កំពង់ឆ្នាំង៖ បើយោងទៅតាម គេហទំព័រ អគ្គស្នងការដ្ឋាន នគរបាលជាតិ ដែលបានចុះផ្សាយថ្ងៃនេះ បានឲ្យដឹងថា លោក ហ៊ុល វាសនា ដែលជា អធិការ នៃអធិការដ្ឋាននគរបាលស្រុក កំពង់ត្រឡាច ត្រូវបាន រងការចោទប្រកាន់ ពីបទរំលោភសេពសន្ថវៈ ខណៈដែល គេពុំទាន់ រកឃើញមានភស្ដុតាងណា ច្បាស់លាស់នោះ។
តាមរយៈសម្ដីរបស់ឧត្ដមសេនីយ៍ត្រី ប្រាក់ វុទ្ធី ស្នងការនគរបាកខេត្ដកំពង់ឆ្នាំង បានមានប្រសាសន៍ ថា លោក ហ៊ុល វាសនា អធិការនៃអធិការដ្ឋាន នគរបាល ស្រុកកំពង់ត្រឡាច ត្រូវបានរងការចោទ ប្រកាន់ពីយុវតីម្នាក់ ជាសិស្សរៀន ថ្នាក់ទី១២ នៃវិទ្យាល័យមួយ នៅក្នុងស្រុកកំពង់ត្រឡាចថា បានចាប់រំលោភសេពសន្ថវៈ នាងរហូតបានសម្រេច កាលពីថ្ងៃទី១១ ខែកក្កដា ឆ្នាំ២០១៥ នៅក្នុងអធិការដ្ឋាន នគរបាលស្រុកកំពង់ត្រឡាច។
គួរបញ្ជាក់ថា ក្រុមគ្រួសាររបស់នាង ព្រមទាំងរូបនាងផ្ទាល់បានដាក់ពាក្យបណ្តឹង មកមន្ទីរ កិច្ចការនារី និងស្នងការដ្ឋាន នគរបាលខេត្ត នៅវេលាម៉ោង១១ និង០៥នាទី ថ្ងៃទី២០ ខែកក្កដា ឆ្នាំ២០១៥ ហើយលោកអភិបាល ខេត្តកំពង់ឆ្នាំង បានស្នើអោយលោក ព្រះរាជអាជ្ញាអម សាលាដំបូងខេត្ត និងលោកស្នងការនគរបាលខេត្ត បើកការស៊ើបអង្កេត ស្រាវជ្រាវក្នុងការចោទ ប្រកាន់ខាងលើនេះ។
ដោយឡែក លោក ហ៊ុល វាសនា បានអោយដឹងថា នៅវេលាម៉ោង៩និង១០នាទី យប់ថ្ងៃទី២០ ខែកក្កដា ឆ្នាំ២០១៥ លោក និងយុវតីខាងលើ បានស្រឡាញ់គ្នា អស់ពីបេះដូង និងបានរួមរស់នៅ ជាមួយគ្នាជាប្តីប្រពន្ធអស់ រយៈពេល២០ថ្ងៃមកហើយ។ នៅថ្ងៃទី១៩ ខែកក្កដា ឆ្នាំ២០១៥ លោកបានឮនាង ប្រាប់លោកថា នាងពិបាកចិត្តពីរឿង ស្នេហារវាងលោក និងនាង ដោយសារឪពុកម្តាយ បងប្អូននាង បានដឹងរឿងអស់ហើយ បន្ទាប់មកលោកបាន ទូរស័ព្ទទៅជួបម្តាយ និងបងស្រីរបស់នាង ប្រាប់ពីរឿងនេះផងដែរ តែពួកគាត់ឆ្លើយថា មិនអីទេ។ ស្រាប់តែនៅថ្ងៃទី២០ ខែកក្កដានេះ លោកត្រូវបានលោកស្នងការ ហៅអោយមកនៅ ការិយាល័យបុគ្គលិកសិន រង់ចាំការស៊ើបអង្កេត។
ឧត្តមសេនីយ៍ត្រី ប្រាក់ វុទ្ធី ស្នងការនគរបាលខេត្តកំពង់ឆ្នាំង បានមានប្រសាសន៍ថា នគរបាលបានកោះហៅលោក ហ៊ុល វាសនា អធិការនៃអធិការដ្ឋាន នគរបាលស្រុកកំពង់ត្រឡាច មកសាកសួររួចហើយ តាមពាក្យបណ្តឹង ហើយនឹងធ្វើការស៊ើប អង្កេតបន្តទៀតថា តើការចោទប្រកាន់នៃពាក្យបណ្តឹងនោះ ជាការពិត ឬយ៉ាងណា?
ដកស្រង់ចេញពី គេហទំព័រ អគ្គស្នងការដ្ឋាន នគរបាលជាតិ
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
