រាជធានីភ្នំពេញ ៖ សេចក្តីរាយការណ៍បានឱ្យដឹងថា សពនារីដែលគេសម្លាប់ហើយ រុំនឹងអង្រឹងប្លុងចោល ក្នុងរបងដីឡូត៍នៅសង្កាត់កាកាប ត្រូវគេស្គាល់អត្តសញ្ញាណហើយ គឺឈ្មោះវង្ស គន្ធា អាយុ២៦ឆ្នាំ មុខរបរជាបុគ្គលិកភោេជនីយដ្ឋានចិននៅម្តុំដងនង្គ័ល សង្កាត់កាកាប ខណ្ឌពោធិ៍សែនជ័យ ស្នាក់នៅផ្ទះជួលភូមិចំការឥឡឹក សង្កាត់កាកាប មានស្រុកកំណើត នៅខេត្តប៉ៃលិន។
ប្រភពបានឱ្យដឹងថា កាលពីថ្ងៃទី២៥ កក្កដា ២០១៥ នារីរងគ្រោះបានចេញពីផ្ទះ ទៅធ្វើការនៅ ភោជនីយដ្ឋានចិនជាធម្មតារហូត ដល់ម៉ោង១១យប់ គេឃើញមានម៉ូតូឌុប នាងយកទៅដាក់នៅភោជនីយដ្ឋាន សួនបុប្ផានៅភូមិចំការឥឡឹក ហើយគេឃើញនាងចុះដើរ ក្រោយមកស្រាប់តែ បាត់រហូតដល់ព្រឹកឡើងថ្ងៃទី២៦ ទើបមានការភ្ញាក់ផ្អើលប្រទះឃើញ សពតែម្តង។
មកដល់ថ្ងៃទី២៧ កក្កដា នេះគេនៅមិនទាន់ដឹងពីមូលហេតុ នៃការស្លាប់របស់ នារីរងគ្រោះដដែល ព្រោះសមត្ថកិច្ចកំពុងធ្វើការស្រាវជ្រាវនៅឡើយ។
គួររំលឹកថា កាលពីវេលាម៉ោង៦ព្រឹក ថ្ងៃទី២៦ កក្កដា ២០១៥ មានការភ្ញាក់ផ្អើល ប្រទះឃើញសពនារីម្នាក់ ត្រូវគេរុំអង្រឹងយកមកប្លុងចោល ក្នុងដីឡូត៍មួយកន្លែងជិត ក្លិបផ្កាយផត ស្ថិតក្នុងសង្កាត់កាកាប ខណ្ឌពោធិ៍សែនជ័យ។ សពនារីរងគ្រោះត្រូវបាន សមត្ថកិច្ចពិនិត្យឃើញស្លាប់ ដោយរាងកាយអាក្រាត មានស្នាមបែកមាត់ ស្នាមច្របាច់ក និងស្នាមខាំដៃស្តាំ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
