀងស្រី ដ៏ល្បីនាង Taylor Swift ដែលគេដឹងថា ជាតារាចម្រៀង រកចំណូលបាន ខ្ពស់ជាងគេបំផុត កាលឆ្នាំពីមុន ក្នុងចំណោមតារាចម្រៀង របស់អាមេរិក បានទិញផ្ទះល្វែងមួយ នៅជាន់លើគេបង្អស់ តម្លៃ ២០លានដុល្លារអាមេរិក។
យោងតាមគេហទំព័របរទេសមួយ បានឲ្យដឹងថា នាង Taylor Swift ដែលជាតារាចម្រៀង រកចំណូលបានច្រើន បំផុតក្នុងឆ្នាំ២០១៤ បានទិញផ្ទះល្វែងមួយ នៅជាន់លើគេបង្អស់ ពីអ្នកដឹកនាំរឿង “Lord of the Rings” លោក Peter Jackson កាលពីឆ្នាំ ២០១៤ ក្នុងតម្លៃ ២០លានដុល្លារ។
ជាងនេះទៅទៀត ផ្ទះរបស់ម្ចាស់បទ "Love Story" នេះ បានធ្វើឡើងពីឈើ ស្ទើរតែទាំងអស់ ពោលគឺ បន្ទប់សាងសង់ឡើងពីឈើ ជាមួយនឹង កម្រាលក្រាលដោយឈើសុទ្ធ ធ្នឹមផ្ទះធ្វើពីឈើ មានកំពស់ ជាង៣ម៉ែត្រ ជើងក្រានកម្តៅផ្ទះ ហើយរំលេចដោយ ជញ្ជាំងឥដ្ឋពណ៌ក្រហម ថែមទៀតផង។
ទិដ្ឋភាពក្នុងផ្ទះនាង Taylor Swift ដែលមានតម្លៃដល់ទៅ ២០លានដុល្លារអាមេរិក
ផ្ទះដ៏ប្រណិតរបស់នាង ពោរពេញទៅដោយឈើ មានបន្ទប់គេង ចំនួន៧ បន្ទប់ទឹក៥ និងផ្ទះបាយដ៏ធំមួយ និងមានទំហំ ៧៨០ម៉ែត្រការ៉េ និងទីធ្លាខាងក្រៅ ទំហំប្រហែល ៣៧០ម៉ែត្រការ៉េ។
នាង Taylor Swift តែងបបួលមិត្តភ័ក្ដិ ដូចជា តារាចម្រៀងប្រុស លោក Justin Timberlake តារាចម្រៀងស្រី នាង Beyonce និង Jay Z ជាដើម មករៀបចំពិធីជប់លៀង នៅក្នុងផ្ទះនាង ជាញឹកញាប់៕
តោះ! ចង់ដឹងកាន់តែច្បាស់ សូមទស្សនាទាំងអស់គ្នា៖
ប្រភព៖ បរទេស
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
