ប្រអប់ដៃជាសរីរាង្គមួយ ក្នុងចំនោមសរីរាង្គ ដ៏សំខាន់ក្នុងជីវិត របស់មនុស្សគ្រប់រូប។ ប្រអប់ដៃអាចប្រាប់ ពីអ្វីៗដែលអ្នកបាន ធ្វើនិងសម្រេចក្នុងជីវិត របស់អ្នក។ លើសពីនេះទៅទៀត ប្រអប់ដៃក៏អាចប្រាប់ពី អាយុពិតប្រាកដរបស់ មនុស្សស្រីបានដែរ។ ការស្លៀកពាក់ស្រស់ស្អាត និងទាន់សម័យមិន ប្រាកដថានឹងធ្វើ អោយអ្នកមើលទៅ ស្រស់ស្អាតនោះទេ ប្រសិនបើអ្នកមិន បានថែរក្សាប្រអប់ដៃ របស់អ្នកអោយបានល្អ។ ក្នុងពេលអ្នក ជជែកលេងជាមួយ សមាជិកគ្រួសារ មិត្តភក្តិឬ អ្នកដទៃទៀត អ្នកតែងតែ ប្រើដៃក្នុងការ ធ្វើកាយវិការ។ ដូច្នេះប្រអប់ដៃ របស់អ្នកបានទាក់ទាញ ការចាប់អារម្មណ៍ យ៉ាងខ្លាំងពីមនុស្ស ជុំវិញខ្លួនអ្នក។ និយាយជារួមដៃ គឺបានដើរតួនាទីដ៏ សំខាន់ក្នុងជីវិតរបស់អ្នក។ ដូច្នេះការថែរក្សាដៃនិងប្រអប់ អោយបានស្អាតគឺ ជាអ្វីដែលអ្នក គួរធ្វើជាចាំបាច់សំរាប់ ភាពស្រស់ស្អាត របស់ខ្លួនអ្នកផ្ទាល់។
- ដោយសារតែស្បែក ប្រអប់ដៃស្តើងនិងទន់ជ្រាយ ដូច្នេះវាងាយនឹង ស្ងួតនិងប៉ះពាល់ពន្លឺថ្ងៃ យ៉ាងធ្ងន់ធ្ងរ។ ដើម្បីបង្ការប្រការ ខាងលើកុំអោយ កើតឡើងអ្នកគួរ ប្រើឡេការពារប្រអប់ដៃ លាបទៅលើប្រអប់ដៃ របស់អ្នកយ៉ាងហោចណាស់ អោយបានបីទៅបួនដង ក្នុងមួយថ្ងៃ។ ឡេប្រភេទនេះនឹង ធ្វើអោយប្រអប់ ដៃរបស់អ្នកមានសំណើម ហើយទន់។
- ចំពោះអ្នកដែលប្រើ ក្រែមជម្រុះកោសិកា ចាស់ៗលើមុខ(Face Exfoilator) ចូរយកក្រែមនោះ មកលាបលើប្រអប់ដៃ អោយបានម្តង ក្នុងមួយអាទិត្យ។
- ចំពោះអ្នកដែលប្រើ ក្រែមលាបមុខយប់ អ្នកក៏គួរយកវា ទៅលាបលើប្រអប់ដៃ របស់អ្នកអោយបាន ម្តងក្នុងមួយ អាទិត្យមុនពេលចូលគេង។
- ចំពោះអ្នកដែលមានប្រអប់ដៃស្ងួត សូមលាងដៃអោយបានស្អាត ជាមួយសាប៊ូបន្ទាប់មក យកអំបិលលាបលើ ប្រអប់ដៃរបស់អ្នក អោយបានសព្វ ហើយលាងទឹក បន្ទាប់មកយកឡេ មកលាបលើដៃ អោយបានសព្វល្អ។
- ចំពោះអ្នកដែលមាន ប្រអប់ដៃដែល មានសំណើម ច្រើនលើស គួរយកម្សៅពោត មកញីលើប្រអប់ដៃ អោយសព្វ ហើយលាងទឹកចេញ។
- គួរពាក់ស្រោមដៃពេល ធ្វើការធ្ងន់ៗ។
- ប្រសិនបើអ្នកចង់បាន ប្រអប់ដៃដ៏ទន់រលោង អ្នកត្រូវធ្វើវាជា រៀងរាល់ថ្ងៃ៕
ដោយ ដូណា
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]